Weskuskos bied ’n verskeidenheid eenvoudige, dog heerlike geregte,
eie aan die Suid-Afrikaanse Kaapse Weskus, maar enersyds
onlosmaaklik verweef met die geskiedenis en lewens van haar
gemeenskappe. Toegevoeg tot die vanselfsprekende seekosgeregte, is
nog smaaklikhede – van eenvoudige sop tot feestelike nageregte en
verrassings vir ‘onweersdae’. Soos baie ander vissersgemeenskappe,
werk pelagiese vissermanne aan die Suid-Afrikaanse Kaapse Weskus
vir fabrieke en word slegs op kommissiebasis betaal. Aangesien
visvang tot seisoene beperk is en mans normaalweg die broodwinners
is, is armoede ’n algemene gesig.
In 1994 is ’n visvangkwota in
Suid-Afrika ingestel om die visbedryf deur werkskepping en
bemagtiging van eens gemarginaliseerdes, te hervorm. Vir Katie
Prezens, Jane Solomon en haar suster, Suzanne, almal van Hopefield,
was die kwotastelsel ’n uitkoms uit hul sukkelbestaan. In 1996 is
die maatskappy vir die vroue en weduwees van pelagiese vissermanne,
die Bergrivier Vissersvrouevereniging, geregistreer en het hulle om
’n kwota aansoek gedoen. Die kwota is toegestaan, maar weens ’n
gebrek aan eie bote, moes ’n vismaatskappy namens hulle die kwota
vul, waarvoor hulle dan ’n persentasie van die ‘vangs’ moes
afstaan. Selfs met die klein inkomste, was hulle in staat om
daardie geld in meer ekonomies-uitvoerbare projekte te stort. Die
Bergrivier Vissersvrouevereniging bestaan uit lede van gebiede
langs die Weskus wat verskeie strategiee aan die dag le om die
volhoubaarheid van hul gemeenskap te bevorder. Weskuskos
verteenwoordig een so ’n projek en word beskou as ’n manier om die
geskiedenis van die mense van die Weskus aan te teken en hul trots
en waardigheid aan hulle terug te gee. Ongelukkig is die maatskappy
ontbind na die boek se eerste uitgawe. Oor geslagte heen was die
Weskusmense bekend as ’n vissersgemeenskap, maar as gevolg van
kommersialisering, staar hulle nou die einde van daardie tradisie
in die gesig.
Lewe aan die Weskus is onherroeplik verander en selfs
kreef wat eens armmanskos was, is nou so skaars en gesog dat dit as
rooi goud bekend staan. Daarom bring die Bergrivier
Vissersvrouevereniging, onder leiding van Ina Paarman, vir ons
Weskuskos – ’n versameling resepte, sommige uit vervloe dae, wat so
saam met die sout van see en traan ontwikkel is. Ingesluit is
onvergeetlike seekos en watertand braai-en vleisgeregte, sop wat
jou na kleintyd laat verlang en iets vir die dag van more, want die
mense aan die Weskus ken ook swaarkry en weet om vooruit te beplan.
’n Unieke kookboek bied ons ’n kykie in die lewe van die mense aan
die Kaapse Weskus soos hulle hulself sien.
General
Is the information for this product incomplete, wrong or inappropriate?
Let us know about it.
Does this product have an incorrect or missing image?
Send us a new image.
Is this product missing categories?
Add more categories.
Review This Product
No reviews yet - be the first to create one!