Verlies. Dit is 'n woord wat baie mense vrees en waarvan baie min mense kan wegkom. 'n Tragiese ongeluk het drie generasies van Jerry Sittser se familie geeis en hom agtergelaat met 'n ongelooflike gevoel van verlies. In die stilte van verlies gaan nie net oor een man se hartseer nie. Dit is eerder 'n blik op die verliese waaronder baie mense ly en die genade wat ons verander. Sittser verduidelik dat dit nie soseer gaan oor dit wat met mense gebeur as dit wat binne hulle gebeur wat uiteindelik hulle lewe kenmerk wanneer siekte, egskeiding of die verlies van 'n geliefde hulle tref nie. Die boek het ook interessante besprekingsvrae wat lesers op 'n persoonlike vlak sal aanraak en voorsiening maak vir dieper self-evaluasie. In die stilte van verlies help lesers om ter midde van pyn en hartseer weer boodskappe van hoop, empatie en vreugde te vind.

Daar heers vandag groeiende verskille in kerke se verkondiging van wat kerklewe behoort te wees, die grondbeginsels van die Christelike geloof en die wyses waarop God aanbid moet word. Te midde van verdere antagonisme jeens die kerk, mag die gelowige miskien begin wonder wat die kerk se rol nou eintlik is? Hoe leef ons in 'n gemeenskap van gelowiges waar die Woord van God sigbaar in ons lewens is? Volgens Mark Dever behoort ons ons tot die Woord van God te beroep om ons te lei in hierdie vrae. Hoe beter ons God verstaan, hoe beter is ons raamwerk vir kerklewe, geloof en aanbidding. Die kerk speel 'n essensiele rol in God se planne. Dit is die waarneembare gedeelte van Christelike teologie. Christelike lewe kan net gerealiseer word in ons verhoudings met ander. Die eenheid waarin Christene tot mekaar leef verteenwoordig die lewe van ’n nuwe samelewing: een van liefde en vrede tussen mense. God roep mense om sy take op aarde te verrig en Hom op aarde te verteenwoordig. Mark Dever verduidelik in Die kerk dat die kerk 'n eenheid kan wees wanneer gelowiges verenig is in God se waarheid wat in die Bybel gevind kan word.

Die meeste van ons lewe asof more nog 'n dag is. Asof daar nog baie tyd is om die dinge te doen en te se wat ons weet ons moet. Maar dan, skielik, word die fast forward-knoppie gedruk en jou lewensverwagting word drasties ingekort. Jy besef vandag kan my laaste wees. More kom dalk nooit. Skielik kyk jy met nuwe oe na die lewe. Jy sien die broosheid van jou bestaan raak. Jy tel jou seeninge en kyk met dieper insig na jou foute. Jy leer om te vergewe en om vrede te vind. Jy word die mens wat jy weet jy al lankal veronderstel was om te wees. In hierdie boek deel Joost van der Westhuizen - met die oog op 'n nalatenskap aan sy twee kinders, Kylie en Jordan - die 99 lewenswaarhede waarmee sy siekte hom gekonfronteer het. Hy gesels oor dinge soos: Hoe kosbaar jou gesondheid is; hoe om die beste van elke dag te maak; hoe belangrik dit is om vir jouself te lag; watter groot rol die regte gesindheid speel; hoe belangrik geloof is.; en hoe om jouself te aanvaar. Stap les vir les saam met Joost deur sy lewe en leer hoe om ook joune met dieper insig en waardering te leef.

Dis maklik om te dink dat geloof nie meer in vandag se lewe 'n plek het nie. Danksy modern tegnologie en wetenskap is daar verklarings vir alles. Harde bewys. Niemand kan meer stry nie. Hoe moet jy jouself, en ander oortuig dat geloof werklik is? Is daar nog plek waarvoor in ons bestaan? Hennie Stander deel grepe uit sy lewe om die werklikheid van God se teenwoordigheid te illustreer.

