'n Goddelike uitwisseling: Vanaf 'n tronk van seksuele misbruik en perversie, gebrokenheid, bitterheid en depressie, na 'n nuwe lewe van vryheid, intieme onvoorwaardelike liefde, vreugde, ware identiteit en 'n doelbewuste bestemming. Die doel van hierdie boek is om uit te lig dat enige iets vir God moontlik is. Hy is die Ware Geneesheer van liggaam, siel en gees. Sal jy God as Geneesheer toegang gee to die geheime kamers van jou hart, sodat Hy die leuens en wonde kan verwyder met Sy skalpel (die Waarheid van Sy Woord) en jy jouself derhalwe uitlewer aan Sy onvoorwaardelike, volhoudende liefde?" Ontdek 'n liefde wat onbeskryflik is

Dié boek poog om jou te bemagtig om weer op jou eie bene te staan nadat jy verlies ervaar het. Dit wil hulp bied om deur verlies God weer te leer ken sodat ’n nuwe storie van liefde in jou lewe geskryf kan word.

"Wat my en my familie betref, ons sal die Here dien." Duet is 'n dagstukkieboek vir egpare om saam in hulle stiltetyd te lees. Johan en Christine Ferreira neem die leser op 'n reis reg deur die jaar, 'n reis nader aan God, maar ook nader aan mekaar. Hulle help om lewensmaats ook geloofmaats te maak. Johan is ’n voorligtingsielkundige in privaatpraktyk en Christine is die redakteur van Leef.

Mense het vrae.

Die Bybel het antwoorde.

Min dinge in die lewe is maklik en eenvoudig. Ook vir gelowiges is die wêreld kompleks en moeilik. Selfs die Bybel is nie altyd maklik om te verstaan nie!

Al die ernstige vrae wat in mense se harte leef, verdien eerlike, reguit en goed deurdagte antwoorde. En dis wat jy in hierdie boek sal kry.

In Die groot boek met Bybelse antwoorde praat 140 leraars oor sake wat soms ontstellend is en ander kere interessant en lewensverrykend. Hulle torring verwarrende vraagstukke netjies los en gee aanwysings hoe om self by antwoorde te kom wat in jou unieke omstandighede kan werk.

Die skrywers ken die vrae wat die meeste deur gelowiges en ongelowiges gevra word. Hulle ken die Bybel en hoe om dit as bron van antwoorde te gebruik. Geen kitsreseppies of towerformules nie, maar wel inspirasie en riglyne om jou eie oplossings te vind vir vrae soos:

- Hoekom moet ek vir my gemeente geld gee en hoeveel is genoeg?

- Hoe moet ek dit regkry om my vyande lief te hê?

- Is dit oukei as mense nie in die kerk trou nie?

- Help dit enigsins om goeie dinge te doen in die slegte wêreld?

Die gebede is geinspireer deur die Heilige Gees en bevestig deur die woord van God (Die Bybel). Die gebede is saamgestel uit 4 hoof kern vers gedeeltes uit die Bybel. Geskrifte soos. "U woord is lewe vir die wat dit vind en genesing vir my hele liggaam." Alle behoeftes van die Kind van God word gedek in die gebede. Genesing, voorsorg teen siektes en beserings, beskerming, bevryding van binding en vloek, voorsiening van behoeftes, vryheid van probleme, vertroosting en self krag opbouing.

In Gereformeerdes onder die Suiderkruis gaan dit om flitspunte uit die geskiedenis van vier Afrikaanse Gereformeerde kerke in Suid-Afrika, asook oor die invloed van Gereformeerdwees op hierdie kerke en deur die kerke op die samelewing. Daarom val die klem hier op die mees invloedryke kerke wat hulself met Gereformeerde waarhede vereenselwig het. As gevolg van die houding en benadering van die betrokke politieke owerhede vanaf 1652 tot 2011 maak Gereformeerde kerke onder Afrikaanssprekendes en Afrikaners hier die hooffigure uit. In hierdie proses vorm die Nederduitse Gereformeerde Kerk (NGK) die sleutelfiguur. Die skrywer is ook persoonlik ’n getuie daarvan dat die regerende ANC in die jare 1994-2011 die NGK as ’n hoofvennoot vir gesprek uitgesonder het waar dit oor die party se kontak met die Afrikaanse Gereformeerde kerke in Suid-Afrika gaan. In Protestantse en Rooms-Katolieke kringe is en word die NGK uitgesonder as ’n noodsaaklike gespreksgenoot – dit was die skrywer se ervaring as moderator van die NGK (2007-2011). Hoewel die tema van kerk en samelewing ’n belangrike een in hierdie studie is, kry kernelemente in die Gereformeerdwees van die betrokke kerke ook aandag. Dit sluit in belydenis- en leerstellige benaderings, Gereformeerde karakter, onderlinge verhoudinge en ekumene en, waar van toepassing, jonger kerke of kerklike familie. As sentrale fokuspunt gaan dit om ’n greep op die sentrale aspekte van hierdie kerke in hulle kerkwees onder die Suiderkruis in Suidelike Afrika.

