Dr. Rina Venter is die eerste en laaste vrou wat voor 1994 in ʼn Suid-Afrikaanse kabinet gedien het. As Minister van Gesondheid en Welsynsdienste onder mnr. F.W. de Klerk bevind sy haar in die politieke en maatskaplike binnekring tydens die oorgang van apartheid na demokrasie. Vyf en twintig en meer jare later is hierdie boek egter nie ’n gewone “skinder-en-vertel-verhaal” oor wat agter die skerms plaasgevind het nie. Dit handel in werklikheid oor die Afrikaner se opkoms en “ondergang” tussen 1938 en 1994.
Dr. Venter skryf oor kinderjare waarin die spanning tussen “Nat” en “Sap” in eie familie ervaar word; oor haar lewe as jong maatskaplike werker wat eerstehands die meedoënlose uitwerking van die skadukant van apartheid op gewone gesinne beleef; en as opgeleide sosioloog beskryf sy met gesag die Afrikaner-establishment en die “nodes van mag” wat die samelewing na hul beeld probeer vorm. Maar sy beskryf en ontleed ook die rol van Afrikaanse vroueorganisasies en hoe swart vroue, veral gedurende die noodtoestand in die 1980’s, na hulle uitreik om omstandighede in die swart woonbuurte te help stabiliseer en “hul kinders te help red”. Dit is ’n geskiedenis wat nog nie voorheen met soveel insig beskryf is nie. Sy skryf oor haar lewe in die aktiewe politiek van “eie” en “algemene” sake wat onbekostigbaarheid en verdubbeling tot gevolg het, oor
persoonlike magsbasisse wat tot spanning lei, haar tyd as Minister van Gesondheid en Welsynsdienste en die politieke oorgang.
Oor die onderhandelingsproses, soos sy dit as ’n kabinetslid beleef het, skryf dr. Venter waarskynlik met groter openheid en eerlikheid as enige van haar kollegas, ook oor die foute wat gemaak is. Dit is egter nie ’n boek vol verwyte nie, maar ’n toekomsgerigte werk waarin foute wel deeglik ontleed word om hulle in die toekoms te probeer voorkom. Vir elkeen wat soek na ’n oplossing vir probleme waarmee Afrikaanssprekendes vandag worstel, is dit verpligte leesstof.
General
Is the information for this product incomplete, wrong or inappropriate?
Let us know about it.
Does this product have an incorrect or missing image?
Send us a new image.
Is this product missing categories?
Add more categories.
Review This Product
No reviews yet - be the first to create one!
Welcome to Loot.co.za!
Sign in / Register |Wishlists & Gift Vouchers |Help | Advanced search
bundle available
(3)
