In die klein myndorpie Goudfontein weet almal iets van mekaar … maar niemand ken die volle waarheid nie.

Wanneer drie matrikulante – die ambisieuse hoofmeisie Lerato, die skool se rugbykaptein Marno, en die loskop rebel Clayton – gelyktydig anonieme dreigboodskappe ontvang, begin ʼn gevaarlike speletjie van manipulasie en leuens. Maar wie is so desperaat om hul geheim te beskerm dat moord die enigste opsie word?

Adriaan wen 'n reis na Japan, waar kinders van oor die hele wêreld 'n fees bywoon. Hy behoort seker al te weet dat die Internasionale Speurdiens gereeld die resultaat van kompetisies bewimpel soos dit hulle pas. En Willem se nuutgevonde kennis van Japannese kultuur laat Adriaan onraad vermoed . . . Hulle besef gou van die deelnemers is robotte, maar almal neem deel in kostuums uit die Menagerie-reeks. Wie is wie? Adriaan en Willem se missie is om te sorg dat die robotte nie wen nie!

Ná ’n meteoriet op ’n plattelandse dorp neerstort, kom soek ’n komponis inspirasie vir die klankbaan van ’n wetenskapsfiksiefliek. Hy loseer by ’n astronoom wat navorsing oor gravitasiekolke doen. Haar agtjarige seun praat nie.

Die astronoom wil van haar verlede ontsnap. Die komponis het ’n toekoms wat hy nie wil trotseer nie. In die onmoontlike “nou” ontstaan ’n aarselende verhouding tussen dié twee beskadigdes; wentel hulle om mekaar met kragte wat tot vernietiging óf vernuwing kan lei.

Twyfelbos is ’n meesleurende historiese roman wat afspeel in die Overberge in die vroeë agtienhonderds.

Sophia Truter is getroud met sir John Truter. Sy het ’n afkeer van die Kaap se vertoonsug, en ná die dood van haar jongste seun besluit sy om weer te gaan boer. Dié keer begin sy klein, op ’n lap grond anderkant die Kleinrivier – sonder slawe en voormans.

Algaande vind Sophia haar voete. Maar dan word iemand op die bokpad anderkant die Akkedisberg vermoor.

´n Aardbewing op ´n Vrystaatse myndorp laat 'n skoolgebou ineenstort en keer drie tieners onder die puin vas. Terwyl hulle suurstof en hulle hoop al minder word, beleef die leser die angswekkende situasie saam met hulle. Die vasgekeerde kinders ervaar engtevrees en angs vir die naderende dood, en opflikkerings van verbete hoop en selfs humor, totdat ´n reddingspan hulle dae later eers uitgrawe. Maar een van hulle oorleef dit nie . . .

Speurder Adriaan Kruger is op die spoor van ’n moordenaar wat só pynlik netjies te werk gaan dat hy oënskynlik geen leidrade agterlaat nie. Boonop lyk dit asof die moordenaar doelbewus kat-en-muis met hom speel. Sal hy die moordenaar kan vastrek voordat dié weer toeslaan?

Dié senutergende misdaadondersoek waarin Adriaan gewikkel is, sal die leser aan die raai hou tot en met die heel laaste bladsy.

Op die Spoorweg neem lesers mee in Suid-Afrika se lewendige spoorwegerfenis. Ontdek die ingenieurswonderwerke wat die moeilike terreine oorwin het en die lewendige spoorwegdorpe wat gemeenskappe onderhou.Williams skroom nie om die bitter werklikheid van rasseskeiding te bespreek nie. Hy balanseer vaardig die glans van die spoorweë teen die skerp waarhede.

Dit is Tjoppie se eerste dag by sy nuwe speelskool. Hy is baie opgewonde! Juffrou Snuffel verwelkom hom in sy nuwe klas en hy maak gou nuwe maats: Bollie, Bekkie en Blits. Hulle verf en speel lekker. Tjoppie hou baie van skool!

In Mei 1693 monster Lourens Vijselaar en Daniël Silleman in Nederland aan op die VOC-skip die Gouden Buys. Nog voordat die kus van Suidelike Afrika op die horison verskyn, het byna die hele bemanning van 190 reeds gesterf aan skeurbuik en ander siektes. Slegs Daniël Silleman sou uiteindelik weer sy vaderland sien. Hy vertel dan sy Ongeluckig, of droevigh verhaal aan sy Enkhuizense uitgewer, Van Straaten, wat dit in 1695 as boek publiseer.

