Die Vuma Leesinstruksieprogram is uniek omdat die skrywers wat dit geskryf en ontwikkel het, Afrikaanssprekend is en begrip het vir die taal se gemeenskap en kultuur. Vuma se karakters en hul omgewing is eg Suid-Afrikaans, iets wat u jong leerders onmiddellik sal aantrek. Die stories word kleurvol en boeiend vertel. So word dit pret en genotvol om te leer lees, en aktiwiteit waarop hulle van meet af aan versot raak. Die Vuma Leesinstruksieprogram is tans beskikbaar in Afrikaans Huistaal, isiZulu Huistaal, Sepedi Huistaal en Engels Eerste Addisionele Taal.

Eendag lang lank gelede, was daar ‘n Khoi-San groep wat in ‘n pragtige vallei langs ‘n bergreeks gebly het. Kaunu was ‘n groot jagter in sy stam. Een jaar was daar geen reen nie en die hitte het die bessies verskrompel en die gras verbrand. Die water het ook opgedroog. Kaunu het in die grotte probeer om voedsel te vind vir sy familie.

Terwyl hy in die grot soek vir kos, het hy ‘n stem gehoor wat na hom roep. Toe Kaunu ondersoek instel, vind hy dat die grotmuur oop is en die gesig van ‘n bul verskyn daar. Wat beteken dit vir Kaunu? Heinemann se Lees is Maklik-reeks bevat ‘n verskeidenheid stories vir die Intermediere Fase-leerder. Die leesboeke is ontwikkel deur taalspesialiste en onderwysers om die vaardighede in Afrikaans te bevorder en te verryk.

Die reeks dek ‘n verskeidenheid van genres: drama, komedie, avontuur, rillers, aksie, tradisionele stories, misterie en nie-fiksie. Elke graad bestaan uit 20 titels, ‘n totaal van 60 titels vir die Intermediere Fase met stimulerende leesstof vir lesse. Elke verhaal het opwindende illustrasies en aktiwiteite wat gebaseer is op die storie.

HoErskoolseuns in ’n skoolkoshuis tydens ’n rugbytoer. Die resep vir ’n baie lekker storie. Die seuns kla oor die dopery. Hulle praat ook oor meisies – en natuurlik oor sport. Met Charlieboy of Vlam (as gevolg van sy rooi hare) en sy pelle is daar altyd hope pret. Maar die storie raak ook aan spangees en jaloesie. Lees om meer van Vlam, Mop, Bosaap en Stieks te leer ken!

"Zuziwe is Mvangeli Langa se jongste kind. En almal in die Hlubi-nedersetting van Kwazidenge, aan die voet van die Zidenge-heuwel, stem saam: sy is beslis die mooiste meisie in die buurt. Kwazidenge is so vyf myl van Qoboqobo af in die Oos-Kaap. Mvangeli het vyf kinders en Zuziwe is die enigste dogter. Haar ouers was al byna bejaard toe sy haar opwagting gemaak het, en hulle het haar gruwelik bederf." Skuil daar reeds onheil in hierdie eerste woorde van die verhaal van die mooie Zuziwe en haar geliefde Bhuqa, die jong man van die buurt oorkant die rivier?. Wanneer die ramshoring roep, is dit 'n oeroue opdrag dat jong mans hulle wapens opneem ter wille van die gemeenskap - alles anders word eenkant gelaat. So was dit nog altyd en so is dit in Zuziwe se lewe. Jonk soos sy is, sleur die eise van die gemeenskap haar mee. Beur sy teen die stroom, kan die woede van haar eie mense haar vernietig; gaan sy saam, is haar liefde dalk op die spel. Die manier waarop Zuziwe haar uitdagings hanteer, is die tema van hierdie aangrypende verhaal. Roep van die ramshoring - aanvanklik in Engels uitgegee en daarna ook in Xhosa vertaal - gee 'n kykie op dinge van die verlede, maar bied ook veel oor die lewe van vandag. Zuziwe en Bhuqa se lewens is die verhaal van liefde en stryd van alle tye. Die verhaal word gevolg deur 'n leesgids met woordverklarings, agtergrondinligting en interessante vrae en aktiwiteite om die teks te ontsluit. Zuziwe and her beloved Bhuqa live on the foot of Zidenge Hill. When the trumpet calls, it is an ancient order that the young men must take up weapons for the community and everything else is left aside. Could the anger of her own people destroy her, is her love at risk?

Die Vuma Leesinstruksieprogram is uniek omdat die skrywers wat dit geskryf en ontwikkel het, Afrikaanssprekend is en begrip het vir die taal se gemeenskap en kultuur. Vuma se karakters en hul omgewing is eg Suid-Afrikaans, iets wat u jong leerders onmiddellik sal aantrek. Die stories word kleurvol en boeiend vertel. So word dit pret en genotvol om te leer lees, en aktiwiteit waarop hulle van meet af aan versot raak. Die Vuma Leesinstruksieprogram is tans beskikbaar in Afrikaans Huistaal, isiZulu Huistaal, Sepedi Huistaal en Engels Eerste Addisionele Taal.