As 'n grootouer wil jy 'n spesiale band met jou kleinkinders he. Maar dit is nie altyd maklik nie. Die jong gesinne beweeg deesdae dikwels in 'n koorsagtige tempo rond. Selfs as julle in dieselfde dorp woon, kan dit dus moeilik wees om te kliek. As jy duisende kilometer ver bly, het jy bykomende uitdagings. Die skrywer het kreatiewe maniere aangeleer om die kilometers te oorbrug. Haar idees, met die van ander grootouers, is prakties getoets en verfyn – supermaklike en meer betrokke maniere om sterk verhoudings met jou kleinkinders op te bou. Maak dus gereed om jou kleinkinders te geniet, nuwe dinge te leer en om met jou kleinkinders te kliek – of hulle naby of ver is.

Baie Christene ervaar 'n gevoel van mislukking omdat hulle nie heeltemal is wat hulle behoort te wees nie. In Jy kan word wat jy is help Arnold Mol jou om vry te kom van sulke gedagtes en 'n lewe van ontspanne heiligheid na te volg. Nie alleen beklemtoon die titel die verstommende posisie van die gelowige se plek in Christus nie, maar wys ook daarop dat geestelike groei God se verantwoordelikheid is – nie ons s'n nie. Die talle 'Hoe om te ... ' - hoofstukke fokus op die aanwending van die oorvloedige hulpbronne wat tot elke gelowige se beskikking is. Die titel eindig met 'n kort beskrywing van die opwindende vooruitsigte waarna elke gelowige kan uitsien. Die inhoud is sterk gegrond op Skrifverwysings, maar bevat ook praktiese illustrasies en toepassings op alledaagse situasies waarmee gelowiges hulself kan vereenselwig. As jy wil weet wat dit beteken om 'n Christen te wees en hoe om ’n oorwinnende lewe te lei, is Jy kan word wat jy is die boek om te lees.

Die titel in 'n hele paar jaar oor die rouproses spesiaal vir die vrou geskryf. Die skryfster praat met deernis en begrip uit eie ervaring, maar het ook wyd oor die onderwerp gelees. Sy gee aan die einde 'n bibliografie van die boeke waaruit sy aangehaal het. Hier word nie net gepraat oor die pyn en verlies as gevolg van die dood van 'n dierbare nie, maar ook oor aborsie, miskraam, verkragting en siektes wat verlies meebring. Egskeiding en verhuising word ook bespreek. Die skryfster wys ook daarop dat verlies en hartseer pluspunte het , soos geestelike groei, deernis met ander en die wete dat jy jou seeninge moet tel. Aan die einde van elke hoofstuk is daar aanhalings van bekendes wat troos bring. Die somberheid van die onderwerp word getemper deur die onwrikbare vertroue in God en die hoop op ’n toekoms sonder pyn en hartseer.

'n Deeglike studie uit die wye versameling literatuur oor die verbruikerskultuur as die sogenaamde "ideologie van ons tyd" wat alle terreine van die samelewing ingedring het. Sonder dat ons altyd daarvan bewus is, beheer dit ons manier van leef – ook ons geloofslewe en kerkwees, soos ons dit opmerk in die "megakerke" en bid-groot-godsdienste. Vanuit 'n "groen" perspektief vind ons die ontmaskering van hierdie vals evangelie en sulke afgodery, maar ook die uitnodiging tot 'n nuwe ingesteldheid en waardes (deugde) wat die omgewing op die hart dra. Hierdie herstelde waardes wys die pad na geestelike verdieping vir die "gewone" gelowige wat kan meehelp om 'n gebalanseerde "groen" lewenskuns oor hierdie samelewing-siekte in te sien en in die samelewing in te dra.

In byna elke koerant is daar ’n berig van nog iemand in ’n leiersposisie wat om al die verkeerde redes die koerant haal. Die verskonings wat hulle vir hulle optrede aanbied as hulle uitgevang word, is om van te huil. En Christene is nie hiervan gevrywaar nie. Koerantopkrifte basuin dit graag uit as gelowiges voete van klei het. Met al die korrupsie rondom ons, is integriteit van groot belang. Ons verwag dit van leiers – veral van leiers wat se dat hulle Christene is. In 2 Korintiers skryf Paulus oor die druk wat op Christene is om met integriteit te lewe en op te tree. Hy skryf oor die vreugde wat gelowiges kan he omdat hulle weet dat hulle onder die wakende oog van God die voortou neem. As jy vir ander 'n voorbeeld wil wees, moet jy elke oomblik met integriteit optree.

