Vir sjef Tiaan Langenegger was dit sedert sy kinderjare ’n droom om sy eie kookboek te hê. Vandat hy op dertienjarige ouderdom Jamie Oliver se eerste kookboek, The Naked Chef, gesien het, het hy geweet dit is wat hy ook wil doen – hy wil met kos werk en ’n “seleb” wees – dis nou voordat hy besef het wat laasgenoemde regtig behels!

Na aanleiding van Tiaan se kookprogramme Tiaan onthou, Tiaan kook en Tiaan proe op kykNET en Showmax het hy baie navrae van kykers gekry oor waar hulle die resepte kan kry, en só is die idee vir sy eie kookboek gebore.

Dit is geïnspireer deur sy ma en ouma se kos, en dis baie anders as wat hy jare gelede gedink het dit sou wees: Dit is meer “back to basics”. Hy deel ook resepte wat hy deur die jare geleer maak het waar hy in verskillende bekende restaurante gewerk het, waaronder Le Quartier Français op Franschhoek en Overture op Stellenbosch.

Die Glinster In My Grysheid is ‘n praktiese gids wat algemene uitdagings geassosieer met veroudering op gemaklike manier aanspreek.

Byvoorbeeld:

• Aanpassing by verandering
• Negatiwiteit
• Depressie
• Eetgewoontes
• Afname in energievlakke
• Geheueverlies
• Vrees vir val
• Kinders en kleinkinders wat verskillende prioriteite en leefstyle handaaf
• Hantering van gevoelens van waardeloosheid

Prente illustreer bewegings en tegnieke duidelik, wat dit eenvoudig en gebruikersvriendelik maak. In die boek is ‘n Mind Moves plakkaat ingesluit wat Mind Moves oefeninge bymekaar groepeer wat bogenoemde uitdagings aanspreek.