Ons probeer so hard om die persoon te wees wat ander mense verwag, dat ons dikwels onsself verloor. In haar boek In lig en lewe herinner die bekende Retah McPherson ons dat net God en ons weet wie ons regtig is. Met 101 oordenkings beklemtoon sy dat ons eers in gees en waarheid met God moet verbind voordat ons werklik sal weet wie ons is. Die oordenkings is in 10 tematiese afdelings ingedeel wat onder andere die volgende insluit: die Vaderhart van God (hoe jy God sien) jy is 'n kind in die Vader se huis (jou identiteit as Christen); breek die bindings (breek los van sonde); voorbeelde van bidders uit die Bybel (mans en vroue uit die Bybel wie se lewens groot wendings geneem het as gevolg van gebed). In lig en lewe laat ook ruimte waar gelowiges persoonlike gedagtes kan neerskryf in hulle daaglikse reis in God se lig terwyl hulle verhouding met God van krag tot krag gaan.

Oorgewig, lui, ongedissiplineerd en moeg. Dit beskryf miljoene mense - mans en vroue wat te gefrustreerd is om God en hulle gesinne te dien omdat hulle liggaam en denke hulle in die steek laat. In Gesond.Gelukkig.Sonder giere! gee gesondheidskrywer Lisa Morrone 'n praktiese, maklik deurvoerbare plan vir almal om hulle energievlakke te herstel en hulle natuurlike lus vir die lewe terug te kry. Hierdie gesondheidsplan is daarop gemik om 'n persoon se lewenswyse te verander deur op sewe spesifieke areas te fokus: gewigsverlies, voeding, postuur, krag, soepelheid, breinkrag en ontspanning. Die boek bied ook praktiese voorbeelde wat maklik verduidelik word met sketse, foto's en voorbeelde in tabelvorm. Gesond.Gelukkig.Sonder giere! sal 'n langtermyn-verandering in 'n persoon se lewe teweegbring wat sal voortduur omdat die dryfkrag daaragter 'n groter doelwit het - 'n beter verhouding met God, jou gesin en vriende.

In Verskuif jou grense bespreek Hannes Burger hoe Jesus Hom nie laat inperk het deur mensgemaakte reels wanneer Hy besig was met God se werk nie. So het Hy onder andere die grense van godsdienstige reels deurbreek, maatskaplike grense wanneer Hy uitgereik het na die randfigure van die samelewing, en rassegrense deur die Samaritane as gelykes te behandel. As dissipels van hierdie grootste Grens-deurbreker van alle tye is ons ook grens-deurbrekers. Maar ons het die leiding van die Heilige Gees nodig om saam met Jesus grense oor te steek soos: die grens van beheer oorgee oor ons eie lewe en godsdiens; die grens van doen wat die evangelie verkondig; die grens van sonde die grens van jou eie agtergrond; grense in jou verhoudings en sosiale strukture. Verskuif jou grense herinner gelowiges aan hul roeping: om onbevrees en in alle opsigte in ons Here se voetspore te volg.

Blywende woorde is 'n dagstukkieboek met 90 oordenkings wat gebaseer is op aanhalings deur bekende vroue soos Elize Parker, Helene de Kock, Christine Ferreira, Marzanne Leroux-van der Boon en Milanie Vosloo. Vroue sal bemoedig word deur die woorde van hierdie besonderse vroue wie se lewens getuig van hul Christenskap. Geinspireer deur vroue se geloof en hul verhouding met Christus.

Soveel mense bereik hulle 40's of 50's en wonder dan: Wat het ek werklik om vir my lewe te wys? Kan ek enigsins nog 'n verskil maak?

Met sy boek Leef Voluit, Eindig Uitnemend wys Bob Buford dat dit nooit te laat is om 'n verskil te maak nie.

Hierdie boek bied raad en inspirasie uit 60 baanbrekers se insiggewende gesprekke met Buford. Hulle dien in werklikheid as mentors vir enigeen wat God se roeping wil najaag en wil beweeg vanaf ? lewe van sukses, na ? lewe met betekenis.

Die boek bestaan uit drie afdelings: 1. Is daar iets meer? 2. Bou lewe II. 3. Laat dit realiseer.

