Karen is vir die eerste keer verlief en George is enige vrou se droomman: lank, aantreklik, sjarmant én suksesvol.

Hoekom bring sy dan al hoe meer tyd saam met die “kreupel kluisenaar” Werner Scholtz deur? En hoekom roer dit haar so wanneer sy saam met hom na Maria Callas se “Saggies ontwaak my hart” luister?

Dalk, besef Karen, is verliefdheid nie ware liefde nie. Maar wie is die vrou vir wie Werner elke week ’n gerf blomme neem?

Sy voel uiteindelik veilig...

Madie van Tonder was lief vir die charismatiese James van Vuuren en het vas geglo dat hy dieselfde voel. Ná die traumatiese afloop van hulle verhouding, besluit sy om in die vervolg haar hart toe te sluit, vrolik soos 'n vlinder rond te fladder en dieper verhoudings te vermy soos die pes.

Totdat sy die jong veearts, Lourens de Villiers, ontmoet. Sy helderbruin oë glimlag saam wanneer hy lag en hy laat haar veilig voel. Maar kan sy haar hart hierdie keer vertrou, of is Lourens ook besig om met haar te speel?

Die kwessie van seksuele teisering word aangespreek met baie deernis en sensitiwiteit in hierdie verhaal.