In my geval was dit nie 'n ligte mistykie om af te tree nie, maar 'n moerse een. Meestal is dit net ek en my nuutgevonde pel Johnnie Walker. My vrou is bekommerd oor hierdie vriendskap. Erg. So begin Franz Kemp se lakoniese en bitterbekkige vertelling oor sy sestig dae in die Suid-Soedan. Om van verveling te ontsnap aanvaar hy 'n werksaanbod om 'n nuwe TV-stasie in Juba, die hoofstad van die Suid-Soedan, van die grond af te kry deur die daaglikse nuusbulletin op te stel. Dis makliker gese as gedaan. Want Juba is "die gatkant van die wereld", verneem Kemp op die lughawe. En Kemp is maar 'n kwasterige man.

Of jy nou vir Bitterfontein, die Blou Bulle of die Bokke speel, rugby bly ’n spel met baie snaakse situasies, op en van die veld. Daar's nie nog 'n sport waaruit soveel stories uit die skrum van die lewe gehaak word nie. Boots en brannewyn is 'n lekker ontspanboek wat o.a. vertel van Morrie Zimerman se gatvol raak vir hoekskoppies; Ferdie Bergh se helderblou Springbok-kouse; die ref wat die Bokke teregwys dat 'die Engelse julle darem nou lekker donner'; 'n boerbok wat 'n Villagers-man buite aksie stel; en Bob Skinstad se 'noodgebed' voor 'n wedstryd. Daar is ook heelwat staaltjies oor legendes soos Oom Boy Louw, Dok Craven, Oubaas Mark en Colin Meads, oor breiers en refs en die manewales van die Kiwis, Aussies en die Ses Nasies-manne. 'n Lekker-lag boek vir rugby-liefhebbers.

Elke hoofstuk bevat resepte wat gepas is vir die seisoen, maar laat jou toe om te besluit waarvoor jy lus het. Die resepte is meestal eenvoudig en sonder fieterjasies, maar sonder om die essensie of smaak van 'n gereg prys te gee. Die titel gaan bedrywige kokke weer laat uitsien daarna om die kombuiskaste in te vaar en gaan elke dag se kookervaring weer in 'n genieting omskep. Met resepte wat oor en oor die toets van die tyd deurstaan het, gekombineer met vars, nuwe idees, bied dit 'n uitkoms vir elke ma en besige kok.

Die nuwe uitgawe spog met sewe afdelings wat elk weer uit 'n aantal onderafdelings bestaan. Die afdelings handel o.m. oor aardrykskunde, Bybelkennis, die kunste, politiek, skoonhede en sportsterre. Daar is ook 'n afdeling oor algemene wetenswaardighede, soos internasionale registrasienommers, danse en pleknaamveranderinge in Suid-Afrika ingesluit. In die afdeling oor Aardrykskunde kan gebruikers bv. die name van berge, eilande, mere en damme, geldeenhede, riviere, woestyne, watervalle en fjords, hoofstede en oseane naslaan. Die afdeling oor die kunste bevat die name en vanne van akteurs en aktrises (ook uit Bollywood), die van komponiste, sangers en sanggroepe, skilders en beeldhouers, skrywers, TV-persoonlikhede en -aanbieders.

City boy Deon Maas flees the suburbs in search of adventure and Africa is where he reckons he will find it. Over a period of 15 years he embarks on several journeys, once with his whole family in tow, to discover what it means to be African.He ends up ducking pirates in Madagascar, spending a night with oil thieves in Nigeria and narrowly escaping death at a roadblock in the Congo. Interwoven with his travel stories is his search for local music and the musical legends of the countries he visits. His stories are spiced with fascinating characters, strange sightings and... his cocky attitude Anything but the typical tourist, Deon sets out to meet the locals and experience the underbelly of every new city. This means that he often ventures to places where he isn't meant to be and he ends up in a tight spot more than once. Impudent and blatantly honest, even ordering a hotel breakfast can become an adventure when Deon Maas is involved. His self-deprecating humor and offbeat take on most situations make for an unforgettable reading experience.