Ná driehonderd jaar kon daar in argiewe en museums nog heelwat tasbare bewyse opgespoor word om die oorspronklike verhaal mee aan te vul en die rampspoedige reis van die Gouden Buys vir die hedendaagse leser verder tot lewe te wek. Die teks van die eerste druk is vir hierdie uitgawe in Afrikaans vertaal en voorsien van aanvullings, woordverklarings, aantekeninge en illustrasies.

In die daaropvolgende hoofstukke word beskryf wat ná die ramp met die skip en sy kosbare vrag gebeur het.

Daar is ’n paar basiese reëls wanneer jy jou eerste band begin …

1. Besluit vooraf watter soort musiek julle wil maak.
2. Neem jou tyd om lede vir jou band te kies.
3. Moenie op iemand in jou eie band verlief raak nie.

Ons het al die reëls oortree …

Tibs Tabane en sy vriend Elroy is MAL oor sokker. Hulle berei voor vir ’n belangrike sokkerwedstryd, maar hoekom hoor hulle die heeltyd ’n stem wat roep: “HONGER-R-R-R”?

Gaan Tibs en Elroy betyds die zombies kan keer wat dreig om die sokkerwedstryd te ontwrig?

In hierdie fantastiese leesreeks, met pragtige illustrasies, vertel Wendy Maartens die klassieke dierestories in eenvoudige taal wat selfs die huiwerigste beginnerlesers kan baasraak. Elke boek bevat ook nuttige wenke wat ouers kan help om die jongklomp se leeslus aan te wakker, en het dus baie goeie opvoekundige waarde.

Omnibus 3
Jakkals en Wolf en die klip; Rooi hen bak brood; Die drie rammetjies rof; Padda word kwaad; Muis red leeu se lewe; Die gans wat goue eiers kon lê; Sprinkaan leer werk

In hierdie fantastiese leesreeks, met pragtige illustrasies, vertel Wendy Maartens die klassieke dierestories in eenvoudige taal wat selfs die huiwerigste beginnerlesers kan baasraak. Elke boek bevat ook nuttige wenke wat ouers kan help om die jongklomp se leeslus aan te wakker, en het dus baie goeie opvoekundige waarde.

Omnibus 2
Wolf vang vis; Jakkals en Wolf wil boer; Jakkals en Wolf wil trou; Jakkals en Wolf in boer se kraal; Jakkals en Wolf bou huis; Jakkals en Wolf en die klip

Elke aand as sy in die bed klim, word Verity se towerhuis wakker en neem haar op asemrowende avonture: van strande tot woude. Maar soos Verity ouer word, word die huis nie meer wakker nie. Net toe sy dink haar avonture is verby, ontdek Verity ’n nuwe tipe towerkrag: om die wêreld saam met haar familie te ontdek! Van berge uit klouter tot in branders baljaar, word Verity se dae met opwinding en plesier gevul.

Toe haar jonger sussie, Max, die een word wat troos nodig het, word dit tyd om die geheim van die Droomhuis oor te gee.

Kom ontdek saam met Verity dat die beste avonture dié is wat jy kan deel met die mense vir wie jy lief is. Perfek vir dromers van alle ouderdomme! Beskikbaar in Afrikaans en Engels.

Pampoenpit word een oggend wakker van ’n geraas. Toe sy en Toets die kat by die venster uitloer, sien hulle mense wat besig is om rommel te verwyder. Die mans en vroue skitter en blink in hul uniforms, soos ware helde. Toe begin Pampoenpit wonder oor waar daar oral geheime helde is ...

“Hulle doen hul werk soms stil-stil, hier reg onder jou neus.

As jy Geheime Helde raaksien, kan jy leer om een te wees!

Hulle maak menselewens beter, maak ’n verskil waar hulle kan.

Hulle vind uit wat gedoen moet word en DOEN dit – dis hul plan.”

’n Pragtige storie wat vir kinders wys dat daar geheime helde oral in ons wêreld is, mens moet hulle net soek!

In hierdie fantastiese leesreeks, met pragtige illustrasies, vertel Wendy Maartens die klassieke dierestories in eenvoudige taal wat selfs die huiwerigste beginnerlesers kan baasraak. Elke boek bevat ook nuttige wenke wat ouers kan help om die jongklomp se leeslus aan te wakker, en het dus baie goeie opvoekundige waarde.

