Trouvrou (Afrikaans, Paperback)

Trouvrou is vir die moderne vrou met ’n nostalgiese hart wat hunker na vervloë dae - ’n vrou wat ewe tuis agter die kospotte as haar skootrekenaar is.

Trouvrou koester die onthoutye van Ouma se plaas waar die kraai van die haan haar wekker is; die reuk van krummelpap haar wakker kielie; die fluit van die koffiepot haar nader roep - met die trommel beskuit wat staan en wag. Sy het raakvathande wat koeksisters vleg, fyn hekeltafeldoeke sagkens dek. Teen sonsak drink sy n koppie tee uit duursame porselein, terwyl die draadloos in die agtergrond blêr …

Trouvrou verlang na haar heldin-ma se dorpskombuis. Sy sien nog die meelwolk soos haar ma werskaf en sy rúík die kaneel. Haar hart trek huis toe, veral op koue wintersdae … Bakke vol kerrie en koekstruif staan reg vir die kerkbasaar. Dis ook hier waar Pa se springbok in biltong en droëwors verander. Padkospakkies met koue hoenderboudjies en gekookte eiers staan reg vir die langpad. Na Noot vir Noot, ’n laataandkuier om die kombuistafel met ’n beker koffie en Ma se sjokeladekoek.

Maar jy, Trouvrou, is jou eie mens. Jy leef ’n kitsbestaan en Wi-Fi is jou suurstof. Jou kombuis is klein en jou tafel pas skaars in. Het jy maar notas by Ouma en Moeks gevat; die pad na ’n man se hart loop immers deur sy maag! Jy leef in ’n wéreld van wegneemetes, mikrogolfdisse en papierplekmatjies. Jy is lief vir reis, uitgaan … Jy weet jou moderne leefstyl bring sy eie mooi. Dis egter tyd om gister en vandag te verenig - om vroeëre dae opnuut in die kombuis te laat voortleef.

Met Trouvrou wil ek jou op reis neem van toe na nou.

Ek wys jou die beste van drie wêrelde …

Ouma se Plaaskombuis, Mamma se Dorpshuis en Sussie se Flat

General

Imprint:	Sylvia Strauss
Country of origin:	South Africa
Release date:	2022
Authors:	Sylvia Strauss
Dimensions:	250 x 200 x 25mm (L x W x T)
Format:	Paperback
ISBN-13:	978-1-990958-00-7
Languages:	Afrikaans
Categories:	Books > Health, Home & Family > Cookery / food & drink etc > General cookery > General Books > Food & Drink > General cookery > General Books > Afrikaans > Gesondheid, Huis en Gesin Books > Afrikaans > Kook en Geniet Promotions
LSN:	1-990958-00-1
Barcode:	9781990958007

Is the information for this product incomplete, wrong or inappropriate? Let us know about it.

Does this product have an incorrect or missing image? Send us a new image.

Is this product missing categories? Add more categories.

Review This Product

No reviews yet - be the first to create one!