Bestaan daar ander werelde as ons alledaagse een? Waarheen gaan mense wat verdwyn? Hoe veg 'n mens teen vreemde en magtige, onbekende wesens? Hoeveel moet jy waag ter wille van vriendskap? Dit is van die vrae waarmee Morne te doen kry wanneer sy meisie, Imke, in 'n museum verdwyn. Middernagland vertel 'n ou-ou verhaal vir jong lesers: die held op 'n tog om sy geliefde uit die kloue van 'n monster in 'n kasteel te bevry. Onderweg trotseer hy gevaar na gevaar met telkens 'n nuwe helper en moet hy sy eie karakter op die proef stel. Die verhaal word gevolg deur 'n leesgids met: inligting oor die outeur; 'n opsomming van die verhaal; woordverklarings van moeilike woorde; vrae oor die inhoud van die verhaal en letterkundige aspekte; antwoorde vir die vrae; 'n glossarium met letterkundige begrippe.

Finalis - Maskew Miller Longman 2007 Letterkundeprys. "Hy is skaars terug in sy woonstel toe sy polsband 'n biep gee. Die eerste boodskap! Hy weet sommer dit sal Jurg wees. Maar op die skerm staan: Onbekende sender. Hy is sat vir advertensies wat so by hom uitkom - maatskappye het allerhande maniere om polsbandnommers in die hande te kry en dan die draers met boodskappe te bombardeer, al probeer jy hulle blokkeer. Sy opgewondenheid sit om in irritasie. Maar dis nie 'n advertensie nie: Wanneer jy in die stad kom, waarsku vir Ying Li dat iemand op pad is om haar dood te maak." In 2084 behoort die wereld aan tieners - en die gelukkiges onder hulle gaan stad toe. Stad, plek van groter plesier as wat jy jou kon voorstel. En groter gevaar as wat jy kon raai. George Logan se bestemming. "Ek het bewondering vir die vaardigheid van die skrywer en sy vermoe om struktuur te skep. Die teks en skryfstyl vloei so gemaklik soos water. Die jong, geslepe burgemeester van Kaapstad, Ying Li met haar lispelende slangtong, is 'n fassinerende karakter." Riana Scheepers, beoordelaar van die MML Letterkundekompetisie Francois Bloemhof skryf boeke vir volwassenes, tieners en jong lesers. Sy werk is reeds in al drie kategoriee meermalig bekroon, maar hy glo sy soort boek word soms onderskat: daar is steeds mense wat dink "boeke waarin daar baie gebeur" is makliker om te skryf as ander. In 2084 the world belongs to the teenagers and the luckiest ones go to the city. The city, a place of great pleasure, more than you can imagine. And greater danger than what you can envision.