Tietie & Nanna se Huiskos (Afrikaans, Paperback)

Soos vinkel en koljander, dís Najma Abrahams (Tietie) en Azba Fanie (Nanna). Dié twee TikTok-tuiskokke se hande staan vir niks verkeerd óf stil nie, veral nie vir die kospotte nie. Hul resepte is hartskos – niks fensie bestanddele nie, net geurige regte, egte huiskos met ’n Kaaps-Maleise twist.

Groenboontjiebredie, tamatiekos, split pea-sop en selfs die vergete sagobredie, blomkoolbredie, panfrikkadel, Nando’s-hoender, broodpoeding en dhaltjies eerlik gemaak, sonder fieterjasies – dit is mos die onopgesmukte huiskos waarna elkeen verlang. Die kerries is natuurlik ook daar – suikerboon-, hoender-, dhal- en mincekerrie, breyani, noem maar op. Snoek-in-die-oond, kerrievis en seekos-paella (times are tough, ’n mens moet maar ’n paar maande of so spaar daarvoor, sê die twee siezas) bring die see in jou kospotte. Vir “broke week” is daar sakpas-randrekkers soos dhanya-soesys, eierkerrie en spaghetti-en-sardyne. Tietie se peperminttert en lemon meringue is uit ’n ander wêreld en Nanna se braised skaapnek sal enige onthaaltafel laat kreun van smaakgenot. Mavrou, Tietie se lamsvleis-weergawe van dié tradisionele gereg wat in die Kaaps-Maleise kultuur by troues voorgesit word, is ’n tydlose treffer.

En moenie van die happies en lekkernye vergeet nie – dis nou die “soet en sout” waarmee Mzansi se mense grootgeword en die lewe om elke hoek en draai gevier het. Watertand-verleidings soos bollas, flapjacks, skons, snowballs, patatkoekies, sweetcorn fritters en vele meer. Samoesas en roti’s kry variasies in geure en kleure om van te droom. (Só sê Tietie: Roti is baie versatile – eet dit met kerrie, masala steak of selfs as ’n poeding. Dis tog te lekker met strawberries, strawberry jam en cream.)

Nou ja, as jy nie so ’n tuiskombuis geken het nie, is jy waarskynlik reeds daaraan voorgestel op Tietie en Nanna se kookprogram, Tietie en Nanna kook op VIA, kanaal 147 op DStv, of in hul stories en kwinkslae op Instagram en TikTok.

Met Tietie en Nanna se onfeilbare resepte, perfek beproef, kan elkeen weer huiskos, soos ons ma’s, oumas en tantes dit gemaak het, in hul eie kombuise opdis.

General

Imprint:	Human & Rousseau
Release date:	October 2024
Authors:	Najma Abrahams • Azba Fanie
Dimensions:	280 x 215 x 12mm (L x W x T)
Format:	Paperback
Pages:	176
ISBN-13:	978-0-7981-8477-9
Languages:	Afrikaans
Categories:	Books > Health, Home & Family > Cookery / food & drink etc > TV / celebrity chef cookbooks Books > Food & Drink > TV / celebrity chef cookbooks Books > Afrikaans > Gesondheid, Huis en Gesin Books > Afrikaans > Kook en Geniet Books > Afrikaans > Nuwe Vrystellings Books > Local Author Showcase > Food & Drink Promotions > Festive Shopping > Books > Lifestyle Promotions > Festive Shopping > Books > Local Reads Promotions > Festive Shopping > Books > Cookery Books > Promotion > New Reads > Afrikaans Books > Promotion > New Reads > Cookery Books > Promotion > New Reads > Lifestyle Promotions > Festive Shopping > Books > Afrikaans Books > Local Author Showcase > Afrikaans > Cookbooks
LSN:	0-7981-8477-9
Barcode:	9780798184779

Is the information for this product incomplete, wrong or inappropriate? Let us know about it.

Does this product have an incorrect or missing image? Send us a new image.

Is this product missing categories? Add more categories.

Review This Product

No reviews yet - be the first to create one!