Die 366 bemoedigende oordenkings uit die pen van Angus Buchan sal jou elke dag bewus maak van God se grenslose genade.

Ontdek en beleef God se grenslose genade in Angus Buchan se dagboek Genadejaar. In 366 bemoedigende oordenkings nooi hy lesers uit om elke dag tot God te nader en sy almagtige hand in hulle lewe te sien werk en die gratis geskenk van sy genade te ontvang.

Hierdie grootdruk-dagboek sal lesers inspireer om te groei in ’n lewe van toewyding en vertroue op God.

Ook beskikbaar in Engels onder titel A Year of Grace.

Die John C. Maxwell Dagbeplanner is Suid-Afrika se gewildste sakedagboek. Die 2020-reeks spog weer eens met die gewilde ritssluiter-uitgawe in luukse leer. Dit kombineer stylvolle dog funksionele uitleg en elegante ontwerp met inspirerende inhoud uit Maxwell se topverkoperboek Beproefde beginsels vir leiers. Kenmerke sluit in:

• Inspirerende aanhalings vir elke dag

• Motiverende maandelikse oordenkings

• Openbare vakansiedae, skoolkwartale en kontakbesonderhede vir universiteite

• ’n Bladsy per dag (07:00 tot 19:00 en plek vir ná werktyd)

• ’n Jaarbeplanner, elke maand en week in oënskou en kalenders

• Plek vir finansiële aanwysers

• Logboek om brandstof en afstand op te teken

• Ritssluiter.

Word in 24 studies geinspireer om ’n dieper lewe van geestelike vervulling en oorvloedige seen te ervaar. Ons lewe is soos ’n huis met baie vensters, en net soos ons deur die vensters kan uitkyk na buite, kan mense deur die vensters in ons lewens inkyk. Dit is die beeld wat Lizette Murray gebruik in Stilword by God – ’n Bybelstudie. In hierdie Bybelstudie fokus sy op vier vensters wat verskillende aspekte van ’n mens se lewe verteenwoordig: 1. Die venster op rus – rus, troos en bemoediging by God; 2. Die venster op vrug en vrede – dienswerk; 3. Die venster op leef en liefhe – naasteliefde; 4. Die venster na die straatkant – waar ons lewe ons verhouding met God weerspieel. Hierdie Bybelstudie bied in elkeen van die 24 studies vrae waaroor jy kan nadink of met ander bespreek om die beginsels in die boek ’n werklikheid in jou daaglikse lewe te maak. Dit sal jou ook lei tot geestelike groei en insig in jou eie psige. Stilword by God – ’n Bybelstudie sal jou inspireer om elke dag meer Christus-gelykvormig te leef en ’n dieper lewe van geestelike vervulling en oorvloedige seen te ervaar.

Die ondersoek na die verdwyning van ’n speurder en sy gesin lei tot ’n verrassende ontdekking.

Evie Blackwell geniet haar werk in die Illinois-staatpolisiediens. Sy is ’n bekwame speurder en werk haar pad stadig boontoe. Sy sal graag haar trouman wil ont­moet, maar kan haar nie voorstel hoe ’n huwelik gaan werk nie, gegewe die eise wat haar werk stel.

Buiteblad binnekort beskikbaar Gabriel Thane het in Carin County grootgeword en sy pa as polisiehoof opgevolg. Gabe is daaraan toegewy om die reg te handhaaf en die inwoners van sy dorp veilig te hou. Hy sal ook graag ’n lewensmaat wil ontmoet en ʼn huwelik wil hê soos sy ouers s’n.

Evie daag in Carin, Illinois, op om aanvoorwerk te doen vir ’n taakspan wat gaan fokus op ou onopgeloste sake in die staat. Sy moet nou saamwerk met Gabe se depar­tement aan ’n klompie kommerwekkende sake oor vermiste persone. Terwyl sy ou bewysstukke bestudeer op soek na nuwe leidrade, maak sy ʼn verrassende ontdekking. Evie besef dadelik Gabriel Thane en sy familie is op die een of ander manier die sleutel tot die antwoorde waarna sy soek.

Geheime van gister is die opwindende nuwe spannings­verhaal uit die pen van Dee Henderson.

366 temas ondersteun deur teksverse en ’n unieke kerngedagte om gelowige meisies te bemoedig.

