Athandwa se hart is anders as ander mense s’n. Vir so lank as sy kan onthou, kan sy haar hart hoor sing. Eers maak dit haar ’n bietjie bang. Hoekom is sy anders as ander mense? Maar toe sy haar hart probeer stilmaak, ontdek Atandwa ’n geheim – en ’n baie spesiale liedjie … een wat Mamma, Gogo en Koko ook ken.

Jy is liefde is ’n liriese verhaal oor hoe liefde en ons uniekhede ons oor generasies heen bind.

Die boek is ook beskikbaar in isiZulu en Engels.

Alten die akkedis met sewe sterte is 'n storie van vriendskap en avontuur. Alten, 'n akkedis met die merkwaardige vermoë om sy stert te verloor en weer te laat groei, vind homself in 'n tuin vol gevare.

Wanneer sy vriend Frida, die verkleurmannetjie, in die moeilikheid beland, moet Alten sy moed bymekaar skraap om haar te red. Saam droom hulle van 'n plek waar hulle veilig kan wees, weg van die bedreigings van die menslike wêreld. Ontdek hoe Alten se unieke
talent hom help om die dag te red en leer meer oor die wonderlike verdedigingsmeganismes van akkedisse. 'n Verhaal vol humor, spanning en die krag van ware vriendskap.