Bak raak net gewilder by die dag: Die populariteit van die Koekedoor-program is 'n sprekende bewys. Met hierdie bakboek as kameraad kan jonk en oud by die Koekedoor bakrevolusie aansluit. Die blaaie vang die hoogtepunte van die kompetisie vas. Die tuisgebak-resepte het die bekendheid van 'n familielid en vir beginnerbakkers is dit 'n goeie afskopplek. Die fyngebak-resepte se vernuwende idees en tegnieke kry jou bakfiks. Met die pronkgebak-resepte kan jy 'n spoggerige bakreputasie opbou.

Vrouekeur se beproefde resepte is lankal in menige huishouding gewild, en met rede. Dis kos wat mens lus maak om te kook en die resultate lok altyd komplimente uit. Hierdie is ’n reeks boeke met die beste 50 smullekker resepte in elk en sal twee maal per jaar verskyn. Elke boek se resepte is onder vyf temas ingedeel: Vis en hoender; Slaai en groente; Nageregte; Piekniekkos; en Groot koeke.

Kraakvars lig, ’n oorvloed wilde blomme en ’n asemrowende keuse van vars produkte – dis lente in die middeleeuse dorpie Charroux in die Allier-departement van Frankryk, waar Marlene van der Westhuizen jou uitnooi om ’n blik op die binnewerke van haar vyftigste kookklas te steel. Volg Marlene en haar kosvriendelike reisigers met 80 nuwe resepte (insluitend Filette de sole Bonne Femme, Vroegherfs-hoender en Appelblinis) soos hulle die sluier van die onderskatte weelde van Franse kookkuns, eet en leefstyl lig. Leer om die kosmarkte te navigeer, vir pragtige antieke ware te onderhandel, om wonderlike maaltye te maak en voor te sit en om elke aspek van lewe in ’n Franse dorpie met grasie en betowering te geniet.

Die Kokkedoor-wenners (Tiaan en Mynhardt) se eie resepteboek wat ook aansluit by hulle TV-program genaamd Makietie.

Die boek bevat dertien feesgeleenthede soos ’n boekklubete, ’n “vintage rugby-ete” (met Schalk Burger), ’n karnival-kinderpartytjie, ’n moderne braai in die wingerd en ’n tradisionele familie Sondag-middagete.

Elke geleentheid bestaan uit ’n volledige spyskaart met die heerlikste resepte en die pragtigste tafelversierings.

Voetspore is ’n dokumentêr-avontuur op SABC 2. Johan Badenhorst en sy makkers het onlangs die agtste reeks, Voetspore op die Ewenaar, voltooi. Maar sulke reise kos fyn beplanning, veral wat die spys en drank aanbetref. Wie kan gaan krokodille kyk of ’n voertuig uit die modder sleep op ’n leë maag?

Johan en Alma het uit ondervinding die resepte en beplanningslyste saamgestel. Alle resepte dui die voorbereidings- en gaarmaaktyd aan – sodat jy self kan besluit hoeveel tyd jy het voor die son sak. Die resepte is eenvoudig maar watertand-lekker, alles saamgestel uit die beplande inkopies.

Hoogtepunte in die nuwe uitgawe sluit in Keniaanse Vermicelli brood, Pangebraaide oester, Hoenderflambe in whiskey en Cajun Kabeljou. Die kookboek pas gemaklik in jou voertuig se paneelkissie – en is net so belangrik soos jou domkrag, spaarwiel en sleeptou.

'n Kinderpartytjie is lank nie meer net koekbak en balonne opblaas nie. Jy stort baie tyd, liefde en geld in die dag om dit ekstra spesiaal vir jou kind te maak. Met vele temas om uit te kies bied Partytjies is pret 5 hope inspirasie: 20 temas met koeke om uit te kies; 12 bykomende kolwyntjieversierplanne; stap-vir-stap instruksies; kreatiewe idees vir uitnodigings, versierings, geskenkpakkies en kos en drinkgoed wat pas by die tema; iets vir elke smaak, ouderdom en begroting; partytjielekkernye wat maklik is om te maak. Met pragtige foto's en hope partytjie-idees, is Partytjies is pret 5 die perfekte gids vir 'n flopvrye kinderpartytjie!

