Hoe leer jy skryf? Hoe skryf mens oor jouself, oor ander, oor
plekke en gebeure of oor idees en oortuigings? Hoe begin jy 'n
treffende teks, hoe sluit jy dit af? Mens leer vinnig as jy langs
'n goeie ambagsman gaan staan en mooi loer wat hy doen en die
tegnieke wat hy benut in jou eie werk begin toepas. Dit is die
lekkerste en vinnigste manier. Hier is 'n boek in Afrikaans wat
saamgestel is om jou daarmee te help. Om te skryf bevat vertalings
van bekende Engelse prosa en oorspronklike Afrikaanse tekste, maar
die boek gaan nie oor wat die skrywers se nie - belangrik soos dit
mag wees - maar oor die hoe: die tegnieke waardeur hulle hul
boodskap helder oordra. Na elke uittreksel, word daar vrae gestel
wat die leser help om die woordmeesters se styl, tegniek en
vaardighede aan te leer. Inhoud behels persoonlike skryfwerk, die
karakterskets en beskrywing, asook meer abstrakte konsepte soos die
uiteensetting van 'n agument en 'n poging om ander mense te
oortuig. Later volg tegnieke om 'n stuk te begin en te eindig,
skryfwerk oor kuns en media en ten slotte 'n afdeling oor die
nuanses van individuele styl. Die boek bevat ook 'n woordelys met
bondige definisies van terme wat in die oefenvrae in die boek
gebruik word. Die eerste Afrikaanse boek van sy soort vir aspirant
skrywers, joernaliste, en enigiemand wat lief is vir literatuur of
daarin belangstel om sy skryfvaardighede te verbeter; bevat oor 'n
honderd uittreksels uit werk van van die voorste skrywers in die
geskiedenis (van Plato tot V.S. Naipaul), asook van die beste
skryfwerk uit ons eie literere en joernalistieke erfenis (van
Etienne Leroux tot Dana Snyman); opsigselfstaande afdelings bied
lesers buigsaamheid om by enige afdeling te begin; oefeninge maak
dit moontlik om toe te pas wat gelees is; vergesel van 'n webwerf
met gereelde kompetisies, ens. - www.omteskryf.net
General
Is the information for this product incomplete, wrong or inappropriate?
Let us know about it.
Does this product have an incorrect or missing image?
Send us a new image.
Is this product missing categories?
Add more categories.
Review This Product
Om te skryf is die moeite werd
Mon, 7 Mar 2022 | Review
by: Aduppie
Hierdie boek kry volgens my nie genoeg krediet vir die waardevolle inligting in die lywige boek nie. Kombineer dit met die boek Die Afrikaanse skryfgids vir optimale sukses. Die Afrikaanse skryfgids vertel jou wat om te doen terwyl Om te skryf jou wys hoe om te skryf. Dit neem tyd om deur die boek te werk en dit is alles die moeite werd. Skryfskole is nie altyd vir almal beskore nie - hierdie boek vul 'n groot leemte. Jy sal nie spyt wees nie.
Did you find this review helpful?
Yes (0) |
No (0)