36-jarige Paul du Toit, 'n geheime agent in die Weermag tydens die laaste jare van wit oorheerste Suid Afrika, glo hy het sy gewelddadige lewe agtergelaat. Totdat omstandighede hom dwing om voor die Waarheids-en-Versoeningskommissie aansoek te doen vir amnestie oor die dood van twee antiapartheidsaktiviste. Hy verloor beide sy werk en sy vrou. Hartgebroke en met swak vooruitsigte op werk, weet Paul hy het 'n uitgeworpene geword. Toe hy uitvind Louise het na Londen gegaan, volg hy haar soontoe om haar te probeer ompraat om terug te kom. Dit laat hom nadink oor sy verlede en sy skuld. Swerwend deur 'n ongenaakbare stad, dink Paul na oor sy verlede en sy skuld - iets wat hy sedert die dood van die aktiviste vermy het. Die waarheid is egter ewe ontwykend as Louise, sy vrou, en dit word vir hom 'n pynlike reis in homself. Hy raak betrokke by 'n gewelddadige konflik met twee Londense kriminele. Weer eens staan hy voor 'n morele toets - 'n toets waarin hy al voorheen gefaal het. Wanneer hy na Suid-Afrika terugkeer, besoek hy die familie van die gestorwe aktiviste om sy skuld te bely. Hy vind ook uit dat selfs hy nie die volle waarheid ken van wat gebeur het nie. Nou moet hy besluit of sy toekoms in Suid-Afrika le of in die Verenigde Koninkryk, by Louise of by Monica, 'n Tsjeggiese meisie by wie hy romanties betrokke geraak het.

In hierdie nuutste roman word die stroewe regstelsel teenoor die metafisiese wereld geplaas. Dit handel oor drie vroue ('n regter, 'n skoonmaker en 'n advokaat) wat binne die strak parameters van 'n regspraktyk soos wafferse hekse met ou resepte van alchemiste en die geheime uit die titel van die skepping speel. Die verhaal ondersoek die skeppingskrag van woorde en hoe die karakters deur taalgebruik hul woorde laat transponeer in werklikheid en so verantwoordelik raak vir hul eie en ander se noodlot. Die verhaal is deurspek met surrealisme, galge humor en 'n blik op fragiele mense. Daar is liefde en verraad, die ontmaskering van alles wat hoog en verhewe lyk en die slotsom dat sinloosheid die hoofkarakters dryf om na wysheid te streef en dat wysheid hulle uiteindelik weer met sinloosheid konfronteer.

Lees bietjie van Ou Jors se reusagtige "Large Black"- vark wat deur 'n agterbakse smous ontvoer word. Of van die banger-vir-'n-slang-as-die-duiwel-vir-'n-sluipsteen-oubaas wat gepik word waar geen man gepik wil wees nie. En pink 'n traan weg wanneer daar vertel word van Simba, die hondmak leeu wat in ieder en elkeen se hart gekruip het. Want hier is padkos te kus en te keur - sielevoedsel vir een en almal - wat jou sal laat wens dat die lekkerlees nooit einde sal kry nie.

Die deurlopende tema in hierdie tien verhale is verwondering: met die landskappe van Suid-Afrika, Noord-Amerika en Frankryk; oor die reuse rob wat op onverklaarbare wyse op 'n Kaapstadse strand uitgespoel het; met die smaak van 'n geheimsinnige sampioen wat iewers in Frankryk groei. Die verhale illustreer uiteindelik 'n reeks komplekse menslike emosies wat telkens lei tot daardie een moment waarna 'n mens se lewe onherroeplik verander, wanneer dinge nooit weer dieselfde sal wees nie.

'n Misterieuse roman met sterk Gotiese elemente - Pippa, 'n jong, onervare en effens wereldvreemde vrouestudent, word heimlik deur 'n aantreklike ouer man bewonder en agtervolg. In 'n waas van romantiek voer hy haar tydens 'n donderstorm na sy kasteelagtige huis buite die stad, waar hy haar so vaardig verlei dat sy voorts nie die werklikheid heeltemal van die droom kan onderskei nie. Die uiteinde is dat sy nie weer teruggaan na die studentehuis waar sy en twee vriendinne woon nie, en ook die "die blonde man sonder naam" wat soos 'n bewaarengel oor haar waak, begin vermy. Want gou ruk die "die donker God" (soos Pippa en haar vriendinne na Alex verwys) se besitlikheid en jaloesie hand uit. Tot so 'n mate dat hy haar soms te lyf gaan of in sy huis opsluit. Uiteindelik trou Alex met Pippa en word daar 'n baba gebore ('n wonderlik musikaal begaafde dogtertjie), maar die tragiese einde, wat van vroeg af gesuggereer word deur die broeiende gevoel binne en buite die verhouding, volg onafwendbaar - Alex bring eers sy eksotiese kok uit Zanzibar en dan homself om die lewe. Die roman het 'n byna hipnotiese uitwerking op die leser - met ekonomie van beskrywing word 'n sprokiesagtige dog herkenbaar moderne werklikheid geskep. Tegelyktertyd word 'n donker aura rondom die romantiek en erotiek, vermeng met geweld, uitgebou.

