Wie eenmaal 'n opname van dramas vir skoolgebruik gemaak het, besef met ontsteltenis hoe min geskikte toneelwerke daar werklik vir die junior standerds van die hoerskool voorhande is. Die "volwasse" drama spreek die leerling nie volledig aan nie. Die wereld van die "kinderdrama" is vir hom iets van gister. En tussen die twee ontwikkelingsvlakke moet daar vir hom voorsiening gemaak word. Wanneer 'n boek primer op nie-Afrikaanssprekende leerlinge gerig word, is die probleem nóg lastiger. Dan moet daar ook op die "digtheid" van die taalgebruik gelet word. Daarom het ons hier uit om en by veertien redelik bruikbare stukke (en dis min om uit te kies!) sewe van die toeganklikste opgeneem. Die eerste drie is inderdaad kinderdramas, maar wat wel in dramatiese opsig geslaagd is. Hierbenewens is hulle ook goed speelbaar en gekies met die oog op opvoering. Die uiteindelike doel van 'n drama bly die verhoog! Dieselfde geld ook die twee langer eenbedrywe het ons besluit op stukke wat aan die lui