Die Sakpas-Bybel-reeks is bedoel vir almal, ongeag waar jy jou in jou geloofreis bevind. Dit roer onder­werpe aan wat alle gelowiges raak, van versekering van ver­lossing tot ’n geesdriftige lewe vir God.

Elk van die 366 temas word ondersteun met verskeie teksverse en ’n unieke kerngedagte. Die Sakpas-Bybel-reeks bestaan uit vier uitgawes spesiaal vir mans, vroue, meisies en jong mans. Die kerngedagtes is ge­skryf deur Stephan Joubert (mans), Norma Rossouw (vroue) en Johan Smith (meisies en seuns). Agter in die Bybel is daar ook ’n tematiese indeks ingesluit wat dit maklik maak om temas soos aanvaarding, besluitne­ming, geloof en doel op te spoor.

Die Sakpas-Bybel is die ideale Bybel vir enige om­standighede, of jy nou reis of dit op jou bedtafeltjie hou, en vir elke lewensseisoen.

Ook beskikbaar in Engels onder die titel The Pocket Bible Devotional for Girls

365 kragtige oordenkings vir elke man wat God se stem wil gehoorsaam en ’n impak wil maak in die koninkryk.

Mans moet die geestelike leiers en rolmodelle in ons samelewing wees. As hulle die rol aanvaar wat God vir hulle gegee het, sal God hulle gebruik om sy koninkryk in krag en heerlikheid te laat kom.

Manne van die Woord is 365 kragtige oordenkings spesiaal gerig op mans. Hierdie dagboek is ’n praktiese handleiding in Christenwees, met bydraes deur ongeveer 50 medewerkers wat almal self die veelvoudige uitdagings ervaar waarmee mans vandag gekonfronteer word. Die bydraes deur Jannie Pelser, Annes Nel, Henk Gous, Graham Power, Adrio König, Neville Norden, Johan Rademeyer, Adriaan Vlok, André Bester en nog vele meer sal mans inspireer en toerus om ’n verskil te maak in die interessante en uitdagende wêreld waarin ons leef.

Manne van die Woord daag mans uit om die lewe saam met God te waag en sy wonderlike plan vir hulle lewe te ontdek.

52 studies oor die betekenis van God se Name en titels. Die Name van God is ’n unieke 52 week-Bybelstudie wat fokus op die Name van God en Jesus. Deur die verskille in Name soos Adonai, El Shaddai, Abba, Jesus, Lam van God en Prins van Vrede te ondersoek, sal jy ’n God ontmoet wat volkome heilig, kragtig, genadig en liefdevol is. Elke week se studie bevat: Agtergrond-inligting om jou te help om die spesifieke Naam te verstaan; ’n Kerngedeelte uit die Bybel waarin die Naam die eerste keer of die betekenisvolste gebruik word; Besprekingsvrae vir individue of kleingroepe; ’n Lys Bybelgedeeltes vir verdere nadenke. Die Name van God bevat addisionele vrae vir nadenke en verdere studie. In hierdie Bybelstudie sal individue of kleingroepe die belangrikste van God se Name verken soos dit in die Bybel openbaar word. Daar is ook ’n handige gids wat help met die uitspraak van die Name van God in antieke Hebreeus en Koine Grieks.

’n 7-week-aksieplan om oorwinning te behaal in die geestelike stryd. Daar woed elke dag, die hele dag lank, ’n onsigbare oorlog om vroue. Dit kan nie gesien of gehoor word nie, maar dit kan in elke aspek van ’n mens se lewe gevoel word. ’n Toegewyde, bose vyand wil chaos veroorsaak in alles wat vir ’n vrou saak maak: haar hart, gedagtes, huwelik, kinders, verhoudings, drome en toekoms. Maar sy oorlogsplan behels dat hy haar onverhoeds en ongewapen moet vang. In die Bybelstudie Die wapenrusting van God, deur New York Times-topverkoperouteur en motiveringspreker Priscilla Shirer, word vroue met behulp van Skrifstudie en besprekingsvrae toegerus met die wapenrusting van God, waarvan gebed die belangrikste is. Die wapenrusting van God is meer as net ’n Bybelse beskrywing van ’n gelowige se wapenrusting; dit is ’n 7-week-aksieplan om oorwinning te behaal in die geestelike stryd. Ook beskikbaar in Engels onder die titel Armor of God.

