This description is for the Inuktitut edition. Nunatsiavut, tanna
Inuit nunakKatigengituk Canada-mit pitalauttut namminik kavamamik
2005-imi, sanaKattajut sananguatausimajunik adjiKangitunik
nunatsualimamit Canadamiungutlutik ammalu ukkiuttatop
KikKanganettuk Inuit sananguataumajut. Silatsualimami
siKinganeluattuk inigijautluni Inutuinnanut, tamakkua satjugiamit
inuit Nunatsiavummi iniKainnatut napattop killingani, ammalu Inuit
allanguattingit ammalu sananguatingit Nunatsiavummit
pitasongunginnatut adjigengitunik ukiuttattumi ammalu
ukiuttattoKattangimmijuk pigutsianginnik, taikkunangat
atuKattasimajut takuminattunik sanagalagiamik suliagijanginnit.
Allanguattet nunanganit piusituKanginnit atuKattasimavut
ukkusitsajannik ammalu Kijunik sananguagiamut; amilinnik,
tuttujannik, ammalu Kisinik atuttausonik sanaKattajut; ammalu
tagiulinnit ivinik sanaKattamijut, ammalugiallak allasajannik,
kikiatsajak, Kallunattajak, sapangak, ammalu alakkasajannik.
MannaKammik, sanagalasimavut sanajaunginnatunik
takugatsausongutlutik, ilautillugit minguattausimajut,
allanguattausimajut, nenittausimajut, adjiliuttausimajut,
taggajaliuttausimajut, ammalu maggalinnit, atautsikut atutlutik
piusituKannik atunginnatamminik nutangutlutik ammalu
nigiugijausimangitunut piusitKatlutik. SakKijajuk:
Allanguattausimajut ammalu sananguatausimajut Nunatsiavummit
sivulligijauvuk angijotluni nuititausimajuk allanguattausimajunit
Labrador Inunginnit. Sanajauluasimajuk angijummagimmik
apvitattitaulluni takugatsauniattilugit akKisuttausimajuk
taikkununga taijaujunut The Rooms Pravinsikkut
Allanguattausimajunik Takujapvinganut St. John's-imit, atuagak
pitaKalangavuk ungatani 80-nik sanajaugesimajunut 45-init
adjigengitunit sananguatinut, kinakkoningit iluanemmijut
sananguatet, ammalu angijummagik allataumajuk sananguatet
pitjutigillugit Nunatsiavummit allasimajuk Heather Igloliorte.
SakKijajuk pivitsaKattisijuk atuatsiKattajunut, katitsuiKattajunut,
allanguattinut piusituKaujunut, ammalu katitsuiKattajunut
sunatuinnanik sananguatausimajunit siKinittini ammalu taggatinni
takujagiattulakKut taikkununga adjiKangitunut,
sanajautsiasimajunut, ammalu takuminattusiavannik
suliagijausimajunut Inuit sananguatinginnut ammalu
allanguattinginnut Nunatsiavummit.
General
Is the information for this product incomplete, wrong or inappropriate?
Let us know about it.
Does this product have an incorrect or missing image?
Send us a new image.
Is this product missing categories?
Add more categories.
Review This Product
No reviews yet - be the first to create one!