The world has changed for Spider-Woman as the events of GANG WAR over take New York City! She was wiped out of existence in 'End of the Spider-Verse' and when she came back... well, things weren't the same. Brace yourself for the next shocking chapter of Jessica Drew's story!

Diana en Gerhard deel dieselfde droom, maar dit is beslis nie een wat hulle saam kan uitleef nie. Dit is óf die een óf die ander se droom wat gaan realiseer.

Hulle is albei doelgerig en vasbeslote in hul soeke na sukses. Sake word bemoeilik toe hulle hul harte onherroeplik op mekaar verloor.

Hoe gaan hulle die groeiende passie tussen hulle keer? En wie se drome gaan op die ou einde aan skerwe lê?

Toe Cérie Château Monet erf, besluit sy om daar te bly. Hier is sy geliefd en haar geheim is veilig. Arthur Arenberg, ’n welgestelde hertog en Cérie se lojale jeugvriend, is bereid om met Cérie trou om haar teen haar pa te beskerm.

Warrick is op sy gelukkigste op sy ouers se wildsplaas in Suid-Afrika. In Frankryk vir ’n kursus, lei ’n motorongeluk hom na Cérie se deur.

Waar lê Cérie se toekoms? In Frankryk as Arthur se vrou of in haar geboorteland saam met Warrick?

Although Kippei and Keita have been together for ten years now, they’re still finding it difficult to be completely honest with one another. However, it seems fate has a plan to reignite their passion and fix their communication problems. The morning after Kippei accidentally breaks a sentimental mug, he swaps places with his younger self from ten years ago! Suddenly, the couple both have the opportunity to face the person they fell in love with a whole decade back, and maybe reignite the passion that’s been threatening to fade away.

Toe Marguerite ’n jaar ná haar mislukte verlowing terugkeer na haar grootworddorp, is almal presies nog soos wat sy hulle onthou.

Almal behalwe Bernard Visagie. Die bruingebrande boer se omgeewoorde en bokse met groente veroorsaak ongekende moeilikheid in haar hart. Marguerite sien nie so gou weer kans vir ’n verhouding nie. Daarby is hulle ouers teen hul vriendskap gekant oor iets wat dertig jaar terug gebeur het.

Sal Marguerite en Bernard hul vriendskap lig en sonder onnodige komplikasies kan hou?

“Hy’s onnosel,” fluister hy voor sy lippe stadig oor haar sproete gly. “Dis pragtig. Jy’s pragtig.”

Die snak wat oor haar lippe kom, kan sy op geen manier keer nie. Met ’n kreun trek hy haar kop nader en soen haar. Die oomblik wat hulle lippe ontmoet, slaan begeerte intens en onmiddellik op haar maag.

’n Mens soen nie sommer wildvreemde mans nie, probeer ’n ou stemmetjie haar keer, maar vir die eerste keer in haar lewe gaan sy haar nie aan enige stem steur nie. Of dit die rooiwyn op sy tong of sy baard teen haar vel is, weet sy nie, maar sy sink met ’n kreun weg in die soen.

Niks anders behalwe die een sensasie na die ander wat oor haar spoel, maak op hierdie oomblik saak nie. Niemand het haar al ooit so gesoen nie. Niemand nie. So asof hy sy hele lewe net vir hierdie oomblik gewag het, asof hy nooit genoeg gaan kry nie en nooit gaan ophou nie.

Met ’n gromgeluid diep in sy keel, verdiep hy die soen. Lyflike plesier soos sy nog nooit vantevore ervaar het nie, vloei deur haar soos warm heuning. Haar hande beland op sy borskas. Warm, kliphard, gespierd. Onder haar vingers struikel sy hart op dieselfde oomblik wat sy tong deurglip en hare ontmoet.

Hitte, honger, passie. Moenie ophou nie, moenie ophou nie, is die enigste gedagte wat bly maal.

Trou met ’n man wat jou sproete tel, het haar ouma vir Ava Badenhorst geleer. Ava kry so ’n man in ’n restaurant in ’n Karoodorp, maar hy’s een van haar nuwe base en te vatterig na haar sin.

Edward Sutherland soek nie iets ernstigs nie, maar besef sy gevoelens vir Ava is nie net vlietend nie. Ava dra heelwat seer saam en wys nie sommer haar gevoelens nie.

Is daar ’n kans dat dinge tog tussen twee rooikoppe kan uitwerk?

Verpleegsuster Kira Louw gaan werk op die Sea Nymph-toerskip sodat sy van ’n teisteraar af weg kan kom.

Sy en die aantreklike dokter Albert Dorell is dadelik aangetrokke tot mekaar maar albei het voorbehoude. Kira is nou lugtig vir mans. Albert se pa se ryk familie op Malta het op sy ma neergesien en sy ouers is geskei.

Vroue is net so aangetrokke tot Albert as wat mans tot Kira is. Sal die liefde seëvier?

Die kunstenaar Marieke Marais gebruik ’n koffietafelboek waaraan sy werk as verskoning om te vlug van haar manupilerende eksverloofde. Sy gaan bly in afsondering in ’n berghuis om haar opdrag te voltooi.

Toe haar nuwe buurman haar as sy verbeelde trouvrou voorhou om die attensies van sy baas se besitlike dogter te ontwyk, word Marieke se lewe van voor af gekompliseer.

Sal sy kan onderskei tussen voorgee en werklike liefde? En sal sy haarself van ander se manupilasie kan bevry?

Die drie Van der Walt niggies is elkeen vasgevang in hul eie uitdagings na die onlangse warrelwind van gebeure.

Lenore worstel met ’n groot persoonlike verlies. Die kringloop van haar beproewinge oor die afgelope tyd het haar vrese oor verlating wat sy al in kleintyd ontwikkel het, net verder verdiep. Maar noudat sy self ’n ma is, besef sy dat sy haarself hiervan sal moet bevry om ’n standvastige ouer vir haar kinders te wees. Hulle oupa Tjaart se visie vir Bateleur-reservaat rus ook op haar skouers, en sy dra swaar daaraan om getrou hieraan te bly.

Bella, wat al in haar tienerjare wees gelaat is ná haar ouers se selfvernietigende besluite, begeer ’n familie van haar eie. Ná haar broer, Jaco, se hartseer dood in ’n skiettragedie, het sy in haar alleenheid die ideaal van ’n perfekte familie nagejaag. Maar miskien is daar tog ’n hegte kring van liefde vir Bella bedoel wat nie uit die standaard definisie van die perfekte familie bestaan nie, maar eerder in die warm koestering van ’n laslap familie.

Tarien se fokus is só onwrikbaar gevestig op haar toewyding aan die Here en die opofferings wat sy in haar diens aan Hom maak, dat sy nie besef haar sendeling bestaan het ’n selfopgelegde prys geëis wat die Vader nooit van haar gevra het nie. Haar ma is sterwend en Tarien begin wonder oor haar im-pulsiewe, romantiese uitkyk op die lewe en hoe dit haarself en haar naastes benadeel. Sy begin twyfel of dit ooit só moes wees. Miskien lê die antwoorde op haar vrae en brose behoeftes op haar grootwordplaas ...