Hierdie selfhelp-boek gaan vir jou die waagmoed gee om groot te kan droom en om vas te stel presies wat jy wil hê.
Baie mense het geen visie vir hulle lewe nie. Hulle weet nie hoe om hulle drome te verwesenlik nie. Jy moet waagmoed hê, groot droom en vasstel presies wat jy wil hê!
Jou visie is nie iets wat jy opmaak nie, dit wys waarvan jy gemaak is. Dit is jou innerlike krag, jou essensie. As jy geen visie het nie, vervul jy nie jou potensiaal nie. Jy sal egter verstom wees om te sien wat is moontlik wanneer jy die krag van jou potensiaal ontsluit!
Die lewe vlieg verby. Die res van jou lewe hoef egter nie op dieselfde trant aan te gaan nie. As jy wil hê daar moet iets nuuts en anders in jou lewe gebeur, moet jy sorg dat daar iets nuuts en anders uit jou uit kom. Hier is jou kans om standpunt in te neem vir ’n nuwe toekoms en ’n nuwe jy!
In hierdie eenvoudige 5-week-program help kundiges jou om ’n bloudruk te skep vir ’n lewe wat saak maak:
• Kobus Neethling – ’n buitengewone lewe deur anders te dink.
• Jannie Putter – Geestelike krag help jou om uit jou foute te leer.
• Liesel Krause-Wiid – God kan meer doen as wat jy jou kan voorstel.
• Wouter Snyman – Verander jou finansiële gewoontes en hóé jy oor geld dink.
• Lynette Beer – Emosies moet bestuur en nie onderdruk word nie.
Plus! Vrae om ’n aksieplan op te stel en jou eie droombord te skep
’n Aksieplan is niks anders nie as jou gedagtes op papier. Om jou gedagtes neer te skryf is die eerste stap om jou droom ’n werklikheid te maak.
’n Droombord is ’n visuele uitbeelding van jou doelwitte, drome en planne vir die toekoms. Stel dit visueel voor sodat jy elke dag aan jou droom herinner kan word.
General
Is the information for this product incomplete, wrong or inappropriate?
Let us know about it.
Does this product have an incorrect or missing image?
Send us a new image.
Is this product missing categories?
Add more categories.
Review This Product
No reviews yet - be the first to create one!