'n Eggo in Die Duisternis
In hierdie aangrypende roman, boek 2 in die die Merk van die leeu-reeks, neem Francine Rivers lesers terug na ’n ander tyd en kultuur, en tóg herken ons onsself, ons geliefdes en ons wêreld in die bladsye van hierdie boek. Die hand van God is duidelik sigbaar in die verhaal van Hadassa en Markus soos die evangelie van Jesus Christus ontvou en Hy sy mense bemagtig om die wêreldse dinge te oorwin. ’n Eggo in die duisternis is ’n getuienis van die liefde. Dit is ’n boeiende verhaal wat in eg menslike terme weergegee word. Dit vertel van Hadassa se getrouheid aan haar Verlosser en Markus se soeke na God. Die boek spreek tot elke leser omdat hulle kan identifiseer met hierdie twee karakters se worsteling rondom hulle geloof en hulle liefde vir mekaar. In hierdie verhaal sal lesers opnuut ontdek wat dit beteken om na God se stem te luister.
'n Stem in Die Wind
In ’n eeue oue kultuur skrikwekkend eenders as die hedendaagse moderne Amerika, veg ’n jong slavin om die behoud van die mense en die man wat sy liefhet. Verskeur deur haar liefde vir ’n aantreklike jong edelman probeer sy desperaat aan haar geloof in ’n lewende God vashou; ’n God wat sy glo hulle kan verlos van die verslawende mag van ’n dekadente Rome. Hierdie meesterlike en opwindende roman uit die pen van die gewilde skrywer Francine Rivers is bestem om tot die hart te spreek van elkeen wat dit lees. Die boodskap is een van waarheid en hoop in ’n wêreld vol leuens en wanhoop.
So Seker as Wat Die Dag Breek
So seker as wat die dag breek is die derde boek in die Merk van die leeu-reeks. Net soos die vorige twee boeke in die reeks, ’n Stem in die wind en ’n Eggo in die duisternis, neem hierdie boek die leser terug na antieke Rome en die vroeë jare van die Christelike kerk. So seker as wat die dag breek vertel die verhaal van Atretes en Rispa, die weduwee wat Atretes se seun uit sy verhouding met Julia versorg; ’n seun wat Atretes vir lank geglo het dood is. Hulle lewe en optrede open ons oë vir die vernietigende krag van woede, maar ook die wonderlike krag van vergifnis. Dit is ’n verhaal vol waarheid en hoop en dit dra die boodskap van God se onvoorwaarlike liefde. Hierdie is Christelike fiksie op sy beste.
General
Is the information for this product incomplete, wrong or inappropriate?
Let us know about it.
Does this product have an incorrect or missing image?
Send us a new image.
Is this product missing categories?
Add more categories.
Review This Product
No reviews yet - be the first to create one!