Finalist - Maskew Miller Longman 2007 Literature Awards. Dilo tsela ke batho ke padi ye e kwesago bohloko gomme e ruma ka lethabo le go goga maikutlo a mmadi ka go fa kholofelo bophelong. Mogologolo o boletse ge a re: "Lefotwana e sego la gago o hloba le ge le lla." Makhabudi le Lufuno bao ba hlokofaletswego ke mmagobona e sa le maseana, morago ga go utswa pelo ke mosadi yo mongwe, tatagobona o ba tlogetse le rakgadi wa bona, mapelo, yo le yena a bego a ba swere bokgoba. Bana ba ba be ba eya sekolong ba se ba apare dieta gare ga motonyo wa marega fela ba tswetse pele, ba ikemisetsa go fihlelela ditoro tsa bona. O be a di bone moswana ge a re "tshiwana e sa hwego e leta monono" le gona ga e hwe e seso ya dula lewa. Se se itaetsa gabotse ge makhabudi le kgaetsedi, lufuno ba atlega bophelong. Motho mang le mang a efa mohlala ka bona ge a kgalema bana ba gagwe. "Dilo tsela", lehono ke batho!. Kanegelo ye ya MC Mphahlele, mongwadi wa maitemogelo a bongwadi bja dingwalwa e tsosolosa kholofelo ya bokamoso bja motho ya ba ya tiisetsa gore lefase le tletse ka dikgonagalo. "Padi ye e kgahlisa ebile e goga maikutlo. Bafsa ba tla e thabela ka ge e tsweletsa ka mokgwa wo bafsa ba fetogago go ba batho ba bagolo ba go huma go sa kgathalege gore ba tswa lapeng le lempe leo le nago le mathata a bodiidi, tlhoriso, dintwa le go se hlokomelwe." Ngaka JR Rammala, moahlodi wa MML Literature Awards. Padi ye e akaretsa tshedimoso le mesongwana go thusa baithuti le barutisi go fihlelela dinyakwa tsa kharikhulamo ye mpsha ya go ithuta dingwalwa. Makhabudi and Lufuno lost their mother at a very young age, and were forced to live with their aunt when their father left. Their aunt treated them as slaves and made them go to school barefoot in freezing winter conditions, but despite this they were determined to pursue their dreams.