Hanteer die brandende vraag in die een of ander stadium in ons geloofslewe: Hoe kom ek weer aan die bid en hoe leer ek om reg te bid? Fokus op die regte vertrekpunt vir ons gebede: die lewende verhouding met ’n persoonlike God wat met ons gesprek voer en ons sy geskenk vir ons geestelike lewe, gebed, wil laat geniet. Gesonde riglyne uit die Bybel oor hoe om opnuut te leer bid, en sinvol te bid – gebede wat God hoor en verhoor.

God kan nie in een enkele beeld vasgevang word nie. En ons gedagteprent van God bepaal hoe ons dink God se karakter of aard is. Die skrywer werk met 'n wye verskeidenheid Godsbeelde in die Bybel om gelowiges te help nadink oor die God wat ons daaruit leer ken … en watter impak dit op ons lewe het.

Bill Hybels, stigter en pastor van die wereldbekende Willow Creek-gemeenskapskerk in die VSA, stel 'n unieke uitdaging aan almal wat na lewensin soek: Stel vas wat presies die een verkeerde ding is wat jy nie langer kan verdra nie, en gebruik dan die passie van daardie "heilige ontevredenheid" as brandstof om jou aan te vuur om daardie saak te help regstel. Hierdie titel vol praktiese raad inspireer Christene om met God saam te werk om sy koninkryk daad-werklik te laat kom, en so persoonlike sin in die lewe te vind.

Mense wat 'n verskil maak, is kreatief en gemotiveerd – en moeilik en veeleisend. Hulle het 'n visie wat nie so maklik werklikheid word nie. Die skrywer deel met ons die vyf en twintig lesse wat hy met moeite en frustrasie geleer het. Toe die skrywer gevra is om die leraar van die sterwende middestad-gemeente te word, het hy geweet wat hy wou he. Maar dit was nie so maklik om dit te laat gebeur nie. Hy moes leer dat elke "ja" minstens "nee" impliseer, om te aanvaar dat hy nie almal se vriend kan wees nie, dat daar meer mislukkings as suksesse is, dat jy stadiger vorder as ander mense saam met jou reis, dat niks so eenvoudig is dat dit nie verkeerd verstaan kan word nie. Met erns en humor, toegelig met voorbeelde uit sy eie bediening, verduidelik die skrywer hoe jy ’n verskil kan maak – sonder dat dit jou geestelike en emosioneel uitput.

Die klein boekie oor lewensvreugde – die lied oor die skoonheid van die lewe, musiek en liefde – is 'n meesleurende melodie van variasies op die tema: Se ja vir die lewe! Laat die lewe jou betower. Maak tyd vir jou siel, luister na jou liggaam – en geniet dit met jou hele hart en al jou sintuie. Moenie jou lewe omwens nie, maar benut eerder elke oomblik wat die lewe jou bied.

Drie sekondes is al wat staan tussen die persone wat se "wat ook al" en die wat se "wat ook al dit van my sal vra". Die skrywer en sielkundige onthul ses algemene impulse wat verhoed dat jy jou potensiaal bereik. Ons kan ons volle potensiaal bereik as ons leer hoe om ons eerste impulse 'n tweede kans te gee.

Leierskapkenner John C. Maxwell wys lesers in Wen met gesindheid hoe om die gesindheid van ’n wenner te ontwikkel deur hul pad na sukses oop te dink, asook hoe om hul gesindheid in hul grootste bate te omskep. Ontdek saam met Maxwell die geheim van sukses. Die praktiese boek met sy aantreklike ontwerp, luukse sagteband-omslag in Italiaanse leer en elegante kleur-drukwerk binne, help lesers om alles wat Maxwell se, op hul eie lewe van toepassing te maak.