Arrie is 'n nuuskierige kuiken wat vir Haan, sy pa, baie vrae vra.
Maar Haan is te besig om te antwoord.
Arrie gaan maak 'n draai by al die diere op die plaas en vra die een moeilike vraag op die volgende.
Maar hy het nie vir Haan gesê waarheen hy gaan nie …

Karel die kat hou nie daarvan om te sit en niksdoen nie. Hy wil altydweet wat orals op die plaas aangaan. Om die hele tyd vir almal alleste vertel, maak hom moeg. Hy moet aan ’n plan dink om die nuus by almal te kry!

Lientjie sien ’n vreemde veer op die grond lê. Geen dier op die plaas het sulke vere nie! Sy loop en wonder. Dan sien sy nog een … en nog een! Aan wie sou hierdie vreemde vere behoort?

Snork hoor die verskriklikste nuus by Buks, die hond: Boer wil van hom wat Snork is, worsies maak! En daar is net een dag oor om Snork se lewe te red! Karel die kat kom met ’n bobaasplan vorendag – Snork moet die dorp se skoonheidskompetisie wen. Maar sal ’n vark dit kan doen?

Griet is nie lus om te gaan wei nie. Dis so vervelig! Dan kry sy 'n blink plan: Sy gaan swem! Daar is net 'n klein probleempie - Griet kan nie swem nie. Maar toe val Mevrou Eend se kleinste kuikentjie in die dam en Griet spring agerna om die kuikentjie te red...