Gaan Kayla se lewe ooit weer oukei wees na Die Ramp?

Die Ramp waarin hulle geliefde huis, Miernes, heeltemal afgebrand het en nou moet haar hele groot gesin in haar pa se ou werkswinkel, Ghrieshuis, gaan bly. Die Ramp waarin haar pa, motorwerktuigkundige en kranige fotograaf, sy sig verloor het en nou nie meer kan werk nie. Die Ramp wat alles verander het.

Maretha Maartens skryf met haar ervare skrywershand ’n deernisvolle verhaal oor verlies, hoop en geloof.

Maretha Maartens en Magda Slabbert neem hande om in Klankgrens die verhaal van pyn, oorlewing en die diepe worstelinge van die grensoorlog se weermagvroue oop te vlek.

Uit die oogpunt van die vrouens wat moes agterbly, wat moes aanhou, wat moes verstaan, en kop bo water hou, leer ken ons vir Jo en haar kinders en die stryd wat die vrouens gevoer het, weg van die grens.

Dis die onstuimige tagtigerjare.

Bethel Hendrix, haar broers en hulle ma reis deur die land in ʼn Kombi.

Hulle leef ʼn nomadiese bestaan en bly net vir ʼn kort ruk in een dorp voor hulle na ʼn volgende beweeg.

Om die gesin aan die lewe te hou, verkoop Bethel se ma vetkoek.

Maar oral waar hulle kom, is dit duidelik dat die gesin anders is. Dat hulle arm is. Dat hulle nie in ʼn regte huis bly nie. Dat hulle ma anders lyk en dink. Dat daar nie ʼn pa saam met hulle is nie.

Al wat Bethel graag wil hê is ʼn plek waar sy haarself kan wees …

Dis die onstuimige tagtigerjare. Bethel Hendrix, haar broers en hulle ma reis deur die land in 'n Kombi. Hulle leef 'n nomadiese bestaan en bly net vir 'n kort ruk in een dorp voor hulle na 'n volgende beweeg. Om die gesin aan die lewe te hou, verkoop Bethel se ma vetkoek. Maar oral waar hulle kom, is dit duidelik dat die gesin anders is. Dat hulle arm is. Dat hulle nie in 'n regte huis bly nie. Dat hulle ma anders lyk en dink. Dat daar nie 'n pa saam met hulle is nie. Al wat Bethel graag wil hê is 'n plek waar sy haarself kan wees.

'n Donker wereld van dwelms, 'n lewe in die strate, dwelmsindikate en die tronk. Dit is 'n lewe wat maar alte bekend is aan Rocher. Die lewe het hom mis­han­del. Hy moes staande bly deur sy ouers se egskei­ding, vyf stiefpa's en seksuele moles­tering. Rocher het homself oortuig dwelms is sy enigste troos, sy enigste liefde. Tog is Die beste ding since popcorn 'n verhaal van hoop, oorwinning en verlossing. Deur Jesus se bloed en God se on­beperkte genade en liefde word Rocher bevry van sy verslawing, maar eers nadat hy die diepste duisternis oorleef het: Pollsmoor-gevangenis.

Hanna is kinderloos. Haar man moet seuns he om sy priesterlike pligte as Leviet voor die Here na te kom, en na nege jaar trou Elkana weer. Peninna skenk die lewe aan die een kind na die ander. Maar Hanna sukkel met Peninna se teenwoordigheid. Hierdie aangrypende verhaal spreek tot elke vrou. Sal Hanna kan vrede maak, met haarself en met Peninna? Sal sy guns kan vind in die oe van God sodat Hy haar lamp weer aansteek en die donker verdryf?

"Dis Gina, Ouma, nie Gezina nie - Gina," dring Bokkie aan toe Ouma grootjie kom kuier.

Dit is in die ryptyd dat Elizabeth agterkom haar pa en ma het mekaar nie meer lief nie. Dit is ook in dié tyd dat Kurt vir 'n paar dae huis toe kom van die Grens af - Kurt wat al meet begin praat oor "liefde maak". Elizabeth wens hy wil uit haar lewe padgee - al het sy juis nou iemand nodig om mee te praat.

Vir die eerste keer word mense wat deur trauma gaan, of gegaan het, uit vier dissiplines bemagtig. 'n Groot span uitgesoekte sielkundiges, dokters, regslui en teoloe bied bevatlike, vars wetenskaplike en teologies deurdagte inligting aan elke getraumatiseerde persoon. Dit is genesings- en herlewingstoerusting. Die traumatemas in Boek 5 is: Deur die trauma van gestremdheid en fisieke verlamming; deur die trauma van gemoeds- en persoonlikheidsversteurings; deur die trauma van mobiliteitsverlies; deur die trauma van oudword; deur die trauma van Parkinsonsiekte; deur die trauma van Alzheimersiekte. Die laaste hoofstuk bevat vrae en antwoorde oor terapiee, toetse en medikasie.

Vyf en twintig gedragswetenskaplikes (sommige ook teoloe), twee mediese dokters, 'n regsgeleerde en 'n eerlike jong egpaar wat reeds sewe jaar getroud is en besondere uitdagings die hoof moet bied, het saamgewerk aan hierdie titel vir: ernstig verliefdes, verloofdes en troupaartjies; wittebroodspare, pasgetroudes en lank-getroudes; jong ouers, middeljariges en enkellopende persone wat 'n tweede huwelik oorweeg.

"Waar is Dachau?" stamel Daniel. "Wat het ons gedoen dat ons ... dat ons daarheen moet gaan?" "Jy is 'n Jood," se Toiingkop saaklik. "Jy's met die verkeerde neus en die verkeerde vel en die verkeerde kleur hare en die verkeerde voorvaders gebore. Jy's die Joodse Probleem ..." Die vyftienjarige Daniel Rosendorf en sy ma kuier by familie in Bloemfontein toe sy pa uit Munchen laat weet dat daar nou plek is by die vioolbouer. Met warm goed, 'n joernaal, lapsak en vyf potlode vertrek hy na Europa met die Union Castle. In Munchen is alles egter nie meer dieselfde nie ... Die vuurhoutjiedooshuisie waarin hy en sy familie woon, is leeg en verwaarloos. Pa en Abigail het "in die nag weggegaan". En ruik hy sleg dat Elfriede met die bottelglas-oe hom so snaaks behandel? Daniel se lewe verander ingrypend wanneer hy deur Duitse soldate geforseer word om op die vragmotor te klim. Het hy genoeg chutzpah om hom deur die taaiste stryd van sy lewe te sien?. In die hemel eet 'n mens mieliepap is 'n meevoerende jeugverhaal wat die leser in kontak sal bring met 'n kaleidoskoop van intense gevoelens. Die onoorwinbare gees van die mens word treffend deur die pryswennerskrywer Maretha Maartens uitgebeeld.