Dowe Gode - Boek 1 (Afrikaans, Paperback)

Wanneer het lewe so goedkoop geword en genade so duur?

Masjiengeweervuur skeur deur die stilte van die nag in die distrik van Opathe in die Natalse bosveld. Dit verander die lewe van een boeregesin vir altyd, want twee geslagte word in ’n oogwink koelbloedig op hulle plaas deur gesiglose aanvallers uitgewis.

Aella O’Malley, die ondersoekbeampte, sukkel om sin te maak uit ’n reeks leidrade wat deur politiek, afguns, vrees, geloof en bygeloof tot ’n verwarrende mengelmoes van inligting deurmekaar geroer word. Om sake te kompliseer kry sy ’n boodskap: “Onthou die pad na Opathe,” wat in gewone omgangstaal ’n doodsdreigement is. Net daarna wórd sy inderdaad raakgeskiet.

Wat is die motief? Is dit net nog ’n sinlose plaasmoord, waarom wil iemand Aella uit die weg ruim, en sit daar iets meer agter hierdie slagting?

Haar eerste verdagte word wreed aangerand deur ’n gefrustreerde jong boer, en nou het die oorwerkte polisie hóm ook in hegtenis geneem.

Die roman bied ’n sonderlinge blik op die polisie se werkwyse. Breytenbach werk daagliks in ons strafregstelsel en sy beskryf die polisieprosedures in detail, maar só dat die leser voel jy stap saam in die aanklagkantoor in. Die lykskouings, die vorms, die klagteboeke, alles word deel van die storie. Hier is ’n kenner se hand aan die werk. Wat meer is, die roman toon hoe sekere ondersoekbeamptes steeds probeer funksioneer in ’n disfunksionele stelsel en ondanks politieke inmenging in hulle werk.

Moord, verraad en hoop: Watter een van hierdie drie sal uiteindelik oorwin?

Eers teen die einde, wanneer Aella besef sy is bedrieg, verstaan sy dat die pad na Opathe ’n verraderlike pad is wat met groot omsigtigheid gestap moet word.

General

Imprint:	LAPA Publishers (Pty) Ltd / LAPA Uitgewers (Edms) Bpk
Country of origin:	South Africa
Series:	Gode, 1
Release date:	June 2018
Authors:	Dibi Breytenbach
Dimensions:	198 x 129 x 23mm (L x W x T)
Format:	Paperback
Pages:	250
ISBN-13:	978-0-7993-8981-4
Languages:	Afrikaans
Categories:	Books > Fiction > Genre fiction > Adventure / thriller > General Books > Fiction > Genre fiction > Crime & mystery > General Books > Afrikaans > Fiksie Books > Local Author Showcase > Fiction - adults > Adventure Books > Local Author Showcase > Fiction - adults > Crime Books > Local Author Showcase > Fiction - adults > Thriller Books > Local Author Showcase > Afrikaans > Fiction
LSN:	0-7993-8981-1
Barcode:	9780799389814

Is the information for this product incomplete, wrong or inappropriate? Let us know about it.

Does this product have an incorrect or missing image? Send us a new image.

Is this product missing categories? Add more categories.

Review This Product

No reviews yet - be the first to create one!