Drie van Ena se gunstelingverhale in haar laaste omnibus: In Sonneblomstraat 7 bied 'n sopkombuis se bedrywighede vir Wanya 'n veilige hawe, maar alles verander wanneer haar man uit die tronk vrygelaat word. In Die uurglas loop leeg word Karien se man ernstig beseer en vind sy dat sy hunker na nie net een nie, maar twéé dokters. En in Die dae van ons nietigheid is Lizl en Willem, twee mediese topstudente, voortdurend in wedywering met mekaar. En die liefde hou nie van kompetisie nie . . .

Ignatius Smit sterf by geboorte op Woensdag, 3 Maart 1982 op Katima Mulilo in Namibie se Kaprivistrook. Omdat Ignatius se ouers die sendingpaar is, word hy begrawe op 'n afgelee plek in 'n bos, naby die graf van magistraat Trollop wat aan koors in Barotsiland gesterf het.

Sy ma sukkel om sy dood te verwerk, omdat sy as geestelike leier verantwoordelik voel vir die vertroosting van die dorpsmense, wat net so platgeslaan is deur sy onverwagte dood. Jare later haal sy onverwekte dood haar in. Hierdie is haar, Leonette, se verhaal. Dis 'n verhaal van verlies en die verwerking daarvan, wat grootliks afspeel binne die militêre milieu - waarvan grenslewe 'n groot komponent is.

Baie jare later kry sy vertroosting deur berading en musiekterapie van 'n orrelsimfonie van Saint-Saens. Dit gee vir haar 'n visualisering van Ignatius se lewe na die dood. So kry sy volkome bevryding vir haar pynlike smart.

Blywende woorde is 'n dagstukkieboek met 90 oordenkings wat gebaseer is op aanhalings deur bekende vroue soos Elize Parker, Helene de Kock, Christine Ferreira, Marzanne Leroux-van der Boon en Milanie Vosloo. Vroue sal bemoedig word deur die woorde van hierdie besonderse vroue wie se lewens getuig van hul Christenskap. Geinspireer deur vroue se geloof en hul verhouding met Christus.

In die 1980's verrys 'n vreemde struktuur in Mamelodi, 'n township by Pretoria. Die township-mense skud die kop en doop dit "Smith se Pampoenhuis". Dr. Nico Smith en sy vrou, Ellen, verruil hulle twaalfvertrekhuis in "wit" Stellenbosch vir die viervertrekpondokkie midde-in die woonplek van duisende swart mense – sekerlik die enigste wit Afrikaanse mense wat in daardie jare van opstand en ellende so iets sou waag. In Die dood van die God van my vaders vertel Smith, eertydse professor aan die NG Kerk se Kweekskool op Stellenbosch, die verhaal van sy vereenselwiging met sy gemeentelede in Mamelodi, maar dis nie net Smith se storie nie. Die titel is bowenal die verhaal van die gewone swart mense wat onder apartheid die "ellendiges van die aarde" geword het. Dit was die tyd toe meer as duisend wette elke aspek van hulle kom en gaan beheer het. Dit was ook die tyd van die struggle, wat onafwendbaar op bevryding moes uitloop. Die verhaal word met deernis en insig vertel, soms selfs met humor, en immer met ontsetting. Maar Smith onderneem meer as net 'n fisieke reis van Stellenbosch na Mamelodi. Daar in die township, waar mense onder die haglikste omstandighede hom verseker "Die Here hy is", begin hy indringende vrae vra oor die God wat in die kerk van sy vaders aan hom voorgehou is. Wanneer die God vir hom "sterf", ontwikkel hy 'n gans ander godsbeskouing as die van die konvensionele en dogmatiese gereformeerde leer. Hier is nietemin geen sprake van 'n "God-is-dood-teologie" nie. Smith het net God anders leer ken, en daaroor skryf hy uitvoerig en met oortuiging.