Die verhaal van Israel se enigste vroulike rigter, Debora.

Debora is ’n uitgesproke en onverskrokke vrou. Sy glo in God, maar sukkel om die potensiaal in haar eie lewe te sien. As Israelitiese vrou sal sy trou en kinders hê, en haar kinders van Adonai leer – en dit is meer as genoeg om haar dae vol te maak.

Maar God het ’n ander plan vir haar. Vir byna 20 jaar al leef Israel onder die so te sê konstante vrees vir die Ka­naänitiese leër. En nou roep God vir Debora om haar volk van hierdie verdrukking te bevry. Sal haar geliefdes dit verstaan? Sal mense glo dat God haar geroep het? En kan die bedreiging wat Kanaän inhou, gestop word?

Met haar kenmerkende onberispelike navorsing en verbeeldingryke vertelkuns skets Jill Eileen Smith in Debora, die profetes die storie van Israel se magtigste vroulike rigter in ’n roman wat sowel boeiend as inspirerend is.

Jesus se Bergrede is een van die bekendste gedeeltes in die Bybel en een van die aangrypendste preke wat die wereld nog gehoor het, en tog word dit soms verkeerd verstaan. Gerekende teoloog Adrio Konig ruim enige misverstand uit die weg, want die Bergrede gaan nie net oor seen en straf nie, maar bevat in wese die bloudruk vir ’n geseende lewe. Hy wys ook hoe dit verband hou met die Ou Testament en deel verder ’n paar ander verrassings met die leser. In Die Bergrede vat Adrio Konig die inhoud van die Bergrede (Matteus 5-7) kernagtig saam, maar bespreek ook die onderafdelings van die Bergrede in detail. Hy verduidelik op ’n praktiese manier hoe hierdie lewensreels vandag nog nuttig is vir gelowiges en gee selfs vrae vir nadenke. Die Bergrede sal nie net jou verstaan van die betekenis van die Bergrede verander nie, maar dit sal jou ook verander.

Ervaar die wonderwerkende krag van God deur gebed.

Ons sien die verval rondom ons: Kerke loop leeg, mense raak afvallig, wêreldse standaarde verdring al hoe meer Christelike standaarde en beginsels, ekstremistiese godsdiensgroepe word ’n al hoe groter bedreiging. Ons sit hande in die hare en weet nie wat om te doen nie.

In Gebed wat berge beweeg verduidelik Bennie Mostert dat dít die antwoord is: Gebed. Hy neem die leser op ’n reis deur die geskiedenis, van groot geestelike herlewings, persoonlike verhale, hedendaagse sendelinge en verhale uit die Bybel om te illustreer dat die énigste antwoord gebed is. Hierdie boek sal jou nie net help om te bid nie, maar ook om rég te bid.

Gebed wat berge beweeg sal jou inspireer en aanspoor om meer te bid. God wag op jou gebede, Hy wíl die beste vir jou hê, Hy wíl vir jou gee wat jy in sy Naam vra. Jy moet net bid.

Naas die raad vervat in elke hoofstuk, sluit die boek ook af met ’n bylaag met praktiese riglyne vir gebed. Ontsluit die magtigste krag op aarde: vir jouself, jou land, jou geliefdes, asook die hele wêreld.

365 inspirerende dagstukke vir jong manne geskryf deur jong manne. Meer as 60 jong manne uit verskillende dele van die wereld het 365 dagstukke vir hulle mede-tieners geskryf waarin hulle getuig hoe God hulle lewe verander het. Hulle moedig tieners aan om nie te huiwer om uit te staan bo ander wat daagliks rondploeter in ’n sinlose soeke nie, maar om: God eerste te stel; Rein te bly in hul verhoudings met meisies; Probleme op ’n Bybelse manier te hanteer; Vreesloos en oorwinnend te leef. Tieners verstaan die hart van tieners, en tieners het die ongelooflike potensiaal om die wereld ’n plek van hoop te maak.

