Timo wonder wie die geheimsinnige inwoner op die boonste verdieping van hulle woonstelblok is. Wanneer hy gaan ondersoek instel, verander sy vervelige skoolvakansie skielik in ’n groot avontuur!

Hy maak kennis met Felina Kat, maar sy is geen gewone kat nie . . . Sy is ’n GEHEIME AGENT.

Speurder Skote Petoors het ’n probleem. ’n Kosbare blou diamantring is gesteel en daar is nog geen leidraad nie. Die Geheime Agent moet kom help.

Sal Felina, Skote en Timo saam die skurke kan vastrek?

Daar is 'n nuwe soort polisieman op die toneel! George en Harold het 'n nuwe held geskep wat bedrog uitgrou, sy kloue in kroeke inslaan en diewe omduik! Ben die hond en sy polisiehoof word beseer op diens, maar 'n operasie verander ook lewe soos ons dit ken, en Hondman word gebore. Met die kop van 'n hond en die lyf van 'n mens, het hierdie heldhaftige hond 'n neus vir geregtigheid. Maar is sy hondemaniere regtig iets van die verlede?

Springbokke het ’n superkrag. Hulle is die beste rugbyspelers, natuurlik. Amabhokobhoko! Maar wat as jy ’n ander superkrag het?

Dalk is LEES jou superkrag! Soos Springboekie!

Springboekie is MAL daaroor om te lees. Hy wens net sy maats het ook daarvan gehou. Hulle wil net HEELDAG in die moddergat speel en hulle dink boeke is VERVELIG.

Gelukkig is Springboekie baie slim. Hy wys sy maats dat daar ʼn boek vir elkeen bestaan. Selfs ’n kwaai leeu!

Jorsie die worsie is terug vir nog 'n avontuur in boek twee van die reeks!

In hierdie opwindende vervolg kom Jorsie te staan teen 'n nuwe uitdaging die onder die aarde, waar die dapper putponies ondergronds werk om goud na die oppervlakte te vervoer. Maar wanneer 'n reeks onvoorsiene voorvalle lei tot 'n katastrofiese instorting van 'n mynskag, word een van die ponies diep ondergrond vasgekeer.

Sal Jorsie en sy maats betyds slaag in hul brawe reddingsmissie, of gaan hulle uit tyd uit hardloop?

Sluit aan by Jorsie op hierdie opwindende reis vol moed, vriendskap, en die onwrikbare vasberadenheid om nooit op te gee nie.

Vier hasies soek na die perfekte drukkie in hierdie flappie-avontuur.

Daar is allerhande verrassings om te ontdek, van stekerige krimpvarkie-drukkies tot wollerige lammetjie-drukkies.

Daar is al meer as 3 miljoen boeke wêreldwyd oor dié hasie-maats verkoop! Dis ook die eerste boek in die internasionale topverkoperreeks om in Afrikaans gepubliseer te word.

Uit die hart van Afrika kom ’n dringende roep, “Red die renoster!”

Met pragtige illustrasies deur Julie Smith-Belton, neem “Red die renoster” lesers op ’n reis oor die Afrikavlaktes, waar die laaste renosters steeds veg om oorlewing. Hierdie boek kombineer rym, feite en ’n passievolle boodskap van bewaring wat jong lesers sal inspireer om op te staan teen stropery en deel te word van die verandering.

Elke bladsy is ’n herinnering dat ons nog kan help. Deur die storie van hierdie majestueuse diere, ontdek kinders (en volwassenes!) hoe spanwerk, deernis en bewusmaking werklik ’n verskil kan maak.

Wanneer Bobbob se ruimteskip reg bokant Suid-Afrika neerstort, beland hy in die Kalahari. Tydens die atmosferiese impak het 9 Ploemplafstene van sy ruimteskip afgebreek, met 'n steen wat in elk van die provinsies beland het. Bobbob kan slegs terugkeer na planeet
Ploemplaf indien hy al nege stene opgespoor het. Hy span sy tegnologie in om die vorm van 'n meerkat aan te neem om by die onbekende Suid-Afrikaanse omgewing in te pas. En so begin Bobbob die robo-meerkat se avonture deur Suid-Afrika . . .

In Boek 2 wil Dumi desperaat die bulletjierugbyspan haal. Hy is vinnig, maar kan nie goed vang nie. In Pretoria oefen hy en De Wet onder die jakarandas, tot hulle die tweede Ploemplafsteen ontdek en Bobbob ontmoet! Hulle beland in ’n Gauteng-avontuur van Gold Reef City tot Loftus. Sal Bobbob hulle kan help om die span te haal?

