Bolwetsi bja kankere ya molomo wa popelo bo hlola gore Molatelo a thome go se sa ithsepa lenyalong la gagwe le Mojagobedi. O thoma go ba le dikgopolo tsa gore Mojagobedi a ka be a ratana le basadi ba bangwe ka ntle. Ka lapeng lethabo le leba sopoding, gomme go galagala setu. Na e ka ba ke nnete Mojagobedi ke seratantepa sa go ja ka atla tse pedi - goba mohlomongwe Molatelo o fo tshwenywa ke go ba mmalehufane?

Mohlala o kae? Ke ye nngwe ya dipaditseka tsa maemo a godimo dingwalong tsa Sesotho sa Leboa. Motse wa Leopeng o ikhwetsa o le ka gare ga kgakanego ye kgolo. Baetsana ba motseng wo ba timela motshaptshele, gomme ga go tsebege gore ba metswa ke phoofolo ya mohuta mang yeo e ikutilego kae. Sersanta Letsetse o lebagane le modirotlou wa go tsoma seo se metsago basetsana ba le ge mohlala wa sona go se yo a ka o supago. Naa o tla atlega go rarolla mararankodi ao a raranego wa go nola moko? Aretse ruri!