Die verhouding tussen pa en seun is iets besonders. 'n Pa het 'n besondere verantwoordelikheid om voortdurend die vaardigheid aan hulle seuns oor te dra om mans met integriteit te word. Dit het nie soseer te doen met watter soort ouer jy is nie, maar met watter soort mens jy is. In hierdie titel wys Rick Johnson hoe jy met jou seun oor belangrike sake kan gesels, hoe jy 'n vertrouensverhouding met hom kan skep en die tien algemeenste foute van pa's kan vermy. Hierdie titel sal jou help om die soort pa te wees wat God jou bedoel het om te wees – en so kan jou seun ontwikkel in die man waarop jy trots sal wees.

Wil jy die lewe geniet en elke dag met oorgawe leef? Elke vrou kom soms tot stilstand en besef dat sy balans in haar lewe moet bring te midde van al die eise wat aan haar gestel word. Hierdie skrywer het die kuns van balans in haar besige lewe bemeester. Met hierdie oudioboek vertel sy eerlik uit haar eie lewe, gee praktiese raad en deel waarhede uit God se Woord sodat jy kan uitstyg bo die harwar van jou besige dag. Gee my vlerke se 12 temas sal jou weer bewus maak van God se plan vir jou lewe. Al wat jy hoef te doen, is om hierdie CD te luister terwyl jy in jou motor ry of op die rekenaar besig is en jou oop te stel vir God. Hy wil jou graag deur hierdie oudioboek ontmoet!

Daar is talle titels oor die Ons Vader-gebed, maar dit kan ook nie anders nie, want die eeue oue gebed is inderdaad 'n onuitputlike bron van beloftes en hoop wat ons kan help om 'n troostelose wereld deur middel van gebed in 'n nuwe lig te sien. In hierdie titel word veel, veel dieper gedelf as die gewone voor die hand liggende verklaring van die sewe bedes van Jesus se gebed. Met sy uitleg van die dieper betekenis van die bekende frases het Thielicke destyds sy verskrikte, hooplose gemeente gehelp om – verseker van die troosryke teenwoordigheid van Hom tot wie ons bid – voort te gaan met die lewe. Wie die boek lees, sal dieselfde kan doen.

In Jesus se tyd het groot getalle mense van oraloor gestroom om te gaan luister na die Man wat kon genees, en wat stories vertel het oor 'n wonderlike nuwe kwaliteit van lewe wat hy "die koninkryk" genoem het. Twintig eeue later het hulle weer in hulle duisende gaan luister na 'n man wat Jesus se gelykenisse so uitgele het dat dit hoop kon gee vir verslae, siniese en ontnugterde mense in 'n bomverwoeste stad. Met hierdie titel het ook jy nou die geleentheid om na die "prente" te kyk wat Jesus geskets het van hoe mense se lewe ten diepste lyk, en van die aanvaardende liefde en nuwe lewe wat Hy aanbied.

In die boek wat ’n ‘nuwe paradigma vir kerkwees geskep het’, gee Rick Warren ’n volledige oorsig van hoe die kerk sy rol in die moderne samelewing moet vol staan.

Deur te kyk na die kerk se vyf Nuwe Testamentiese doelwitte, vang hy die essensie van die hedendaagse kerk se taak vas en wys hy watter vrug groei ten opsigte van die vyf doelwitte meebring: gemeensaamheid bring warmte; dissipelskap bring diepte; aanbidding bring krag; bediening bring invloed, en evangelisasie bring groei.

Hierdie bekroonde boek verskaf al die Bybelse beginsels, strategieë en praktiese wenke om blakend gesonde, blywend groeiende kerke tot stand te bring. Dit verskuif die fokus van gemeentebouprogramme na die opbou van lidmate sodat kerke doelgerig hul doelwitte kan verwesenlik.

'n Mens sou kon se dat daar vandag 'n soort "stille krisis" in kerk geledere sluimer. Te midde van indringende bevraagtekening van bybelwaarhede is die gewone kerklidmaat op homself aangewese om antwoorde te soek. Dit is in die lig dat hierdie werk van die skrywer gesien moet word. Hierdie titel is van aktuele belang en kan aanbeveel word by almal wat na die waarheid soek.