Koos Kombuis se outobiografie het al meer as tien drukke beleef. Hierdie heruitgawe verskyn op openbare aandrang.

Sy ganse lewensverhaal, Koos se manier om homself te versoen met sy verlede. Hy vertel van sy heel eerste openbare optrede (op die ouderdom van ongeveer vyf sekondes), van sy jeugjare as hedonis, van die paradokse & die pyn, van hoe lekker die lewe nou vir hom is, van die goue jare wat nog voorlê . . .

O ja, natuurlik ook van die seks & drugs & boeremusiek wat al sy pad gekruis het.

Goeiemôre, mnr Mandela vertel die uitsonderlike verhaal van hoe Zelda la Grange se lewe, oortuigings en vooroordele omvergewerp word deur die grootste staatsman van ons tyd.

Dit volg die ongelooflike lewenspad van ’n verskrikte tikster in haar vroeë twintigs wat gekies word as Nelson Mandela se lojaalste steunpilaar en haar loopbaan daaraan wy om reisgenoot en versorger te word van die man wat sy ‘Khulu’ noem.

Hierdie boek wentel om liefde en tweede kanse. Dit sal jou lewe raak en jou laat glo elkeen van ons, ongeag wie ons is en wat ons gedoen het, het die mag om te verander.

Ignatius Smit sterf by geboorte op Woensdag, 3 Maart 1982 op Katima Mulilo in Namibie se Kaprivistrook. Omdat Ignatius se ouers die sendingpaar is, word hy begrawe op 'n afgelee plek in 'n bos, naby die graf van magistraat Trollop wat aan koors in Barotsiland gesterf het.

Sy ma sukkel om sy dood te verwerk, omdat sy as geestelike leier verantwoordelik voel vir die vertroosting van die dorpsmense, wat net so platgeslaan is deur sy onverwagte dood. Jare later haal sy onverwekte dood haar in. Hierdie is haar, Leonette, se verhaal. Dis 'n verhaal van verlies en die verwerking daarvan, wat grootliks afspeel binne die militêre milieu - waarvan grenslewe 'n groot komponent is.

Baie jare later kry sy vertroosting deur berading en musiekterapie van 'n orrelsimfonie van Saint-Saens. Dit gee vir haar 'n visualisering van Ignatius se lewe na die dood. So kry sy volkome bevryding vir haar pynlike smart.

Die vooraanstaande neurochirurg dr Eben Alexander het homself altyd as 'n man van die wetenskap beskou. Sy vaste geloof in geneeskunde wat op bewyse berus, het hom 'n loopbaan by van die top-institusies in die wereld besorg. Maar dit sou heeltemal verander. Een oggend in 2008 raak hy in 'n koma nadat hy 'n seldsame bakteriese breinvliesontsteking opgedoen het. Breinskanderings wys massiewe breinskade. Hulle verwag nie hy sal leef nie. Terwyl sy gesin hulle op die ergste voorberei, gebeur iets wonderbaarliks: sy brein begin ontwaak uit 'n toestand van byna algehele stilstand. 'n Veranderde man word daar wakker, seker van die oneindigheid van die siel, en seker van 'n lewe anderkant die dood. In hierdie verstommende boek deel dr Alexander sy ondervinding soos hy dit saamgestel het uit notas wat hy gehou het so gou hy weer kon skryf. Anders as vele ander beskrywings van nabydood-ervarings kan hy verduidelik waarom sy brein nie in staat was om sy reis na die hiernamaals te versin nie.

Brümilda van Rensburg is ʼn magneet vir komplimente. Hoe lyk ʼn mens vir só goed? Waar kry sy haar styl vandaan? Hoe is sy op vyftig plus steeds ʼn rolmodel vir twenty-something aktrises? En waar steek sy haar mojo-resep weg?

Brümilda van Rensburg is ʼn magneet vir komplimente. Hoe lyk ʼn mens vir só goed? Waar kry sy haar styl vandaan? Hoe is sy op vyftig plus steeds ʼn rolmodel vir twenty-something aktrises? En waar steek sy haar mojo-resep weg?In Vyftig,vurig en fabulous gee Brümilda die antwoorde. Dis nie ʼn outobiografie nie, maar dit gee die leser wél ʼn kykie op wie sy is en wie haar help vorm het. ʼn Inspirasieboek!

Brümilda verklap dat wie sy is iets te doen het met die verlede. Met mense en hulle invloed op haar lewe. Wie jy is, het baie te doen met wie jy jou omring en styl kan nie gekoop word nie. Brumilda het geleer dat enkellopendheid jou nie definieer nie, maar jou uitdaag. Dat wanneer jou paadjie nie noodwendig uitdraai soos jy hoop nie, die road less travelled soms ander verrassings bied. Die geheim tot sensualiteit, het iets te doen met denke, dade en leefstyl.

