Jy het die mooi huis, die blink motor, die suksesvolle man en die spog
kinders. Jy het die suksesleer by die werk tot bo geklim. Jou lewe is so na
aan perfek as kan kom. En tog voel dit vir jou asof iets kort.
In die Johannes-evangelie het Jesus iets hieroor te sê: “’n Dief kom net
steel en slag en uitroei; Ek het gekom sodat hulle die lewe kan hê, en dit in
oorvloed.” (Johannes 10:10). Dit wat die dief, oftewel vyand van ons siele,
bied, is so anders as wat Hy wil gee. Die duiwel kom steel, vernietig en
doodmaak. Maar Christus het gekom sodat ons ’n lewe van oorvloed kan hê.
Hierdie 40-dag bybelstudie gee vir jou ’n oorsig oor wat dit beteken om
’n lewe van oorvloed te hê. Andries Enslin wys jou stap vir stap hoe om op
die regte manier Bybelstudie te doen en dit wat jy leer op jou lewe toe te
pas. So kan jy bou op die soliede fondasie van God se Woord. Dit sal jou
lewe verander!
Hoekom juis 40 dae? Elke keer wat God iemand wou voorberei om
iets vir Hom te doen, het Hy 40 dae gebruik. Noag se lewe is verander
deur 40 dae reën. Moses was anders na 40 dae op die berg Sinaï. Elia is
verander na slegs een maaltyd wat hom krag gegee het vir 40 dae. Jesus
self het krag gekry na 40 dae in die woestyn.
Elke dag word jy uitgenooi om drie gedeeltes uit die Bybel te bestu
deer, wat pas by die tema vir die dag. Na elke aanhaling is daar drie
besprekings rae wat jou aanmoedig om dieper in die Woord te delf. Met
hierdie metode volg jy drie stappe: observasie, interpretasie en toepassing.
Dit is die heel beste manier om die Bybel te lees. Lees wat daar staan. Vind
uit wat dit vir jou wil sê. Leef dit dan prakties uit.
General
Is the information for this product incomplete, wrong or inappropriate?
Let us know about it.
Does this product have an incorrect or missing image?
Send us a new image.
Is this product missing categories?
Add more categories.
Review This Product
No reviews yet - be the first to create one!