In Leef Voluit, Eindig Uitnemend word lesers die geleentheid gegun om by ander die kuns aan te leer van hoe om goed te eindig, ? bevredi-gende lewe te leef ongeag ouderdom en ? nalatenskap agter te laat vir toekomstige generasies.

Die Mighty Men Verhaal vertel op boeiende wyse hoe een man se gehoorsaamheid aan God herlewing gebring het in Suid-Afrika en duisende lewens vir altyd verander het. "God het my gelei om hierdie storie te skryf sodat ek die ware verhaal kan vertel van wat gebeur het," sê die bekende en geliefde evangelis Angus Buchan self.

Die Mighty Men Verhaal vertel die verstommende verhaal van die Mighty MenTM-fenomeen - hoe dit begin het met 'n mosterdsaad-idee in 2003, tot hoe dit in 2010 geëindig het toe die konferensie deur meer as 300 000 mans bygewoon is.

Meer as 40 persoonlike getuienisse van mans wat by hierdie konferensies aangeraak is deur die Gees sal elke leser aan die hart gryp. Dit spreek van nuutgewonde vuur vir God wat in die harte van duisende mans aangesteek is, en sal lesers inspireer om God met nuwe toewyding te dien.

Die Mighty Men Verhaal vier onwankelbare geloof, oneindige hoop en vreugdevolle en oorvloedige lewe in Christus!

Nico Smith vertel in hierdie agtien hoofstukke van sy ontmoetings met sommige van die bekendste mense van ons tyd, so uiteenlopend soos die konserwatiewe teoloog Karl Barth en die ikoon Nelson Mandela. Dit is nie gemoedelike kaggelstories nie. Saam vorm hulle 'n beduidende stuk outobiografie van 'n man wat 'n veelbewoe lewe gelei het, eers in die Afrikaner-establishment, en toe as opstandeling wat uiteindelik in die swart woonbuurt Mamelodi gaan woon het.

In ou Njassaland (vandag Malawi) loop 'n sendelingskind met groot vrae vir so 'n jong seuntjie: oor Liewe Jesus en sonde, oor die "malman" wat 'n stomp om sy nek moet dra, die Roomse paap op sy BSA-motorfiets, Gidarra en Hassan wat elkeen se daar is 'n ander God. Sommer terloops merk hy op die grootmense het Woensdagaand se biduur verskuif sodat hulle oor die saucepandraadloos na Die Du Plooys van Soetmelksvlei kan luister, asook 'n paar ander vergrype wat hy uit sy afluistery van grootmensgesprekke ondervang. Hoekom dr. Banda by hulle huis is vir ete maar dan ry sonder dat hy eet, maak ook nie juis vir hom sin nie. En wat hy veral nie verstaan nie, is dat Gidarra so bang is vir 'n birimankwe (verkleurmannetjie). Die birimankwe is dan so stadig maar so slim. Hy en sy maatjie het seker heel laaste by die ark aangekom terwyl Noag hulle maan: "Julle twee sal moet wikkel, daar kom 'n groot reen aan." Maar toe hy vir hoerskool Suide toe moet gaan en sy ouers eers oor 'n jaar weer sal sien, haal die vrees hom die nag op die trein in, en sy enigste vertroosting is sy pa se laaste gebed: "Hou u hand van bewaring oor ons kinders, en dankie dat ons weet u genade is vir hulle genoeg."