Omnibus 1
Skilpad leer vlieg; Plaasmuis en stadsmuis; Haas en skilpad hardloop resies; Wolf dra skaapklere; Olifant en seekoei trek tou; Jakkals en kraai en die stuk kaas

Pa is weg, en skielik moet ek ’n grootmens wees. Ek wil nie die man van die huis wees nie. Ek wil nie hoor hoe Ma in die stilte huil nie. Ek wil nie hê Mason moet eendag opdaag en vra “Waar is Pa?” nie.

Ek wil teruggaan na twee jaar gelede – toe ek nog net Ethan was. Ethan met die cool broer en ôsim ouers. Ethan wie se ouers Sondagmiddae in die agterplaas gedans het. Maar op Vrydagaand het die dood Pa kom haal. Hoe oorleef ek my eerste week sonder hom – en alles wat nou anders is?

Hoe haal ek nou asem?

Kya Rothman het nog altyd haar diamanthalssnoer as haar kosbaarste besitting beskou. Haar ouers het dit met haar geboorte vir haar gegee, en die legende sê dat dit vervloek is. Kya het nooit veel waarde aan die stories geheg nie, selfs nie toe haar ma die dag ná haar geboorte oorlede is nie – die dag nadat haar pa die diamant gekoop het.

Maar wanneer haar pa vals beskuldig word van die moord op sy beste vriend en hul lewens in duie stort, begin Kya wonder of daar dalk meer aan die legende is as wat sy gedink het. In ’n poging om haar pa se naam skoon te kry, wend sy haar tot meneer Cohen, ’n ou
familievriend met ’n winkel vol geheime. Daar ontmoet sy Eddie Nonnies, en ’n intense vonk skiet tussen hulle.

Saam moet Kya en Eddie deur ’n web van intrige en gevaar vaar om die waarheid te ontdek. Terwyl hulle probeer om Kya se pa te red, moet hulle ook hul eie lewens – en die geheimsinnige diamant – beskerm. Aksie, romanse en raaisels verweef in ’n onvergeetlike
avontuur wat jou op die punt van jou stoel sal hou.

Afrikaanse kinders word al geslagte lank vermaak deur die skelmstreke van Jakkals en Wolf. Nou is daar ’n tweede bundel met nog meer opwindende avonture van hierdie twee geliefde skarminkels. In hierdie nuwe versameling van ses stories probeer Jakkals en Wolf steeds om mekaar uit te oorlê, maar bly steeds die beste maats.

Beleef hoe hulle die uitdagings van die oorhangklip aanpak, ontdek hoe Wolf leer vlieg, en sien hoe hulle saamwerk om vir hul kos te werk.

Lees hoe Wolf Jakkals se ryperd word, wat gebeur het toe hulle die taaiboswortel teëkom, en geniet die skreeusnaakse storie van Jakkals en Wolf en die speenvarkies.

Hierdie nuwe bundel beloof om kinders weer te laat lag en te vermaak met die avonture en streke van Jakkals en Wolf.

WAARSKUWING: Alles wat in hierdie boeke gebeur, is onverantwoordelik, onveilig en soms onwettig. Moenie dit doen nie.
(En dra ’n helmet.)

Ontmoet vir Dezi en Mieke en die perde van Patatland! Hierdie splinternuwe reeks perdestories is propvol humor, waaghalsighede, vreemde karakters en vreemder perde.

Mieke en die skouperde

Is jy reg om te skou? Mieke is nie. Mieke en haar perd, Spook, pas baie goed bymekaar. Hulle is albei stresballe. En nou is dit skoutyd! Gaan Mieke die vlegsels, vlaggies, nuwe vriende en ou vyande oorleef? (Dalk.)

WAARSKUWING: Alles wat in hierdie boeke gebeur, is onverantwoordelik, onveilig en soms onwettig. Moenie dit doen nie.
(En dra ’n helmet.)

Ontmoet vir Dezi en Mieke en die perde van Patatland! Hierdie splinternuwe reeks perdestories is propvol humor, waaghalsighede, vreemde karakters en vreemder perde.

Dezi en die wegholperde

Welkom op Patatland! Hier is nie perde nie. Dezi is baie lief vir perde. Maar dan word sy uit haar ryskool geskors. Nou hang sy maar net rond tussen die patats op haar ouma se plaas. Is dit die einde van haar perdestorie? (Nee.)

"Afrikanerkind - Boerestories" is 'n versameling ware kinderstories wat die lewens van Boerekinders oor bykans twee eeue van Suid-Afrikaanse geskiedenis vertel.