Riekert Botha neem lesers in Ek is tot alles in staat deur die vreugde-brief Filippense en daag elkeen uit om die ware betekenis van die bekende boek te ontdek. Die bekende skrywer en radiopersoonlikheid breek Filippense in 10 studies op om te sien wat hierdie boek vir elkeen individueel, asook in die groter prentjie van die boek wil se. Eerstens word daar gekyk vir wie die boek oorspronklik geskryf is en wat die boodskap vir hulle was. Dan kan die leser uitvind wat hierdie boek vir hom of haar persoonlik se. Ons omstandighede is vandag anders as die eerste lesers van die brief s’n, maar God se boodskap bly dieselfde deur al die eeue heen. Groot gedeeltes Bybelteks uit die NLV in Ek is tot alles in staat sorg ook vir maklike naslaan.

In hierdie boek spel die skrywer die noodsaaklikheid van gebed uit. Hy skryf oor die voordele en krag en die positiewe uitwerking op die persoon wat gereeld en getrou gebede uit die Bybel bid. Arthur gee aan die leser ook goeie wenke oor hoe om hierdie gebede prakties uit te voer en te verpersoonlik en hoe om seen oor ander uit te spreek. Die boek sluit 27 gebedsonderwerpe in wat volgens behoeftes gerangskik is.

Die Bybel – Afrikaanse Standaard Vertaling en Nuwe Lewende Vertaling (Parallel Nuwe Testament) bied lesers die geleentheid om te sien hoe die teks van die Afrikaanse Standaard Vertaling (ASV), ’n direkte verta­ling, verskil van die Nuwe Lewende Vertaling (NLV), wat ’n dinamies-ekwivalente vertaling is. Die ASV het sy oorsprong uit die Direkte Vertaling soos dit in die Interliniere Bybel verskyn het, maar is hersien om gemakliker te lees, sonder om van die ver­taalfilosofie van ? direkte vertaling af te wyk. Die teks van beide die ASV en die NLV se Nuwe Testament verskyn parallel langs mekaar sodat die Bybelteks maklik vergelyk kan word. Die ASV, as direkte vertaling, probeer so getrou moont­lik aan die bronteks bly deur byvoorbeeld die lang sins­konstruksies, so ken­merkend van Grieks, te behou, asook lengtemate en inhoudsmate (soos vaam, sata en el) en geldstukke (soos stater en mina), wat in voetnote verduidelik word. Die Bybel – Afrikaanse Standaard Vertaling en Nuwe Lewende Vertaling (Parallel Nuwe Testament) bied aan lesers ? unieke en verrykende Bybellees-ervaring wat die wese en waarde van beide vertalings duidelik maak.

Die Bybelverse in hierdie boek sal jou elke dag, 'n hele jaar lank, herinner aan al die wonderlike dinge wat God vir jou beplan. Dit is so gesond vir jou gees soos 'n daaglikse vitamienpil vir jou liggaam! Elke vers sal jou geloof versterk en jou meer hoop vir jou lewe gee. Dis die mees positiewe manier om jou dag mee te begin (of eindig), kort en maklik om te onthou. Elke vers word deur een woord tematies saamgevat. Hierdie temas is alfabeties gerangskik sodat jy vinnig 'n antwoord uit die Skrif kan naslaan volgens jou behoefte. Of jy kan die boekie na willekeur oopmaak en vertrou dat die spesifieke bladsy 'n hemelse boodskap net vir jou bevat. God wil vir vroue se dat geluk by Hom begin. Maak die waarheid deel van jou sisteem – soos om 'n vitamienpil in te sluk. Dit sal jou troos en bly maak, sodat jy enigiets wat oor jou pad kom, sal kan hanteer.

