’n Bom ontplof net voor Kersfees in Kopenhagen se besigste inkopiestraat. Die ekstremistiese terreurorganisasie wat verantwoordelikheid opeis, kondig in ’n videoboodskap aan dat dit die begin van ’n globale terreuraanslag is. Op dieselfde dag ontplof ‘n bom in ‘n moskee in Kaapstad. ’n Jong Nederlandstalige vrou word met ernstige brandwonde in die puin gevind en ’n Suid-Afrikaner word vir moontlike betrokkenheid gearresteer.

Die voormalige diplomaat, Johan Castelyn, wat in Antwerpen woon en koverte inligtingswerk vir die Franse Geheimediens doen, word opdrag gegee om in Amsterdam en Kaapstad antwoorde te vind om verdere aanvalle te help voorkom. Johan is verras om te verneem dat van sy familie wat verregse bande het, ook by die aanval betrek word.

Voor sy vertrek vra ‘n oud-kollega en nou ambassadeur in Washington DC, vir Johan om sy dogter se aktiwiteite en betrokkenheid by ’n ekstremistiese geestelike leier te ondersoek. Persoonlik sien hy uit na die besoek aan sy geboorteland met die vooruitsig om ’n vriendin van vroeër op te soek.

Hoe gaan Johan en agente van verskeie veiligheidsdienste die dreigende vlamme blus voordat dit in ’n inferno verander? En wie gaan lewe en wie gaan sterwe?

Na twee jaar gevangenisskap in Togo weens wapensmokkelary word Johan Castelyn onverwags vrygelaat - op voorwaarde dat hy as diplomaat in Parys op die nuwe ambassadeur, Nerine Cloete, sal spioeneer. Kort voor haar aanstelling was Nerine, 'n lid van die opposisie, op die punt om 'n wapenskandaal oop te vlek. Nou moet sy egter buite partyverband optree - en Johan is daar om seker te maak dit gebeur.