En soos die titel aandui, neem die publikasie indringend en verbeeldingryk as tema die lewende in die homiletiese dinamika: die lewende stem van God, van die woord, van die gemeente en uiteindelik van die prediker. Die skrywer doen vanuit verskillende teoretiese en praktiese gesigspunte 'n kritiese ondersoek na die toestand en toekoms van die prediking, en hy pak met oortuiging omstrede kwessies soos die geldigheid van wettiese en moralistiese prediking aan. Hy ontwikkel 'n kommunikatiewe model wat hy op verrassende wyse aan die hand van kunswerke verduidelik. Vier voorbeeldpreke demonstreer sy benadering tot die saak. Die lewende stem van die evangelie is 'n gesaghebbende title vir alle studente van die teologie en 'n aansporende handleiding vir predikers.

Mense soos ons, ’n geloof soos Syne vertel die verhale van gewone mense wie se geloof in ongewone en dikwels moeilike omstandighede na vore kom. Hierdie mense is nie die Billy Grahams van hierdie wêreld nie, maar is doodgewone mense – ’n ma, ’n huisvrou, ’n verpleegster, ’n bankklerk – wie se geloof gegroei het weens die probleme wat hulle in hul lewens teëgekom het. Al hierdie mense het die lewens van ander beïnvloed toe hul geloof hulle opgewasse vir die taak gemaak het – om ’n aanvaller te vergewe, om krag te kry ongeag die aftakeling van serebrale verlamming, om liefde te kies waar rassediskriminasie dit moeilik gemaak het – en om te midde van die soeke te besef dat God self die antwoord op alle vrae is.

As God my liefhet, waarom het my kind gesterf? As die lewe veronderstel is om wonderlik te wees, waarom voel ek so ongelukkig? As God my gebede hoor, waarom is ek steeds enkellopend? As God aan die stuur van die wêreld is, waarom is die lewe so wreed? Wanneer ons swaar kry en dit lyk of alles of almal teen ons draai, is dit bloot menslik om te wonder: Waar is God? Sal Hy my help? Is Hy getrou? Kan ek sy beloftes glo? Op al hierdie vrae antwoord Sheila Walsh dawerend: Ja! Die lewe is swaar, maar God is getrou. Hierdie boek gee ’n kykie in die harte van mense wat ontdek het hoe om teenspoed te oorwin. Sheila put inspirasie uit die Bybelboek Job en noem agt belangrike keuses wat ons moet doen om moeilike tye te bowe te kom. Sy lig hierdie keuses toe met voorbeelde uit haar eie lewe en dié van talle ander Christene wat ervaar het dat God deur hartseer en kwelling heen getrou bly.Die lewe is swaar, maar God is getrou bied ’n bemoedigende blik op wie God is, hoeveel Hy ons liefhet, hoe Hy deur ons keuses in ons wil werk. Hierdie eerlike ondersoek na ons ingesteldheid in moeilike tye wys opnuut dat God liefdevol, almagtig en vergewensgesind is.

Wanneer ’n getroude man deur hel gaan, voel sy vrou dit eerste aan. Sy kan nie ’n towerstaffie swaai wat sy pyn sal genees, hom uit sy depressie sal bring, die wonde uit sy kinderdae sal laat oorwin, sy verslawende gewoontes sal genees – of die skade aan haar huwelik sal herstel nie. Sy kan egter kies om hom dwarsdeur die storm by te staan en ’n kanaal van God se liefde en genesing te wees. Connie Neal het haar man gedurende tye van ernstige persoonlike krisis bygestaan; sy weet wat dit beteken om saam deur die duisternis te wandel. Sy sê: ‘In hierdie boek deel ek die ware vertroosting wat God aan vroue in die werklike lewe gee, sowel as praktiese oplossings, wysheid, en advies. Ek hoop en bid dat jy bemoedig en gehelp sal word sodat jy in hierdie moeilike tyd ’n oorwinnaar sal wees.’ Hierdie boek toon aan ’n vrou hoe sy, sonder om in haar eie geloof te huiwer, haar man deur moeilike tye kan bystaan, en hoe om vir hom ’n bron van geestelike krag te wees. Die geestelike waarhede in hierdie boek kan lewe blaas in diegene wat in die doodstryd van die pyn wat die lewe kan bring, na asem laat snak. Hierdie boek is ’n dosis werklikheid, ’n dosis waarheid, en ’n dosis hoop. En hoop in God beskaam nie.

Alle geestelike oorlogvoering begin met die stryd om ons denke. Wat ons glo, sal die vlak van ons oorwinning bepaal. Dit is altyd moontlik om meer effektief in die daaglikse stryd teen die kwade te wees. Leer hoe om jouself te beveilig teen voortdurende misleiding, vind balans en insig, en ontdek jou krag in Christus.

Is jy al ooit deur ’n Christen in die steek gelaat? Het ‘n Christenleier jou al diep seergemaak? Is jy ontnugter deur die kerk? Ongelukkig is die antwoord op hierdie vrae alte dikwels ja. Kan die wonde wat toegedien is, genees word? Kan die kerk verander? Die antwoord hierop is gelukkig ook ’n onomwonde ja. Dave Burchet wys hoe ’n nuwe benadering ons getuienis aan die wêreld kan verander. En hierdie uitdaging word aan die adres van elkeen wat al ooit deur ’n Christen seergemaak is én die gelowiges wat die wonde toegedien het, gerig.

Onwrikbare geloof. Daaglikse integriteit. Ons almal streef na hierdie doelwitte. Ons begin met groot entoesiasme, maar sukkel meestal om die pas vol te hou wanneer ons die een frustrasie na die ander begin beleef. Kan jy jou hiermee identifiseer? Dan is hierdie aksieplan net vir jou. Dis bybels, prakties en lewensveranderend. En dit fokus spesifiek op sake wat mans na aan die hart lê. Kom beleef hoe God oor jóú voel. Skep moed – jy van vooraf begin en die wedloop voltooi!

Hierdie joernaal wat oor 28 dae strek, help lesers om hul laste ligter te maak deur Psalm 23 uit te leef. Vergeet van die chaos van die alledaagse lewe en wy jou daaraan om God te ontmoet soos jy nooit gedink het moontlik is nie. Lesers sal tydens hul ontdekkingstog leer om Psalm 23 en die vermoë daarvan om laste ligter te maak, beter verstaan. Lucado vra ons om opnuut te kyk na die bagasie wat ons almal saamdra en ons oorweldigende behoefte om dit oor te gee aan ’n God wat gereed en gewillig is om dit vir ons te dra. Elke dag sluit ’n oordenking in en daar is ruimte vir lesers om hul gedagtes en gebede neer te skryf.

Reis in 60 dae saam met skrywer Selwyn Hughes deur die Bybel, van Genesis tot Openbaring, en ontdek só God se verlossingsplan. Die boek is gesentreer om Hebreërs 9:22: ‘… sonder die vergieting van bloed vind daar geen vergewing plaas nie’, en dit volg die bloedlyn van verlossing deur die Skrif tot waar dit volbring word by die kruisiging van Jesus.