Ongeag hoe vernuftig jy speel, die spel van die lewe sal tot 'n einde kom. En dan … gaan alles wat jy hier gewen het, terug in die boks. Wat kan 'n mens wen wat vir altyd sal hou? Begin met die regte doelwit – om ryk by God te wees – en leef dan met ’n ewigheidsperspektief, jou oog op die "onverganklike kroon".

Ligdans is 'n titel oor depressie. Die skryfster, 'n vrolike tydksrifjoernalis, vertel hoe sy in 'n verskrikkende, donker maalkolk van depressie beland het. Met genade van Bo, 'n diep geloof, mediese hulp en haar geliefdes se bystand kon sy mettertyd egter weer met passie begin leef. Sy verweef haar eie rou maar ook hoogs inspirerende verhaal met die vertellings van 16 ander Suid-Afrikaanse depressie-vegters wie se ouderdomme, beroepe en geloofs- en lewensfilosofiee verskil, maar almal openlik erken (sommige vir die eerste keer) dat hulle teen depressie veg. Uiteindelik word hulle klopdans van wanhoop egter 'n hoopvolle dans in die lig – maar sonder dat hier oppervlakkige en onoortuigende oplossings opgedis word.

Jy as leier het dalk 'n visie, maar is dit by jou mense ingeskerp? As visie gaan om dit wat kan en moet wees, hoekom is julle nog vasgevang in dit wat is? Die skrywer glo dat dit leiers se verantwoordelikheid is om die visie by hulle mense in te skerp. Hy vertel watter drie oorsake 'n visie laat vervaag..asook op watter drie maniere jy dit kan skerp hou.

God se genade is die teenoorgestelde van die gedrag wat my gewond het. Genade is om nie weer deur God seergemaak te word nie. Genade is om erns met my seer ernstig te maak en te begin om dit te heel. Genade is om ruimte te maak waar ek dit weer kan waag om verlore dele van my menswees te ontdek. Genade is om ruimte vir my hele menswees te skep. Genade is om nie weer, soos baie in die verlede gedoen het, vir my te se ek moet anders, beter, heiliger, volmaakter, slimmer, foutloser wees nie. Ek hoef nie die hele tyd in beheer te wees nie, want ek hoef nie die hele tyd volmaak te wees nie. Ek kan maar beheer laat gaan.

Die enkele indrukwekkendste leier in die hele geskiedenis is Jesus. Tog het Hy party kernbeginsels van leierskap verbreek! Die beginsels is gewoonlik in harmonie met dit wat die Bybel ons oor dissipelskap leer. Maar wat gemaak as die influistering van die Gees nie te rym is met die sakewereld en die kenners se beproefde wyshede oor leier-wees nie?

God se genade is die teenoorgestelde van die gedrag wat my gewond het. Genade is om nie weer deur God seergemaak te word nie. Genade is om erns met my seer ernstig te maak en te begin om dit te heel. Genade is om ruimte te maak waar ek dit weer kan waag om verlore dele van my menswees te ontdek. Genade is om ruimte vir my hele menswees te skep. Genade is om nie weer, soos baie in die verlede gedoen het, vir my te se ek moet anders, beter, heiliger, volmaakter, slimmer, foutloser wees nie. Ek hoef nie die hele tyd in beheer te wees nie, want ek hoef nie die hele tyd volmaak te wees nie. Ek kan maar beheer laat gaan.

Lesers van oraloor het besonder positief gereageer op Die vriendelike God, die Bybelse dagboek wat 'n jongdominee aan sy ouers gestuur het. Daarom is 'n verdere jaar se Bybelstudies van die groepie in "Jongdominee" se studeerkamer ook in 'n titel, Die vrolike God, saamgevat. Die vrolike God volg dieselfde patroon as sy voorganger en stel dieselfde God aan lesers voor - die Here wat sy kinders in sy arms optel, wat vriendelik na hulle toe afkyk terwyl Hy hulle dra. Ons, sy kinders, kyk op na Hom en sien hoe Hy na ons toe lag. Liefdevol, troostend, want Hy het alles in sy hande. Ook vir ons – bekommerde bondeltjies vol vrae en vrese. Die vrolike God is 'n titel wat lesers dag vir dag herinner aan die God wie se kinders nie vir Hom te swaar is om te dra nie.

Die skrywer skryf wat hy oor meer as 30 jaar van die Meester self geleer het. Wat hy geskryf het, het hy geleef al was dit nie altyd maklik nie. Ons leef in 'n tyd waarin die evangelie van Jesus goedkoop geword het. Tog kies hierdie skrywer kragdadig om te verkondig dat Jesus die weg, die waarheid en die Lewe is. In kies die kruis verwoord die skrywer die essensie van Christenwees vir elke Christen wat soek na 'n dieper verhouding met God, verlig hy die boodskap van die kruis en hoe ons dit in die praktyk moet leef, voordat ons dit vir die wereld vertel, en moedig hy lesers aan om die radikale besluit te neem om Jesus te volg. Wanneer jy daagliks kies om Jesus te volg, verander jou hele lewe. Wanneer jy die kruis van Jesus, die essensie van Christen- wees en selfverloening verstaan, sal jy in krag, outoriteit en geestelike insig groei.

Die skrywer weet, soms maak God nie vir ons sin nie en is Hy anders as wat ons gedink het. As Christene volg ons die Here Jesus en niemand anders nie. Dikwels loop Hy egter op paaie wat ons nie verstaan nie, 'n ander onbekende pad. Dit is dan dat ons baie vrae het en na antwoorde soek. In volg die gekruisigde gee die skrywer sy kantaantekeninge oor sy pad saam met God, vertel hy van die paaie wat die Here met ander volgelinge van Hom geloop het, en gee hy die antwoorde wat hom en ander gehelp het om nie om te draai nie, maar om aan te hou om die Gekruisigde te volg. Wanneer jy Jesus ontmoet het, het jy aan die einde van 'n reis gekom en begin 'n tweede, opwindende pad saam met Hom.

Die meeste mense weet dat hulle gesonder behoort te leef, maar min mense kry dit reg om die gesindheid, dissipline en volharding te kweek wat nodig is vir ’n gesonde leefstyl. In Lyk goed, voel fantasties! bied die skrywer twaalf sleutels wat mense sal help om blywende veranderings te maak aan die manier waarop hulle oor hul liggame dink, voel en optree. Eerder as om te soek na kitsoplossings, fokus Lyk goed, voel fantasties! op beginsels soos die volgende: Vertrou sake wat jou kwel aan God toe; herprogrammeer jouself om van jou liggaam te hou; erken die verband tussen geestelike, psigiese en fisiese welstand; aanvaar verantwoordelikheid vir jou gesondheid, en speel klaar met ’n ongesonde leefstyl. Die Bybel bied al die riglyne wat nodig is om ons verstandelike, liggaamlike, emosionele en geestelike welsyn te verseker. Lyk goed, voel fantasties! bied praktiese maniere waarop elkeen hierdie riglyne kan toepas en optimale gesondheid kan geniet.

Vir almal wat treur oor 'n geliefde se dood is daar oortuigende troos in hierdie insiggewende en Bybels begronde boek - Ons troos is: "dat God saam met Jesus die ontslapenes wat in Hom geglo het, na Hom toe sal neem" (1 Tess 4:13-14 ). Na hulle dood is ons geliefdes by God; en ons sal hulle weer sien. Die titel bied enersyds 'n oorsig oor wat Christene oor die lewe ná die dood kan glo, en dit ontmasker allerlei dwaalleringe oor hierdie kwessie.