Ek is Uys van der Hoven, ek het Nico Nel in 1976 onderstebo ontmoet … So vertel Uys van der Hoven van sy en Nico Nel se ontmoeting. Nico Nel het op die gewilde TV-program Maak 'n las naam gemaak as storieman van formaat. In hierdie bundel sorg hy en sy medestorieverteller, Uys van der Hoven, vir stories wat jou met trane in jou oe en wange seer van die lag vir meer sal laat vra. Die Bont Louws se tuisgemaakte driedemfiets kos hulle amper al hulle sproete. Jakop Tieties word na 'n drinkparty in die lykshuis wakker en neem dit vir 'n hospitaal aan. En daar is die storie oor die skaap en die argitek met die ponytail.

Fred Mouton kyk met belangstelling na President Jacob Zuma. "Sekere mense teken so lekker, jy hoop hulle bly vir altyd lewendig, want hulle het gesigte wat 'n mens kan waardeer." Die nuwe versameling met die beste uit Fred se pen volg op die sukses van sy versamelbundel verlede jaar. Van Helen Zille tot Jacob Zuma en vele ander bekendes - soos Steve Hofmeyr en Carl Niehaus - loop onder sy deurdringende dog altyd humoristiese pen deur.

Suid-Afrika het sy eerste toets in 1891 in Port Elizabeth teen die Britse Eilande gespeel en met 0-4 verloor. Percy Montgomery was die eerste en enigste Springbok wat in 100 toetse gespeel het. Hy het in 2008 uitgetree, na 'n rekord van 102 toetse en 893 punte in die Springboktrui. Tien stelle pa's en seuns het vir Suid-Afrika gespeel, waarvan Hennie en Andries Bekker die jongste is. Twaalf Springbokke se vroue het Suid-Afrika in ander sportsoorte verteenwoordig. Die jongste was Hannelie du Randt, Os du Randt se vrou, as swemster. Springbok-allegaartjie gee jou alles wat jy oor die beroemde span wil weet, van die heel eerste wedstryd tot die hede. Die skrywers se noukeurige navorsing onthul rekords en feite wat nog nooit die lig gesien het nie, en hulle vertel ook gewilde verhale rondom Suid-Afrikaanse rugby oor die jare heen. Tabelle, aanteke-ninge, feite en statistiek verander die boek in ’n skatkis met alles wat ’n rugbygeesdriftige oor die Springbokspan wil weet: die spelers, die erfenis, die rampe en die seges.

The region colloquially known as Greater Kruger is the most famous wildlife conservation area in southern Africa. The area includes the world renowned Kruger National Park; several privately owned game reserves and a contractual park. This region also forms part of the much larger Greater Limpopo Transfrontier Park, which spans international boundaries and includes neighbouring game reserves in Zimbabwe and Mozambique. Size: 116mm x 161mm, portrait, 176 full-colour pages, printed on 130gsm matt art paper, hard cover, matt laminated and UV varnished.

Dit is met trots en nederigheid dat die Blou Bulle Rugby - Unie sy 70ste herdenking vier - trots oor die prestasies van die spelers van die voormalige Noord-Transvaal en die Blou Bulle; en nederig, dat die drome en visie van die wat hulle vir 'n onafhanklike unie beywer het suksesvol nagestreef is. Blou Bulle - 70 Glorie Jare is nie bedoel om 'n naslaanwerk te wees nie. Dit is die storie van die totstandkoming van die unie en hoe dit oor die 70 jaar ontwikkel het. Die hoogtepunte - en ook laagtepunte - word in die titel gedokumenteer, insluitende die prestasies op die veld en in die raadsale van Suid-Afrika en inderdaad die wereld; so ook die probleme tydens die oorgang na professionalisme. Die rol van die skeidsregters, die ondersteuners, die skole en die klubs word gekombineer in hierdie verhaal van eenheid van wat eintlik 'n enkele groot familie is, omdat die unie so na aan sy ondersteuners staan.