Ontdek hoe ’n gebed gebore uit desperaatheid jou kan lei om waarlik kragtig en effektief te bid vir jou nasie, gesin en jouself. Voel dit of jou gebede nie “werk” nie? Asof dit kragteloos is? Se nou die probleem le nie by die gebed nie, maar by die bidder self? Anne Graham Lotz ondersoek in Die gebed van Daniel hoe ’n gebed moet lyk om waarlik die hemel te beweeg en ’n nasie te verander. Deur van nader te kyk na Daniel se gebed in Daniel 9 beantwoord sy vrae soos: Hoe weet ek God luister na my gebed?; Hoe weet ek God sal my gebed beantwoord?; Hoekom moet ek bid?; Maak dit saak waar ek bid?; Maak my gesindheid saak wanneer ek bid?; Watter verskil maak een persoon se gebed? Ontdek hoe ’n gebed gebore uit desperaatheid jou kan lei om waarlik passievol, opreg, seevierend en volhardend te bid totdat jy ’n antwoord kry. Die gebed van Daniel sal jou help om effektief te bid vir jou nasie, jou gesin en jouself.

Verfrissende perspektiewe op geloofsvrae wat nie so ’n eenvoudige “reg of verkeerd”-antwoord het nie.

Het God ’n plan vir my lewe? Wat beteken “geestelike groei” nou eintlik? Hoekom sukkel Genesis en wetenskaplikes om ooreen te kom oor die skepping? Wat as die staat genadedood wettig?

Baie Christene worstel met geloofstandpunte wat op die Skrif gebaseer is, maar lyk of dit dalk nie so simplisties toegepas kan word nie. Mark Woods volg ’n unieke aanslag in Staan dit regtig in die Bybel? In plaas van ʼn “reg of verkeerd”-benadering poog hy om ʼn alternatief te bied gegrond op eerlike, diep nadenke. Hy daag jou uit om op ander maniere oor ou waarhede te dink in plaas van net te verklaar wat in die Bybel staan. Om weer te kyk wat die Bybel regtig oor sekere kwessies sê. Om nuut te dink en jou elkedagse lewe en optrede te meet aan wat Jesus ons kom leer het.

Is die waarheid dieper, meer radikaal en selfs meer gevaarlik? Loop ons sommige van die rykdom en diepte van ons geloof mis omdat ons nie daarvan hou om vrae te vra wat ons behoort te vra nie? In hierdie Bybelsgebaseerde boek kyk Mark Woods intens na ’n paar geloofskwessies en hoe sterk die Bybelse fondasie van die antwoorde waarmee ons grootgeword het werklik is.

Leer hoe om krisisse reg te hanteer sodat jy daardeur kan groei.

Stres, stres, stres. Die gonswoord op almal se lippe, want ons elkeen, van kinders tot volwassenes, beleef dit.

Dit hoef jou glad nie moedeloos te maak nie, want hierdie potensiële struikelblokke en breekpunte kán noodsaaklike groeipunte en trapklippe na sukses word.

In Breekpunt wys Henk Gous jou hoe om krisisse reg te hanteer en so persoonlik te groei. Hy verdeel die boek in vier afdelings, naamlik persoonlike stres, stres in verhoudings, stres by die werk en stres oor finansies. As ervare berader bespreek hy onder meer:

· Die oorsake van trauma en praktiese wenke om dit te hanteer.

· Hoe om konflik en krisisse op ’n gesonde manier te hanteer.

· Maak sin uit pyn.

· Stappe van vergifnis.

· Hoe om die bande van verslawing te breek.

· Hoe om op te staan ná ’n nederlaag.

· Hoe om op te hou stres oor finansies.

Neem vandag nog beheer oor jou lewe, want jy kán krisisse reg hanteer en oorkom, en so met selfvertroue die toekoms tegemoetgaan.

365 inspirerende dagstukke vir jong manne geskryf deur jong manne. Meer as 60 jong manne uit verskillende dele van die wereld het 365 dagstukke vir hulle mede-tieners geskryf waarin hulle getuig hoe God hulle lewe verander het. Hulle moedig tieners aan om nie te huiwer om uit te staan bo ander wat daagliks rondploeter in ’n sinlose soeke nie, maar om: God eerste te stel; Rein te bly in hul verhoudings met meisies; Probleme op ’n Bybelse manier te hanteer; Vreesloos en oorwinnend te leef. Tieners verstaan die hart van tieners, en tieners het die ongelooflike potensiaal om die wereld ’n plek van hoop te maak.

