In die boek wat ’n ‘nuwe paradigma vir kerkwees geskep het’, gee Rick Warren ’n volledige oorsig van hoe die kerk sy rol in die moderne samelewing moet vol staan.

Deur te kyk na die kerk se vyf Nuwe Testamentiese doelwitte, vang hy die essensie van die hedendaagse kerk se taak vas en wys hy watter vrug groei ten opsigte van die vyf doelwitte meebring: gemeensaamheid bring warmte; dissipelskap bring diepte; aanbidding bring krag; bediening bring invloed, en evangelisasie bring groei.

Hierdie bekroonde boek verskaf al die Bybelse beginsels, strategieë en praktiese wenke om blakend gesonde, blywend groeiende kerke tot stand te bring. Dit verskuif die fokus van gemeentebouprogramme na die opbou van lidmate sodat kerke doelgerig hul doelwitte kan verwesenlik.

Mense se soeke na goedkeuring neem epidemiese afmetings aan. Hulle voortdurende behoefte om ander tevrede te stel spruit uit gevoelens van onsekerheid en lae selfagting. Dit oorheers mettertyd hulle hele lewe. Joyce Meyer deel drie verreikende stappe om hierdie verslawing te oorkom: Aanvaar wie jy is; Vat jou verslawings vas, en; Breek los uit ou gedragspatrone. Sy deel uit haar eie ervaring hoe sy reggekry het om uit te vind wie sy werklik is, haar selfbeeld te verander en haarself te leer liefkry. Sy stip ook uit hoe om gevoelens van skuld, woede, onvergewensgesindheid en verwerping te hanteer, en hoe om jou selfagting te grond op jou identiteit in God, en nie op ander mense se opinie van jou nie. Hierdie boek is geskryf in dieselfde dinamiese styl as ander Joyce Meyer-topverkopers soos Sewe dinge wat jou vreugde steel, Ontmoet God elke oggend en Eindig jou dag met God.

Die Christelike geloof,' se John Eldredge, 'is nie 'n uitnodiging om iemand met hoe sedelike waardes te word nie - dit is ten diepste 'n uitnodiging om te begeer.' CS Lewis het hiermee saamgestem. Hy het gese: 'Ons probleem is nie dat ons te veel begeer nie,maar te min. Ons aptyt is nie te groot nie; dis te klein.' Die kerk leer mense dikwels om begeerte te onderdruk en dit 'heiligmaking' te noem. Voorskriftelikheid en oordrewe klem op moraliteit laat 'n gevoel van onvergenoegdheid by baie Christene, asof daar meer moet wees - maar wat? Om die oorvloedlewe te ervaar wat Christus beloof het, moet ons ons Godgegewe begeerte opnuut ontdek en weer begin soek na die lewe waarvan ons eens gedroom het. Ons moet ons hart saamneem op hierdie reis, sodat God die passies en begeertes wat eens daarin geleef het, kan herstel en in besit neem. In hierdie boek, sy eerste na die onverwagse dood van sy vriend en vennoot Brent Curtis(medeskrywer van Die groot liefdesverhaal), wys John Eldredge hoe God begeerte in ons geplant het as 'n innerlike kompas wat ons lei na die volheid wat Hy graag aan ons wil skenk, hoe God partykeer ons pogings tot aardse vervulling fnuik omdat Hy meer vir ons in gedagte het, en hoe 'n dieper belewenis van begeerte die begin kan wees van nuwe ervarings saam met God. Jy is bestem vir meer is 'n rare juweel wat die leser sal laat met 'n blywende gevoel van hunkering na die skoonheid en vervulling wat God vir ons bestem het.