Is jy op soek na ’n manier om jou vermoë om logies te redeneer vlymskerp te maak? Slyp jou vaardigheid met Bybel-sudoku! Jy hoef nie ’n sudoku-kenner of ’n wiskunde-boffin te wees nie – al wat jy nodig het, is logiese denke – en soms jou Bybel.

Die 100 sudoku-speletjies is vir beginners tot meesters van sudoku – vind die moeilikheidsgraad wat vir jou werk. Oplossings vir al die speletjies is ingesluit, as die leidrade uit die Bybel nie genoeg is om die speletjie te wys wie is baas nie.

Of dit jou eerste sudoku-boek is en of jy net ’n vars uitdaging wil hê, Bybel-sudoku beloof om jou brein ’n goeie oefensessie te gee.

Of jy op soek is na ’n lekker vakansie-aktiwiteit wat julle as gesin saam kan doen of sommer net kwaliteit-tyd saam wil deurbring – Bybel Woordsoektogte is jou antwoord.

Dié boek met sy 100 woordsoektogte bied iets vir elke ouderdom. Die prettige speletjies, met tematiese inhoud wat strek van Genesis tot Openbaring, is nie net goeie oefening vir die grysstof nie, maar verryk boonop jou Bybelkennis met interessante brokkies oor Bybelse plekke en mense.

Ekstra vrae met Bybelse leidrade is ook deur die boek versprei en Skrifverwysings vir ekstra inspirasie kom saam met die speletjies. Die antwoorde word agter in die boek voorsien as jy die woorde regtig nie kan kry nie.

• 100 tematiese woordsoektogte met temas wat strek van Genesis tot Openbaring, soos diere in die Bybel, plante, edelmetale, riviere en bekende Bybelse karakters, plekke en gebeurtenisse.
• Inspirerende Bybelverse.
• Ekstra vrae met leidrade by sommige speletjies.
• Antwoorde agter in die boek.
• Ideale hulpmiddel vir tuisonderrig en Sondagskole.
• Perfek vir vakansies of rustige aande tuis.
• Ook beskikbaar in Engels onder die titel Bible Word Searches.