Maar een ding is irrelevant Lees en vind uit wat dit is! Brümilda se bates (innerlik én uiterlik) is binne jou bereik. Van vandag af kan jy stylvol, smeulend, vervuld en tydloos volvrou wees.

Met hierdie ware verhaal onthul die akteur en televisie-vervaardiger Christo Gerlach die skokkende werklikhede agter die glans van die vermaaklikheidsbedryf. As kind moes Christo die papawers uit sy ouma se tuin ruk omdat sy oupa in die Volksblad gelees het dat die blom 'n bron van opium is. Jare later sou Christo homself moes ruk uit die kloue van 'n kokaiene-verslawing. In sy soms pynvol eerlike verhaal vertel hy van sy soeke na die liefde en aanvaarding wat sy pa nooit vir hom gegee het nie, van sy reis van toneelspeler en TV-ster tot vervaardiger van top-reekse soos Idols, Glitterati en Tonge Los. Hy ontbloot sonder skroom wat agter die skerms van die Suid-Afrikaanse vermaaklikheidsbedryf aangaan. Hy beskryf ook sy tekortkominge in sy drie langtermynverhoudings – wat telkens in skerwe eindig. En hy praat reguit oor sy verslawings aan kokaiene en Stilnox. En dan is daar die skim van Alfredo – die man wat in sy donkerste ure deel van sy vernietiging was. Christo se reis neem hom van die donkerte tot 'n plek waar genesing kan begin – ’n nuwe lewe van selfaanvaarding.

As medeskrywer van Nelson Mandela se biografie het joernalis Richard Stengel ure in Madiba se geselskap deurgebring. Drie jaar lank het hy hom bykans oral heen vergesel - selfs onder die mees senutergende omstandighede. Op pad met Mandela: vyftien lewenslesse is sy manier om hierdie ervaring met ander te deel. Die Afrikaanse uitgawe van Mandela's Way bied ook aan Afrikaanse lesers 'n nadere blik op die merkwaardige man, wat deur mense wereldwyd as 'n lewende legende beskou word. Die lewenswysheid wat Madiba uit sy grootste uitdagings geput het, word hier in vyftien lesse oor die liefde, die lewe en leierskap vervat: waarom dit belangrik is om jou teenstanders fyn dop te hou, waarom waagmoed nie noodwendig 'n gebrek aan vrees beteken nie, en hoekom dit belangrik is om dinge in die lewe te vind waaruit jy plesier en vervulling kan put.

Koos Meyer is ‘n legende. Op laerskool reeds was hy ‘n entrepreneur met die aardigste geldmaakplanne. As nie-studerende student op Stellenbosch het hy roem verwerf as poetsbakker en kansvatter. En as joernalis, prospekteerder, grootwildjagter, matroos, hotelbestuurder, wildbewaarder en toespraakmaker het hy hom onderskei deur sy ongewone manier van doen.

Hy het nooit nodig gehad om snaaks te wees nie; hy was dit net. Met verborge agter die plesierige masker ‘n diepte waarvan min weet. Hier is bekende en minder bekende Koos-stories – nostagiese plesier vir tydgenote van hom, en ‘n aansteeklike kennismaking vir jonger lesers.

Soos Ollie Viljoen sê: “Daar is net één Koos Meyer.”

As a young girl Charlize Theron saw Darryl Hannah in Splash and she was convinced that she would make a better mermaid. Ever since, she has pursued her dream with single-minded obsession. Prize-winning author Chris Karsten traces Charlize 's meteoric rise from a smallholding in South Africa to the pantheon of stars. Personal interviews with friends and family in South Africa and extensive research flesh out the life and career of this remarkable woman. Judging from the first 33 years of her life as revealed in this part-biography, Charlize will indeed one day be able to look back on her life and say: This has been one helluva ride.

In Koemelaat vertel Milan Murray, bekende aktrise van onder meer Binnelanders, Isidingo, Transito, en huidige anker-aanbieder van Ontbytsake, haar 'ontnugtering' van ma-word en wedervaringe met ouerskap oor die algemeen. Dit is 'n titel wat pittig geskryf is en waarmee enige vrou en moeder sal kan identifiseer. Sy skryf sommer elke ma se verhaal – met 'n lag en 'n traan. Dit vertel ook van verhoudings, vriendskappe en ook oor die lewenspad van die skrywer, wat 'n welbekend figuur is.

Your health is your most valuable asset and determines your level of energy. More than longevity, it is a deciding factor in your happiness and success in all aspects of your life. This book gives women the knowledge to take charge and make informed decisions about prevention and treatment – everything your doctor would like you to know, but never has the time to tell you.