Die almanak in die kombuis kondig die lente aan, maar al wat Hester Human raaksien, is stof en bourommel. 'n Dump, verwyt sy Andre, haar argitekman. Dit was sy idee, sy projek vir hulle Jaar in Provence. Die droom het in 'n nagmerrie ontaard toe haar vyfjarige dogtertjie, Manon, noodlottig gewond is tydens 'n skietvoorval in Kaapstad - enkele weke voor hulle vertrek na Frankyk. En so sukkel elkeen in die vreemde met sy eie swaarkry - Emile - haar dertienjarige seun - smelt al meer weg in die dik klipmure van die huis, om so min as moontlik moeite vir enigiemand te wees. Die koue Europese winter vra groot aanpassings - om blerrie handskoene soos 'n meisiekind te dra, om met 'n paar Franse woorde 'n internasionale skool in Avignon by te woon. Maar die moeilikste is om met die selfverwyt saam te leef dat hy nie sy sussie beskerm het teen die aanvallers nie. Andre stort al sy energie in die restourasieprojek en sak al dieper weg tussen die sakke sement, vragte vloerteëls, skroewe en spykers en planke en pype. En Hester? Sy word al stiller en meer afwesig. Haar enigste twee gespreksgenote is Manon, haar vyfjarige lieflingkind, wat nog net in haar gedagtes voortleef. En Myriam Soro van die Demokratiese Republiek van Kongo vir wie sy briewe skryf. Van haar het Hester in 'n Franse koerant gelees. Die foto vertoon 'n jong gesig, maar swart gate waar haar oe moes wees. Barbaars, het die media dit uitbasuin, dat sy haar twee dogters vermoor het toe sy nie langer vir hulle kon sorg nie. Maar in die gedeelde hartseer vind Hester verligting. Dink aan Myriam, se sy vir haarself. Dink aan Myriam Soro en tel jou seeninge. Jy sit miskien in 'n hool van 'n huis, slaap op die vloer en stik aan stof as jy koffie drink. Maar jy kan hier uitloop as jy wil. G'n tralies om jou te keer nie.

Both funny and terrible, magical and grimly realistic, this is a coming of age novel about a young boy living in a railway settlement in Durban in the mid-sixties. Its narrator, thirteen-year-old Timus, is part of a large family who struggles to make ends meet, and where the father's obsession with the church has distressing consequences. As the youngest member of his family, he is cocooned in his own world and lags behind his peer group when it comes to the sweet and dark things in life. Although the life he observes around him is often sad and disturbing, the narration is suffused with a sense of wonder and has an emotional resonance that touches the reader's heart.

'n Donker wereld van dwelms, 'n lewe in die strate, dwelmsindikate en die tronk. Dit is 'n lewe wat maar alte bekend is aan Rocher. Die lewe het hom mis­han­del. Hy moes staande bly deur sy ouers se egskei­ding, vyf stiefpa's en seksuele moles­tering. Rocher het homself oortuig dwelms is sy enigste troos, sy enigste liefde. Tog is Die beste ding since popcorn 'n verhaal van hoop, oorwinning en verlossing. Deur Jesus se bloed en God se on­beperkte genade en liefde word Rocher bevry van sy verslawing, maar eers nadat hy die diepste duisternis oorleef het: Pollsmoor-gevangenis.

In Verhale uit 'n koel voorhuis bundel Abraham H. de Vries sy voorkeurverhale uit die eerste Klein Karoo-bundels. Die resultaat is 'n bundel met die verskeidenheid van temas en afwisseling van vertelstyle waarvoor De Vries bekend is. Die verhale wat hierin opgeneem is strek vanaf die vermaaklike vertellings oor Stanley en die koei wat so sleg gegly en so komieklik loop sit het (wat ook deur David Kramer getoonset is) tot die makabere fantasie in “Die gusooi”; die mengsel van fantasie en geloof in “Skoenemaker, diepe water”, die spookverhaal in “Die swart hond van Bruidegomsdraai” en die jeugherinnering van “In ’n koel voorhuis”.