Raad-op met jou kind se komende verjaardagpartytjie? Met vele temas om uit te kies bied Partytjies is pret 3 hope inspirasie: verbeeldingryke idees vir koeke, stap-vir-stap-instruksies, kreatiewe idees vir uitnodigings, prettige geskenkpakkies, soet en sout eetgoed, die heerlikste drinkgoed, iets vir elke smaak, ouderdom, en begroting. Hierdie praktiese en nuttige gids is gemik op gewone ouers met min tyd en geld tot hul beskikking, maar wat tog vir hul kinders die lekkerste en vrolikste verjaardagviering wil bied.

BraaiKonings van die Kaapse Wynlande vier die beste Suid-Afrikaanse gasvryheid. Hierdie inspirerende maar maklike braai resepte van plaaslike persoonlikhede in die Kaapse Wynlande word gekomplimenteer deur wyne wat deur deskundiges voorgestel word. Hierdie mans en vroue, wat net so vaardig is by die braaivleisvuur as in die wynkelder, deel hulle geheime resepte en braai wenke vir die sappigste, geurigste geregte. Geniet Jan "Boland" Coetzee se lamsribstuk saam met elegante Pinot Noir. Smul heerlik aan Schalk Burger Sr. se gebraaide Kaapse wildevark saam met 'n Pinotage-gebaseerde rooiwyn of Paul Cluver Jr. se "can-can"-hoender in die Weber en 'n glas verfrissende Chardonnay. Dan praat ons nie eers van die gemsbok filet wat in jou mond smelt met 'n glas volronde Shiraz nie. Waag jou hand aan Elma Bruwer se klassieke boerewors resep vir 'n sappige treffer by jou volgende braai. Of wat van snoek wat oor warm kole gerook is, kreef op strand gebraai of 'n waterblommetjie potjie wat in ‘n tradisionele giet ysterpot prut-saam met al die wenke wat noodsaaklik is vir 'n koninklike maaltyd? Met baie idees vir opwindende slaaie en bykosse, brood, kaasborde, heelvrugtekonfyt en nageregte, sal hierdie versameling buitengewone resepte sekerlik inspirasie bied vir die beste braai ooit!

Bak raak net gewilder by die dag: Die populariteit van die Koekedoor-programme is 'n sprekende bewys. Die boek vang die hoogtepunte van die kompetisie vas. Daar is resepte vir beginnerbakkers asook fyngebak en pronkgebak om ervare bakkers te inspireer. Net die beste resepte is gekies vir die boek - al die wenners van elke episode, asook fyngebak deur die beoordelaars.

Die honger reisiger is sowel 'n lekkerlees reisbundel as 'n reseptebundel sonder saaits. Marie Heese weet hoe om 'n storie te vertel sodat jy dit nie kan neersit nie. Die titel is propvol staaltjies en amusante waarnemings oor die reise wat sy en haar sielsgenoot-man, Chris, na eksotiese lande soos Turkye, Eritrea, Ethiopie, Frankryk, Egipte en Rusland onderneem het.

Oondgerooster, oor die kole, as deel van bredies, sop of pasteie – hoender is maklik om voor te berei en ’n ekonomiese keuse vir elke gesin. 50 Hoendergeregte bevat vyftig veelsydige hoenderresepte wat aan gesinne maaltydinspirasie gedurende moeilike ekonomiese omstandighede bied. Al die resepte maak gebruik van bestanddele wat reeds in jou koskas is of maklik by jou plaaslike supermark bekombaar is. Die resepte bestaan uit treffers soos:

• Blatjanghoender

• Oros-hoender

• Hoenderbobotie

• Romerige hoender-stroganoff

• Pikante hoender-en-lensiesop

• Pynappelhoender

• Hoender-en-brokkoli

• Hoendersamoesas

• Appelkoos-en-hoenderpotjie