'n Bundel humoristiese kortverhale wat beloof om die leser se trane te laat loop – stories wat dieper en met deernis na die mens kyk. 'n Mens kan 'n olifant se poot opjek. En dan weer afjek ook. 'n Dominee kan op een enkele dag twee keer "bliksem" se. Regte ducktails het nooit na discomusiek geluister nie. Daar word vertel van 'n baber wat op 'n keer erens in Rustenburg se wereld verdrink het. Daar is sekerlik niks op aarde onmoontlik nie, alhoewel die beterweteriges sou sê dat dit alles leuens en ander liegstories is.

In Van die Kaap tot Kilimandjaro vertel regisseur Johan Badenhorst onderhoudend van die Voetspore-span se derde reis deur Afrika. Kaapstad met sy kenmerkende berg is 'n geskikte vertrekpunt. Van daar met die 4X4-Nissans deur die Sederberge, oor Verneukpan, deur Kgalagadi en die Kalahari, dan in Botswana deur die poort tot die Okavango-delta, die Chobe-wildparadys, Barotseland op die vloedvlaktes van die Zambezi, en dan oos deur Zambie en Malawi. Deur die ongerepte woude in die noorde van Mosambiek ry die span tot by die kus waar met 'n dau gevaar word na die eiland Ibo met sy ou Portugees-koloniale geboue en silwersmede wat op 'n primitiewe manier met handgereedskap en 'n mondblaasbalk juweliersware maak. Verder noordwaarts deur die Selous-wildtuin tot by die polsende stad van Dar-es-Salaam. Dan 'n besoek aan Zanzibar, eksoties, speseryryke eiland, voor hulle wes draai na die Ngorogoro-krater met sy unieke, volmaakte ekosisteem, en die Serengeti. Hul laaste staning word gemaak in Amboseli, Kenia, met 'n wonderlike uitsig op Kilimandjaro, die hoogste berg in Afrika. En soos gewoonlik word daar langs die pad gekamp, gekook, vasgesit, losgekom, gekuier, gekyk, en net eenvoudig geniet. Leuenstoel-avonturiers en 4X4-eienaars deel in die opwinding, terwyl hulle meer te wete kom oor Afrika en sy unieke besienswaardighede.

Hierdie titel bied veel meer as 'n mooi boodskappie per dag. Dit straal van verwondering oor God se wonderlike wee met die mens, maar bied ook 'n wereld-gerekende teoloog se insigte - in maklik verteerbare styl. Die title se 366 stukke behandel die volgende temas: Die Ou Testament - (Genesis, Deuteronomium, Psalms, Jeremia, Prediker); Die Nuwe testament (Matteus, Johannes, 1 en 2 Timoteus, Titus en Filemon); Die tien gebooie; Die Apostoliese Geloofsbelydenis – waarin alles wat Christene oor die Bybel glo saamgevat is; Jesus, die Messias; En so tussendeur bespreek die outeur interessante tekste wat dwarsoor die Bybel voorkom, breek 'n lansie vir betroubare Bybelnavorsing en Bybelvertaling, en waarsku teen "letterknegtery" en onverantwoordelike Bybelinterpretasie.

In hierdie titel kry mens 'n vars kykie op die bobbejaan, waarin sy innerlike en uiterlike met unieke volkleurfoto's uitgebeeld word. Maar dit is 'n titel met 'n verskil. Vrae soos die volgende word beantwoord: watter ervaringe het binnelandse reisigers met hulle gehad? Hoe het bobbejane ons taal, plekname, gedigte,prosa, musiek, spotprente en volksverhale beinvloed? Is die bobbejaan se voortbestaan nie eintlik in gedrang nie?

In 'n tyd van tegnologiese vooruitgang op 'n wye spektrum van gebiede word almal op die een of ander manier daardeur geraak. Een verandering is in die speelpatroon van die jeug. Die doel van hierdie titel is om tradisionele speletjies op te teken en te bewaar vir ons nageslag. Tradisionele speletjies sluit in blikaspeel, kennetjie, hop-scotch, daar kom die wa, stormstreke, en vele meer.