Bobbob die robo-meerkat en die Kalahari-kloutjie is die eerste titel in ’n reeks grafiese kinderverhale. Die hoofkarakter, Bobbob, is ’n robot van die planeet Ploemplaf. Wanneer sy ruimteskip reg bokant Suid-Afrika neerstort, beland hy in die Kalahari. Tydens die atmosferiese impak het 9 Ploemplafstene van sy ruimteskip afgebreek, met 'n steen wat in elk van die provinsies beland het. Bobbob kan slegs terugkeer na planeet Ploemplaf indien hy al nege stene opgespoor het. Buite sy tuig skandeer Bobbob die omliggende area en sien ’n meerkat. Hy besluit om sy Ploemplafiaanse tegnologie in te span en die vorm van die meerkat aan te neem om by die onbekende Suid-Afrikaanse omgewing in te pas. En so begin Bobbob die robomeerkat se avonture deur Suid-Afrika . . .

When a bat-eared fox comes across a fearless, butt-kicking honey badger, he decides to stick with him for protection. The honey badger isn’t wild about it, until the little bat-eared fox turns out to have some useful skills, too.

A fun and fabulous picture book about friendship.

Embark on a moonlit adventure with ‘The Nocturnal Nine’ and discover the wonders of the night!

Tonight was an adventure of a different kind, the details and time of departure we were yet to find. We were told to dress warmly and come well-prepared, with our hats and jackets on and binoculars to be shared. A nighttime adventure was about to begin as the colours started to change and dusk set in. ‘The Nocturnal Nine’ are not your usual crew, in actual fact there are very few. The midnight gang, not afraid of the dark for evening is when they find their spark. Join our adventure as we drive through the game park, looking for these creatures, from the owl to the aardvark.

Hoog teen die horison van die Afrika-vlaktes staan ’n boom van wonder en wysheid – die kremetartboom.

Sy takke beskerm, sy wortels voed, en sy groot, stil teenwoordigheid bring lewe aan alles rondom hom Een vir een kom die diere nader: olifante, kameelperde, uile, visarende, impalas en selfs miere. Almal vind ’n tuiste onder sy reusekroon. Hier, tussen skadu en sonlig, ontdek hulle iets dieper: die krag van saamwees, die vreugde van deel, en die vrede van behoort.

Met liriese taal en asemrowende illustrasies bring “Onder die kremetartboom” hulde aan die skoonheid van Afrika en die harmonie van die natuur.

’n Hartverwarmende verhaal oor lewe, liefde en die eenheid wat alles verbind onder die boom van lewe self.

Welkom terug in die kreatiewe wêreld van Kleinkat se strokiesklub waar een-en-twintig paddavissies die kunsklas onderstebo keer! Die paddavissies het nou reeds geleer om hulle eie strokies te skep en die kreatiewe chaos bars behoorlik los. Elke padda ontdek hulle unieke stem. Maar wanneer die perfeksionistiese Manie met reëlbreker Nannie bots oor die "regte" manier van strokies maak, moet Kleinkat hulle leer dat die beste kuns ontstaan wanneer beide orde én chaos gehandhaaf word.

Herontdek die tydlose verhaal van Die drie varkies met ons betowerende opwipboek! Drie varkies besluit om vir hulle huisies te bou, maar hulle sal moet oppas vir die wilde, wrede wolf.

Pragtige 3D-illustrasies sal jong lesers en volwassenes boei. Elke dubbelbladsy is 'n nuwe avontuur wat jou nooi om die varkies se huisies te verken en hul slim eskapades te aanskou. Hierdie interaktiewe boek is perfek vir enige boekrak en kombineer klassieke storievertelling met lieflike illustrasies.

Herontdek die tydlose verhaal van Gouelokkies en die drie bere met ons betowerende opwipboek! Wanneer Mamma Beer, Pappa Beer en Baba Beer in die woud gaan stap, gaan die ondeunde klein Gouelokkies hulle huisie binne. Toe die bere terugkom, wag daar ’n groot verrassing op hulle . . .

Pragtige 3D-illustrasies sal jong lesers en volwassenes boei. Elke dubbelbladsy is 'n nuwe avontuur wat jou nooi om die knus beerhuisie te verken en Gouelokkies se nuuskierige eskapades te aanskou.

Haas Das, die geliefde nuusleser van Diereland, en sy assistent, Piet Muis, is terug met Diereland se manewales in hierdie veelkleurige leesboeke. In hierdie uitsending word Haas Das deur Snawel Knawel ontvoer! Diereland is baie bekommerd oor die vermiste nuusleser. Die gewilde Haas Das- stories word opnuut uitgebeeld deur Vian Oelofsen se pragtige illustrasies.

An instant classic with a bear-sized heart, Hannah Gold’s debut novel is a touching story of kindness, adventure, and forging your own path—perfect for fans of Pax and A Wolf Called Wander.

There are no polar bears left on Bear Island. At least, that’s what April’s father tells her when his scientific research takes them to a faraway Arctic outpost.

But one night, April catches a glimpse of something distinctly bear shaped loping across the horizon. A polar bear who shouldn’t be there—who is hungry, lonely and a long way from home.

An excellent choice for readers in grades 3 to 7, this fierce celebration of friendship includes full-page black-and-white illustrations throughout, as well as information about the real Bear Island and the plight of the polar bears.