'n Leeftyd Se Bekruip is ’n bundel verhale vol humor en avontuur. Dit gaan oor die te-voet-jag van kleinwild tot grootwild en strek oor verskillende lande en kontinente heen.

Dit gebeur nie aldag dat ‘n boer ‘n boek publiseer nie. Maar Dawie Strauss is nie ‘n gewone boer nie. Hy is ‘n boer én ‘n skrywer, ‘n jagter én ’n bewaarder.

‘n Boek wat op jou bedkassie of leunstoel, op jou see-handdoek of tydens jou vliegtuigrit op jou sal wag en sal sorg vir ‘n lekkerlees-avontuur. Sterre en kampvuur. Vriendskap en heimwee. Die bos róép…

Opregte liefde is onbreekbaar.

Lunaise vestig haar op Kosiebaai na ‘n liefdesteleurstelling. Hier aan die ooskus van Afrika vind sy vrede en genesing in die tropiese water van die warm Mosambiekstroom. Totdat Rolf Pfeiffer een aand onverwags by haar voordeur opdaag en deur al haar skanse breek sonder om ‘n vinger verroer.

Skielik bevind sy haar tussen meer beeldskone vroue om Rolf se hart te wen. As befaamde fisioterapeut stort sy haar hart en siel daarin om Rolf se peetkind, Ingrid, te behandel na ‘n ernstige vliegtuigongeluk waarin sy die gedeeltelike gebruik van haar een ledemaat verloor het. Lunaise se hart word ‘n oseaan waarvan die getye haar dwing om soms asemloos tussen hoogwater en laagwater te oorleef. Maar ‘n man met die getye in sy oë trek haar veilig onder sy skouer in en wys haar hoe die toekoms wel kan lyk.

Kan hierdie twee mense die aanslae van die lewe deurstaan sodat hulle liefde vir mekaar kan seëvier?

Kan ‘n gebroke huwelik betyds gered word?

ʼn Brief van ʼn geskeide vrou skud Noulien se huwelik se fondasie. Ná agt jaar se getroude lewe is sy en Stephan verby die maanskyn en rose stadium en het hulle paadjies uitmekaar begin loop. Net verlange bly oor van die dae toe sy in haar man se arms aan die slaap geraak het. Selfs in die slaapkamer is dit nou eerder plig as plesier en sukkel sy nog steeds om swanger te raak en die Cloetefamilie ‘n erfgenaam te gee.

Daarby is Belinda, die bure se dogter wat saam met Stephan grootgeword het en steeds gevoelens vir hom het, besig om te skei en terug op Grasdal by haar ouers.

Noulien besluit om Marriage Capsule se huwelikskursus te doen, want ʼn huwelik is soos ʼn motor: As dit eers breek, is die skade groot, soms onherstelbaar. Maar het sy betyds wakker geskrik?

Halfpad Hol is die storie van vier karakters wat hulle lewensweg moet vind in die godsdienstig-versplinterde landskap van post-apartheid Suid-Afrika. Die twee manlike perspektiefkarakters is beide vasgekeer in 'n gat; Coenraad fisiek onder in 'n myn, terwyl sy boesemvriend Henk se stryd tussen sy ore afspeel. Saam met Tracy en Benita word hul oortuigings getoets rakende etiek in besigheid, die huwelik en verhoudings. Daar is vertwyfeling oor die grootmaak van kinders, verhoudings met bejaarde ouers en houdings teenoor tradisionele instellings. Traumas weens die verlede se indoktrinasie beinvloed steeds hul lewenskeuses. Halfpad Hol bekyk die invloed van volksgodsdiens en die nadraai daarvan op die psige van die enkeling.

Irma Mulder is 'n erkende oorlogjoernalis. Sy verhuis terug na Suid-Afrika na 'n bomaanval wat die lewe van een van haar kameramanne geeis het. Sy woon nou in Nelspruit en skryf vir die plaaslike koerant. Sy word onverwags en onskuldig by ? moord ingesleep. Die moordenaar betrek haar ook by elke daaropvolgende moord en speel 'n gevaarlike speletjie met haar en die polisie. Sal die polisie daarin slaag om die reeksmoordenaar vas te trek voordat dit te laat is?