’n Indiepte-studie oor die boek Ester in 10 weke om jou bewus te maak dat God se hand in alles in jou lewe is. God onderhou en regeer oor alles wat Hy gemaak het. Alles wat gebeur, vind plaas omdat dit God se wil is volgens sy plan, manier en tydsberekening. Soms roep Hy gewone mense om buitengewone take uit te voer. Hierdie 10 weke lange studie oor die boek Ester bied ’n fassinerende historiese vertelling van God se voorsiening onder ’n aanslag om die Jode in ballingskap in die Persiese Ryk uit te roei. Jane Roach gebruik insigryke kommentaar, besprekingsvrae, getuienisse en lofsange terwyl sy lesers deur hierdie boeiende verhaal neem, karakters bekendstel en God se voorsiening uitwys. Soos jy deur Ester werk, sal jy leer om God se hand in jou eie omstandighede raak te sien, om op Hom te steun met onverdeelde vertroue en aanbidding, en om ’n nuwe lewe van dankbaarheid, vrede en vreugde te ervaar.

7 studies oor die 5 liefdestale wat wereldwyd 'n positiewe impak op huwelik het. In 2017 is Gary Chapman se boek The 5 Love Languages al vir 25 jaar ’n New York Times-topverkoper. Duisende paartjies kan getuig van die lewensveranderende invloed wat die boek, wat al in 50 tale vertaal is, op hulle verhoudings gehad het. Die inhoud van hierdie gewilde boek is nou verwerk in ’n Bybelstudie, Vyf tale van die liefde – ’n Bybelstudie. In 7 weke openbaar die studie die verskillende maniere waarop mense hulle liefde uitdruk en bied ook die sleutel om mekaar se unieke behoeftes te verstaan. Met behulp van Skrifstudie, besprekingsvrae en praktiese wenke sal lesers ontdek dat indien hulle die regte beginsels toepas en mekaar se regte liefdestaal aanleer, hulle onbeskryflike bevrediging en vreugde in hulle huwelik sal ervaar omdat hulle werklik sal weet hoe om hulle liefde uit te druk en geliefd te voel. Agter in die Bybelstudie is daar ook handige riglyne vir groepleiers wat hulle voor en tydens sessies sal help. Vyf tale van die liefde – ’n Bybelstudie sal ’n lewenslange positiewe impak maak op huwelike.

Versterk jou huwelik en verhouding met God met 366 dagstukkie spesiaal vir huweliksmaats.

Versterk jou huwelik en verhouding met God met die kosbare Mnr. & Mev. – 366 oordenkings vir egpare.

In vandag se gejaagde lewe is dit belangrik dat paartjies gereeld saam met mekaar en saam met God stil word. Hierdie pragtige dagboek sal paartjies help om ’n dieper intimiteit met mekaar en met God te ontwikkel wat hulle huwelik en geloof na ’n nuwe vlak van liefde, vertroue en hoop sal neem.

Beweeg elke dag nader aan jou huweliksmaat en aan God deur ’n paar minute saam stil te word, te lees en na te dink oor die inspirerende oordenkings en bemoedigende teksverse in hierdie dagboeke vir paartjies.

Ook beskikbaar in Engels onder die titel Mr & Mrs – 366 Devotions for Couples

In Waar engele wandel doen Tyler Ames – 'n professionele bofbalspeler – ’n besering op wat sy loopbaan beëindig, en vind hy uit dat sy groot liefde Sami Dawson aanbeweeg het. Wanneer 'n reeks wonderwerke hom lei om vriende te raak met 'n ou dame wat aan Alzheimers ly, besef hy dat sy dalk net die antwoorde het waarna hy so desperaat op soek is.

In Dans van die engele ontmoet ons vir Mary Catherine. Sy is aangetrokke tot bofbalspeler Marcus Dillinger en werk as vrywilliger saam met haar kamermaat, Sami, by ’n plaaslike jeugsentrum. Maar alles verander toe sy verpletterende nuus van haar dokter kry wat haar toekoms onherroeplik verander.

In Onder engele-vleuels besluit Mary Catherine om na Uganda te trek en by ’n weeshuis te werk. Marcus vertrek op 'n desperate soektog na Mary Catherine en die engele in hul midde doen alles wat hulle kan om seker te maak dat hul missie slaag.