The Ultimate Guide to Women’s Health covers every aspect and every stage in a woman’s life:

• How your body changes, and best health options, at every stage from puberty through your productive years to menopause and beyond.
• Hormonal health, including all the contraception options; pregnancy, and HRT.
• Sexual wellbeing.
• Anti-ageing. Is deterioration inevitable?
• All investigations and procedures explained.
• Cosmetic surgery.

Die legendariese Wit Boesman, Peter Stark, skryf onderhoudend oor sy belewenisse in die destydse Duits-Suidwes-Afrika. Eers as plaasbestuurder en leeuvanger van formaat (wat Natuurbewaring by Etosha grys hare gegee het) en later self as natuurbewaarder, het hy ’n formidabele kennis van die veld, die San, die wild en die mense opgedoen. Hierdie kennis spreek mee in die staaltjies en verhale oor sy ervarings, opgeskryf in die gesellige trant eie aan Namibie. Peter Stark is in Duits-Suidwes-Afrika (vandag Namibie) gebore en was vir baie jare natuurbewaarder in die Okaukuejo-omgewing. As ware seun van die veld het Peter hom onderskei as onverskrokke grootwildjagter, uitnemende ruiter en spoorsnyer van formaat. Hy het in 1974 by die destydse Suid-Afrikaanse Weermag aangesluit as kommandant in die rykunsvleuel, waar hy 'n enorme bydrae gelewer het tot die opleiding van ruiters. Vandag woon op die plaas Vogelsang naby Ventersdorp.

In 21 "stories en memories" neem Bakkes bestek op van 'n lewe se wonde wat genees het. Soos feite en fiksie op mekaar inspeel, word dit die "outobiografie" van 'n kreatiewe gees, 'n vrou, 'n Suid-Afrikaner. 'n Enigste dogter verlaat met man en kinders die Nuwe Suid-Afrika. 'n Slepende siekte eis sy tol. 'n Sagte man neem wraak. Geboortegrond word afgele. Oorlewering uit die tyd van die Anglo-Boereoorlog dra 'n eeu later steeds 'n lewensles oor. Dit is 'n bundel waarvan elke deel saam met die geheel gelees wil word want elke verhaal vind weerklank in 'n ander verhaal en belig so 'n ander faset daarvan. Wat wraak nie kon genees nie, genees weerwraak elders. Een vrou verloor haar kind, 'n ander vind 'n verlore dogter terug. Op die drumpel van die dood word liefdesdrif hernieu. 'n Afgetakelde huisie word gerestoureer, soos 'n lewe.

Stiltes en stemme is ’n huldigingsboek vir een van die belangrikste Afrikaanse skrywers, Karel Schoeman. Karel Schoeman se oeuvre verdien ‘n huldiging, selfs as mens slegs na die omvang van sy lewenswerk kyk:

• 19 romans (en vier “jeugromans”);
• 52 historiografiese en biografiese boeke;
• 15 boeke is deur hom vertaal
• 9 Reisbeskrywings
• 2 outobiografiese werke
• meer as 160 historiese artikels en resensies in verskeie publikasies.
• Hy was ook die redakteur van 15 publikasies in die Vrystatia-reeks.

“Die lewensstroom vat ons na onbekende plekke. Ons kan kies watter bagasie ons met ons saamneem – dikwels is dit goed wat maar kon gebly het. Soms verborge dinge waarvan ons nie eens aktief bewus is nie. Soos die eendmossels buite sig op die boeg,” skryf Susanna Pienaar.

Susanna, ’n musikus, is ’n lewenslustige, suksesvolle vrou – ondernemend en vol waagmoed. Met die Pase vertrek sy na ‘n kunstefees. Daar, in ’n spookagtig donker kerk, begin die aanloop tot traumatiese gebeure wat haar lewe binne vier en twintig uur drasties verander. Sy word gestroop van alles wat vir haar kosbaar is – die gebruik van haar vingers en ander ledemate, haar finansiële welvaart, haar geliefde Lucas. Uiteindelik word sy gedurende haar mediese behandeling en fisieke rehabilitasie gelykgemaak met medemense wie se enigste tuiste onder bokse, onder brûe was.

Haar worsteling met haar verliese en soeke na identiteit lig die sluier oor die invloede in haar verlede, hoe dit haar lank gelede op ’n plattelandese dorpie gevorm het: die onskuld en kameraderie van kinders; die obskure doen en late van die gemeenskappie (dikwels goeie mense); haar worsteling met godsdiens in ’n huis waar die gesin uitmekaar geskeur word deur geloofsverskille tussen ouers. En ook die onnoembare ...

Die laaste noot? deur Susanna Pienaar oor haar lewenservarings staan in die teken van “Da Capo al fine” – ’n musikale aanwysing wat beteken: begin weer voor en speel tot die laaste noot ...