God se droom vir jou lewe sal hoop bring vir elke vrou wat wonder of haar lewe ooit kan verander, of sy ooit kan verander. In hierdie boek deel Stasi Eldredge haar eie worsteling met eiewaarde, gewig en haar verlede soos sy vir lesers wys hoe God onthul wie ons werklik is. Stasi moedig vroue aan om hul gedagtes oor hulself uit die verlede neer te le en God se drome vir hulle aan te gryp. Ons kan onsself nie genees nie. Ons kan nie uit onsself ons ware self word nie. Maar ons is nie aan onsself oorgelaat nie – God wil elke vrou genees. God se droom vir jou lewe is elke vrou se reisgenoot op die belangrikste reis wat sy kan onderneem – die reis om haar ware self te word deur God se liefde. Die vrou wat God haar geskep het om te wees.

Toe die topverkoperskrywer Joyce Meyer die woorde ‘God is nie kwaad vir jou nie’ op Facebook geskryf het, het sy sekerlik nie verwag dat dit soveel reaksie van dankbaarheid en verligting sou ontlok nie. As daar een ding is wat mense broodnodig het om te hoor, is dit die volgende: God is lief vir jou. Hierdie onderwerp vorm die grondslag vir haar nuwe boek God is nie kwaad vir jou nie, waarin sy dieper delf in ’n kwessie waarmee baie Christene worstel – hoe versoen mens die idee van God as ’n liefdevolle ouer en ’n streng regter? God is nie kwaad vir jou nie sal diegene wat nog nie waarlik God se liefde ervaar het nie omdat hulle bang is vir sy woede en verwerping, help. Joyce verken die oorsprong van hierdie verwarring, sodat God se liefde op ’n nuwe vlak beleef kan word. Onderwerpe sluit in: Perfeksionisme en goedkeuring; Die pyn van verwerping; Skuldgevoelens en skaamte; Om jou potensiaal te ontwikkel; Hardloop na God toe, nie weg van Hom af nie; Raak gemaklik met God. ‘Glo dat God jou liefhet en dat Hy gereed is om jou genadig te wees en volkome te vergewe. Glo dat God ’n plan vir jou lewe het. Glo dat God nie vir jou kwaad is nie!’

Ons kry dikwels onwetend ’n gereelde dosis geestelike gifstowwe in wat ’n bedreiging is vir ons verhouding met God. Craig Groeschel wil hê elke gelowige moet leer om NEE te sê vir die dinge wat hul siel vergiftig. In Detoks vir die siel kyk Craig na die gifstowwe waarmee mense daagliks te doen kry. Hierdie dinge is ’n bedreiging vir hul gesondheid, geloof en getuienis teenoor ander. Die boek is in drie afdelings verdeel en bespreek toksiese optrede, toksiese emosies en toksiese invloede. Craig behandel relevante onderwerpe soos: om eerlik te wees met jouself; griewe, woede en vrese; die vals beloftes van materialisme en kulturele gifstowwe. Detoks vir die siel bied ’n geestelike ingryping wat lesers sal lei tot ’n ryk en oorvloedige lewe in Christus.

'n Mens vra so maklik: “Waar is God?” Veral wanneer jy seer het, of bang of paniekerig voel ... En dikwels besef mense eers agterna: “Maar God was regtig daar!” God was daar ... is saamgestel deur bekende TV- en radio-persoonlikheid Benescke Janse van Rensburg. In hierdie inspirerende boek sal lesers hoendervleis kry wanneer hulle die meer as 80 verhale lees. Bekendes en ander mense in Suid-Afrika vertel van daardie aangrypende oomblikke wat hulle lewens verander het. God was daar ... vertel die geloofsverhale van bekende Suid-Afrikaners uit TV-, sang- en sportkringe insluitend Michael Mol, Andries Enslin, Juanita du Plessis, Sorina Erasmus, Retah McPherson, Retief Burger, Jannie du Plessis en Allister Coetzee. God was daar ... sal elke leser laat besef dat God juis daar is wanneer hulle Hom die nodigste het.

