Wunds That Blaw Sae Roch 2022 - 50 Years o Lallans Prose (Paperback)

WUNDS THAT BLAW SAE ROCH: 50 Years o Lallans Prose Since it first kythit in 1972 The Scots Leid Associe/The Scots Language Society has ettled tae publish a fowth o screivins by the maist byordinair makars and screivers o Scots in the pages o its bi-annual magazine, Lallans. Lallans is a ferlie in itsel, haen survived and fordered tae rax tae its 100th issue in 2022. Whiles poetry in Scots has aften been tae the fore, the first editor o Lallans, JK Annand, recognised that prose in Scots needit a heeze by prentin mair fiction, owersettin, drama, reviews and non-fiction airticles on ilka subjeck. Wunds That Blaw Sae Roch is an ingaitheran o some o the best walins by the furthmaist prose authors in the Scots leid ower this hauf century o mensefou chynge in Scottish life, politics and cultur. It sterts wi the makars at the hinder-end o Scottish Leiterary Renaissance and taks the reader up intil the here and nou and the new generation o screivers, the bairns o the Scottish Parliement. Wunds That Blaw Sae Roch is pruif that Scots is no a deean language. Alang wi Sangs That Sing Sae Sweit (The Scots poetry anthology that is published sib wi it) it is steekit wi tentfou, thochtie and brawsome celebrations o our kintrae, our landscape, fowk, sangs, leir and history. While it celebrates the cairrying stream o bonnie screivers, some wha hae passed on, it bides relevant and luiks faurrit tae the hecht and hairst o the future. Wunds That Blaw Sae Roch tells us that the Scots leid is whaur it aye has been - the ongaun and virrfou vyce o the fowk.

General

Imprint:	Grace Note Publications
Country of origin:	United Kingdom
Release date:	November 2022
Editors:	Derrick McClure • Elaine Morton • William Hershaw
Dimensions:	216 x 140 x 19mm (L x W x T)
Format:	Paperback
Pages:	328
ISBN-13:	978-1-913162-19-1
Categories:	Books Promotions
LSN:	1-913162-19-2
Barcode:	9781913162191

Is the information for this product incomplete, wrong or inappropriate? Let us know about it.

Does this product have an incorrect or missing image? Send us a new image.

Is this product missing categories? Add more categories.

Review This Product

No reviews yet - be the first to create one!