Konstant Wasserman se pad loop dood. Sy mense met hul verstarde lewens en hul aansprake dryf hom tot raserny, dryf hom die land uit: Australie toe. In Sydney leer hy kook in 'n restaurant en vind hy vrye geeste wat hom verstaan. Die liefde, in 'n smeulende gedaante, terg sy sinne. Hy is vry. Tot die vreemde blou merke op sy bene begin uitslaan en hy begin siek word. Die toetse is positief, en hy moet klaarmaak, vrede maak. In 'n beheerste proses van heroise afmetings konfronteer Konstant, en le hy af - elke vriendskap en verwantskap, sy sinnelike liefde vir die lewe, en in 'n geinspireerde deurgang, uiteindelik die lewe self.

Die skrywer herskep die alledaagshede wat elke huisvrou en ma sal herken: hoe vind jy balans tussen die verpligtinge van man en kinders en die eise wat daar aan 'n predikantsvrou gestel word? Veral as jy boonop 'n drang het om skrywer te word. Maar dan kry die vertelling 'n meevoerende krag wanneer ernstige krisisse opduik: Haar man kry 'n senuwee-ineenstorting. Meer nog: Haar skoondogter oorleef 'n ernstige motorongeluk, maar doen permanente fisiese en psigiese letsels op. En sy, die skrywer, is midde-in haar mees ambisieuse skryfprojek ooit. Hier bereik haar eg-menselike verhaal 'n besondere diepte- en hoogtepunt: 'n dieptepunt van smart, maar ook 'n hoogtepunt van kreatiwiteit.

Kort stories vir lang ure bevat 'n dertigtal stories uit die skrywer se Rapport-rubrieke. Dis 'n titel wat jy lees om die genot daarvan, 'n titel wat jou laat met die naklank van warmte, egtheid en pret. Moet vir aanstellerighed en lus vir lag. Verstaan jy die liefde en ken jy 'n twakstories as jy hom hoor.

Die verteller, Chris Retief, is 'n rustelose jong surfer wat probeer sin maak uit Londen en sy ervarings op Bali. Na Bali kom soek hy werk in Londen en bly hy saam met sy ou vriend, Mossie, en 'n paar ander Suid-Afrikaners. Die ontstellende drome wat hom teister, laat die leser vermoed dat daar iets in Bali gebeur het wat hy nog nie kon verwerk nie. Tussen werk soek, uithelp in 'n kroeg en tripping deur, neem dit 'n ruk voordat hy sy voete vind. Maar, sy vriendskap met Aimee, die Mexikaansie meisie wat hy leer ken, en sy vriend Priester, wat ook Londen toe kom, bring verandering en dryf dinge geleidelik tot op die spits.

Met bydraes van skrywers soos Alex Muller, Herman Wasserman, Tom Dreyer, Piet Haasbroek, Chanette Paul, Deon Meyer, Annamarie Marais, Johan van Lill, Emile Joubert, Corlia Fourie en Francois Bloemhof kan hierdie titel nie anders wees nie as spanningsleesgenot van uitstaande gehalte. Die samesteller en redakteur slaag daarin om leserbetrokkenheid van meet af aan te bewerkstellig, en die verhaalinhoude voorsien in die leser se verwagtinge van werklikheidsgetrouheid en onverwagse ontknopings.

Ruben Olivier se lewe is besig om uitmekaar te val. Sy vrou is dood. Die biblioteek wat die passie van sy lewe was, het hom 'n pakket aangebied om plek te maak vir 'n jong swart opvolger. Een van sy seuns het klaar die land verlaat en die tweede staan op vertrek. Sy beste vriend is sinneloos vermoor. Sy hede word deur drie figure oorheers. Daar is sy huishoudster, Magrieta, wat hom nie toelaat om te vergeet van die werklike wereld rondom sy soliede ou huis in Nuweland nie. Daar is Antje van Bengale, 'n jong slawemeisie wat drie eeue gelede tereggestel is en nou nog in die huis bly spook. En dan is daar Tessa, wat een nag uit die reen opdaag op soek na blyplek en soos 'n donker maan die landskap van sy lewe belig met die teenstrydige onthullinge uit haar verlede en die uitdaging van haar troebel seksualiteit.