Die meeste mense sukkel om daagliks tyd saam met God in gebed deur te bring. Bekende skrywer en evangelis Angus Buchan wil he mense moet bewus bly daarvan dat stiltetyd saam met God een van die sleutels bly tot ’n dieper verhouding met die Skepper. Gesprekke met God bevat 40 gebede, elk met spesiaal-uitgesoekte teksverse en ’n kerngedagte deur Angus. Van die temas sluit in: vertrou op God, keer terug na jou eerste liefde, berou, die belangrikheid van gebed en die noodsaaklikheid van familietyd. In Gesprekke met God sal lesers bemoediging vind om sake van ewigheidswaarde in hul lewe te prioritiseer en vas te staan in die geloof met hul oe op Jesus Christus.

As God ’n kind voor jou laat staan, selfs al is dit net vir ’n minuut, is dit ’n Goddelike afspraak. Dit is wat dr. Wess Stafford, president van Compassion International, glo. In Een minuut deel die skrywer sy eie en ander se stories en ervarings om te wys watter verskil elke leser kan maak ten opsigte van ’n kind se ontwikkeling. Elkeen van die ses afdelings fokus op dit wat lesers in net een oomblik vir ’n kind kan doen. ’n Oomblik om ... te red; eiewaarde op te bou; karakter te vorm; talent te ontdek; die gees te laat ontwikkel; ’n roepingsbesef te kweek. Soms neem dit ’n enkele oomblik om ’n lewensveranderende verskil in ’n kind se lewe te maak ... ’n drukkie, ’n kompliment, opregte applous. Jy hoef nie ’n onderwyser, ouer, leraar of ’n dokter te wees om ’n verskil in ’n kind se lewe te maak nie. Jy moet net bereid wees!

Soveel mense probeer God in 'n boksie plaas van wie hulle dink Hy moet wees. In Die God wat ek leer ken het bied Arnold Mol sy insigte en interessante perspektiewe op die God van die Bybel. Elke hoofstuk in Die God wat ek leer ken het kyk na 'n spesifieke onderwerp, onder meer: God se soewereiniteit; sy genade; sy Vaderskap; sy heerlikheid. Die skrywer lig spesifieke verse uit die Bybel uit waarvolgens hy sy geloof en pad saam met God gerig het en wys so vir lesers hoe hulle ook hierdie bemoediging uit die Bybel kan ontdek. Die boek is ook deurweef met persoonlike getuienisse en praktiese verhale wat die heerlikheid van God openbaar. Die God wat ek leer ken het is 'n getuienis van die dinge oor God wat die outeur ontdek het deur sy geestelike ervaring en hoe dit deel kan word van elke gelowige se reis.

Hoe kan 'n liefdevolle God mense hel toe laat gaan? Sal mense die geleentheid he om na hulle dood in Jesus te glo en hemel toe te gaan? Met respek vir God se Woord kyk Francis Chan en Preston Sprinkle na die diepste vrae wat mense het oor die ewigheid. Hulle het ook al dieselfde vrae gevra. En net soos ander mense wil hulle ook soms nie in die hel glo nie. Maar hulle beklemtoon: "Ons kan nie bekostig om verkeerd te wees oor die saak nie." Die ewigheid ... hemel of hel? Is nie 'n boek wat se wat mense oor die saak dink nie. Dit gaan oor wat God se. Dit gaan nie oor onpersoonlike teologiese kwessies en argumente om reg te wees nie, maar oor die karakter van God. Die boek word afgerond met 'n bespreking van sewe vrae wat dikwels gevra word. In Die ewigheid ... hemel of hel? Sal lesers saam met die skrywers die waarheid ontdek en ook die moed om dit uit te leef.

Dit maak nie saak of jou huwelik op pad na 'n oorwinning is, in ernstige moeilikheid is of selfs net 'n halftyd-motiveringspraatjie nodig het nie. Jy sal baie goeie raad in Gelukkige maat, gelukkige huwelik kry om 'n sterk en suksesvolle huwelik te bou. Pat en Ruth Williams baseer die boek op die volgende beginsels: seen jou huweliksmaat; bou mekaar op; deel jou ware self; raak jou maat aan in liggaam en gees. Pat en Ruth moedig mans aan om die beste leiers, minnaars en luisteraars te wees en bemagtig vroue om die beste vennote en spelers in 'n wen-verhouding te wees. Tesame met die vrae vir oordenking sal die boek paartjies help om vas te byt ten spyte van die lewe se uitdagings. Gelukkige maat, gelukkige huwelik beklemtoon die noodsaaklikheid daarvan om 'n Christus-gesentreerde huwelik te ontwikkel en daarmee vol te hou.