Ervare prediker en skrywer Colin Smith wys jou hoe die Tien Gebooie jou kan help met die lewe se grootste uitdagings. Sukkel jy met jou humeur? Of met ontevredenheid of dalk tydbestuur? Wat dit ook al is, daar is hulp op ’n verrassende plek: die Tien Gebooie. In Die 10 grootste uitdagings in jou lewe wys ervare skrywer en prediker Colin Smith hoe die Tien Gebooie baie meer inhou as wat jy nog altyd gedink het. Dit is soveel meer as ’n lys moets en moenies – dit gaan in werklikheid oor dit wat diep in jou hart le en word ’n barometer van jou liefde vir God. Jy sal areas in jou lewe ontdek waar ’n koersaanpassing nodig is, en jy sal insig en wysheid kry om met meer liefde, krag en vryheid in Christus te lewe. Ingesluit: ’n studiegids ideaal vir individuele gebruik of in groepe, wat jou sal help om vreugde te vind in God se Woord. Ook beskikbaar in Engels onder titel The Ten Greatest Struggles of Your Life.

Ontdek die onbeperkte krag wat gebed in jou lewe en huwelik kan vrystel.

Stormie Omartian is wêreldwyd bekend vir haar boeke oor gebed vir mans, vroue, ouers en huweliksmaats. Nou is twee van haar gewilde boeke, Die krag van ʼn biddende man en Die krag van ʼn vrou wat bid saamgevoeg in een handige flipboek-formaat.

Die krag van ’n biddende man is gerig op elke man wat vir sy vrou wil intree op gebiede waar sy werklik sy gebede nodig het. In 20 kort hoof­stukke wys Stormie mans hoe meer hulle op God vertrou in ge­bed, hoe beter sal Hy hulle en hul vroue lei na nuwe vervulling en vreugde van dag tot dag.

In Die krag van ’n vrou wat bid bied Stormie in 30 kort hoofstukke leiding aan elke vrou wat ’n vrugtevolle gebedslewe begeer. Sy gee vir vroue wenke oor hoe om na­der aan God te kom en sy planne vir hul lewe te ver­staan.

Hierdie 2-in-1-boek is ideaal vir mans en vroue wat weet wat ’n kragtige uitwerking gebed op hulle huwelik kan hê.

Ontdek die agt maniere waarop jy jou huweliksmaat kan eer om ware liefde en intimiteit te ervaar.

’n Egpaar is in die unieke posisie om mekaar as man en vrou te eer op ’n manier wat niemand anders kan nie.

Om mekaar te eer is God se oorspronklike doel vir die verhouding tussen man en vrou. Ongelukkig het die idee om mekaar in die huweliksverhouding te eer verlore geraak in ons hedendaagse samelewing.

In hierdie unieke flip-boek vir hom én haar deel David en Marilynn Chadwick 8 maniere om hierdie spesiale liefde te betoon.

Marilynn wys vroue onder andere dat hulle in hulle man kan glo, vir hom veg en hom opbou, sy las verlig en saam met hom kan droom.

David sê weer dat mans gerus hul vrou se instink kan vertrou, sy hart deel en leer om sy vrou te “lees”, hy moet haar beskermer wees en sekere vrae dikwels vra.

Namate jy jou huweliksmaat eer, sal julle ’n nuwe vlak van vervulling en intimiteit bereik – en vir ander wys hoe mooi die verhouding tussen ’n man en vrou kan wees wanneer julle God se plan vir die huwelik volg.

Gebede vir ouers wat hulle kinders elke dag en in alle omstandighede in God se sorg toevertrou. Al wat jy eintlik vir jou kind kan doen, is bid. Tog kan ouers om verskeie redes nie elke dag by hulle kinders wees nie. Kinders gaan op skooluitstappies, hulle gaan universiteit toe of trek weg vir hulle werk. Die gebede in Gebede vir my kind verwoord 'n ouer se emosies wanneer jy daar wil wees vir jou kind, maar nie by hulle kan wees nie. In 9 hoofstukke deel Edie Melson gebede wat jy vir jouself en jou kind kan bid. Dit sluit gebede in om seen, beskerming en genade. Sy deel ook gebede wat jy vir jou kinders se vriende en onderwysers kan bid. Elke hoofstuk word afgerond met oordenkings, gedagtes oor ouerskap en ook gebede vir jouself vir jou belangrike taak as ouer. Hierdie boek sal jou opnuut laat besef dat God die Vader vir jou kind sorg, selfs as jy nie kan nie.