Rimpelstories is 'n leesreeks vir die Hersiene Nasionale Kurrikulum in die Intermediêre Fase. Rimpelstories is 'n leesreeks vir die Hersiene Nasionale Kurrikulum in die Intermediêre Fase. Die reeks poog om jong lesers die genot van lees te laat ontdek en hul visuele geletterdheid te ontwikkel deur interessante, boeiende tekste wat ryklik geïllustreer is.

Die tematiese inhoud sluit sensitiewe vraagstukke soos besoedeling, boelies en vigs in, maar dit sluit aan by die leefwêreld van die lesers met humor wat wyd gebruik word.

Hierdie opwindende nuwe versameling dramas bevat die wendrama Swewende maan deur Cecilia du Toit en die naaswenners Plettervat deur Abraham van der Vyver en Woesklip deur Maretha Maartens. Du Toit, Van der Vyver en Maartens is almal pryswenners van vorige Maskew Miller Longman Letterkunde-kompetisies. Terugvoering van die bekende dramaturg, Malan Steyn: Swewende maan: Die dialoog is speelbaar, vlot en kreatiewe woordspeletjies dra by tot die komiese inslag. Plettervat: Die drama is tematies relevant en lewer kommentaar op 'n sisteem waarin prestasiebeheptheid en die magsmisbuik van gesagsfigure uiteindelik leerders korrupteer en van 'n ware opvoeding ontneem. Woesklip: Die Woesklip (die spreekwoordelike klippe wat uitskree teen onreg) gee 'n interessante magiese element aan die teks. Leerders kry die geleentheid om die elemente van dramas aan die hand van eietydse, moderne dramas te bestudeer. Die bundel sluit ook 'n leesgids met opsommings, vrae, uitdagings en aktiwiteite oor elke drama in. Die universele, aktuele temas sal leerders boei en bespreking aanmoedig.