Elke verhaal fokus op kinders wat buitengewone dinge gedoen het onder moeilike omstandighede. Deur hierdie verhale wil Wendy Maartens jong wit Afrikaners inspireer om trots te wees op hul erfenis en identiteit, en om die skuldlas van die verlede agter te laat. Die bundel beklemtoon ook die belangrikheid van begrip tussen verskillende kultuurgroepe en wys hoe gemeenskappe deur die eeue heen na mekaar uitgereik het, mekaar gehelp en in liefde gedien het. Daarbenewens word die uitdagings van Afrikaner-emigrante in die buiteland verken deur 'n moderne verhaal wat as raamwerk dien.

Kinders wie se stories ingesluit is in die bundel:

• Nettie en Feya Botha
• Helena Lotrie
• Jan Uys
• Petrus Bezuidenhout
• Johanna van der Merwe en Catharina Prinsloo
• Ferdinand van Gass
• Marthinus Oosthuyzen
• Dirkie Uys
• Fransie Robbertse
• Hansie Smal
• Flippie Neser en Petrus de Lange
• Die Penkoppe
• Jan van Kaller
• Piet van Rooyen
• Niklaas Kriek
• Ernst de Jager
• Kosie Pietersen
• Annatjie Vorster

Belangrike temas: Die gebruik van die woord "Boer" en die emosionele impak daarvan. Die aanvaarding en erkenning van wit identiteit en gemengde erfenis. Die verwerking van skuld en trauma wat geërf is van voorouers. Die belangrikheid van historiese feite en onpartydige inligting. Die noodsaaklikheid om die verlede te erken en te vier om vorentoe te beweeg. Onderlinge begrip tussen kultuurgroepe. Hoe verskillende kultuurgroepe in hierdie land deur die eeue as vreemdelinge, vriend en vyand op die mees onwaarskynlike tye en op vindingryke maniere na mekaar uitgereik het, mekaar versorg en in liefde gedien het. Die uitdagings van Afrikaneremigrante in die buiteland. Unieke kenmerke: Kronologiese rangskikking van verhale wat 'n oorsig van bykans twee eeue se Suid-Afrikaanse geskiedenis bied.Insluiting van feite en sienswyses wat voorheen verswyg is. Gebruik van name, plaasname en plekname om kinders te help identifiseer met die stories. Fokus op die Slag van Bloedrivier, die Anglo-Boereoorlog, die Groot Griep van 1918, en ander geskiedkundige gebeurtenisse. 'n Eietydse verhaal van kinders wat uit Australië kom kuier by hul ouma en oupa in Suid-Afrika.

Juliëtte geniet haar werk as juffrou en sy en haar trouman, Lodewijk, beplan om verloof te raak. Dis nou tot haar grootword-boetie, Arendt, onverwags uit Frankryk terugkeer.

Die seun uit haar kinderdae is nou ’n aantreklike dokter. Hy wek gevoelens in haar op wat Juliëtte nie kan verstaan of beheer nie. Sy doen haar bes om Arendt te vermy en spandeer selfs meer tyd saam met Lodewijk.

Maar haar hart wil nie na rede luister nie en dwing haar telkens terug in Arendt se arms.

Toe Adelie haar aantreklike Franse tutor ontmoet, begin haar hart volksvreemde tale praat. Sy moet besigheidsterminogie leer, maar bewys gou sy is dit reeds baas. Daarna maak Sihan elke oomblik tussen hulle kosbaar en leer haar die werklike betekenis van die
sinnetjie “Je t’aime”.

Dis nou tot haar eerste liefde, Shane, weer op die toneel verskyn.

Dieselfde Shane wat in die boomhuis in hul agtererf talle beloftes aan haar gemaak het en toe haar hart gebreek het. Al uitweg wat Adelie sien, is dat sy en Sihan hul eie boomhuisbeloftes moet maak.

Tot die dag toe alles skielik in duie stort ...

Hierdie boek sal vir kinders ’n omvattende, maar maklik leesbare geskiedenis van Afrikaans se taalontwikkeling gee. Die taal se lang geskiedenis – wat reeds 2 000 jaar voor die VOC se aankoms aan die suidpunt van Afrika begin – word sorgvuldig nagevolg en met deeglike navorsing ondersteun.

Die boek is verdeel in ses hoofstukke wat elk deur middel van ’n storie vertel word. Hierdie geskiedenis sal vir kinders lewe!