Hoe oorbrug ons die gaping oor verhoudings - die gaping tussen waarop ons hoop en wat ons begeer aan die een kant en wat in werklikheid met ons gebeur aan die ander kant? Aan die een kant van die gaping is die werklikheid van mislukte huwelike, afwesige ouers, opstandige kinders, ontroue vriende en kerkgroepe wat skinder. Aan die ander kant van hierdie gaping moet ons die woorde van Jesus in gedagte hou: “Ek gee julle ‘n nuwe gebod: julle moet mekaar liefhe. Soos Ek julle liefhet, moet julle mekaar ook liefhe” (Johannes 13:34). Jesus was goed met verhoudings. Die skares het na Hom toe gestroom, sy volgelinge was mal daaroor om naby Hom te wees en selfs sy vyande het vir Hom ’n onbedoelde pluimpie gegee toe hulle Hom ’n “vriend van … sondaars” genoem het. Aan die einde van elke dag se leeswerk sal jy drie hulpmiddels kry wat jou in jou studie kan help. Die eerste word genoem “Iets om oor na te dink”, wat die hoofstuk se boodskap in ’n sin saamvat. Tweedens is daar “’n Vers om te onthou”, wat ’n vers uit die Bybel gee wat jy kan leer. Daar is nie baie van ons wat in staat is om ’n vers vir elke dag uit die kop te leer nie, en tog sal jy op verrassende maniere geestelik verfris en versterk word as jy een of meer van die verse by elke week kan kies en memoriseer. Aan die einde van elke hoofstuk is daar ook ’n “’n Vraag om te oorweeg” - ’n persoonlike vraag wat jou sal help om jou gedagtes op handeling en verandering te fokus. Aan die einde van die boek is daar ’n lys van bykomende “Vrae vir vriendekringe, pare en kleingroepe”.

As ons regtig nederig wil wees, nie net voor God nie, maar ook teenoor alle mense – en as ons in die soort nederigheid vreugde wil vind – dan moet ons insien dat dit nie bloot die teken van berou oor ons sonde is nie, maar dat dit beteken om vol te wees van die heerlikheid en vreugde van die hemel en van Jesus. Jesus het sy heerlikheid daarin gevind om die houding van 'n slaaf aan te neem (Matteus 20:27). Hy verduidelik eenvoudig die waarheid dat niks so Goddeliks en hemels is as om almal se slaaf te wees nie. Wanneer ons insien dat nederigheid oneindig dieper as skuldgevoel le en daaraan dink as ons deelname aan die lewe van Jesus, sal ons begin leer daar le werklike grootheid in. Om almal se dienskneg te wees, is die hoogste vervulling van ons roeping as mens wat na God se beeld geskep is.

As 'n grootouer wil jy 'n spesiale band met jou kleinkinders he. Maar dit is nie altyd maklik nie. Die jong gesinne beweeg deesdae dikwels in 'n koorsagtige tempo rond. Selfs as julle in dieselfde dorp woon, kan dit dus moeilik wees om te kliek. As jy duisende kilometer ver bly, het jy bykomende uitdagings. Die skrywer het kreatiewe maniere aangeleer om die kilometers te oorbrug. Haar idees, met die van ander grootouers, is prakties getoets en verfyn – supermaklike en meer betrokke maniere om sterk verhoudings met jou kleinkinders op te bou. Maak dus gereed om jou kleinkinders te geniet, nuwe dinge te leer en om met jou kleinkinders te kliek – of hulle naby of ver is.

'n Deeglike studie uit die wye versameling literatuur oor die verbruikerskultuur as die sogenaamde "ideologie van ons tyd" wat alle terreine van die samelewing ingedring het. Sonder dat ons altyd daarvan bewus is, beheer dit ons manier van leef – ook ons geloofslewe en kerkwees, soos ons dit opmerk in die "megakerke" en bid-groot-godsdienste. Vanuit 'n "groen" perspektief vind ons die ontmaskering van hierdie vals evangelie en sulke afgodery, maar ook die uitnodiging tot 'n nuwe ingesteldheid en waardes (deugde) wat die omgewing op die hart dra. Hierdie herstelde waardes wys die pad na geestelike verdieping vir die "gewone" gelowige wat kan meehelp om 'n gebalanseerde "groen" lewenskuns oor hierdie samelewing-siekte in te sien en in die samelewing in te dra.

Hanteer die brandende vraag in die een of ander stadium in ons geloofslewe: Hoe kom ek weer aan die bid en hoe leer ek om reg te bid? Fokus op die regte vertrekpunt vir ons gebede: die lewende verhouding met ’n persoonlike God wat met ons gesprek voer en ons sy geskenk vir ons geestelike lewe, gebed, wil laat geniet. Gesonde riglyne uit die Bybel oor hoe om opnuut te leer bid, en sinvol te bid – gebede wat God hoor en verhoor.